InfoHub Logo

Taqyryby: Týǵan jer - tal besigim
Maqsaty: Oqýshylarǵa týǵan ólke, onyń baılyǵy, alýan túrli tabıǵaty týraly túsinik berý. Týǵan jerge degen súıispenshiligin arttyrý. Tabıǵatty qorǵaı bilýge, ony aıalaýǵa tárbıeleý.
Kórnekiligi: AQT Slaıdtar, naqyl sózder, sharlar
Júrisi:
Muǵalim: Qadirmendi qonaqtar! «Týǵan jer – tal besigim!» atty tárbıe saǵatyna qosh keldińizder! Iá, osynaý keń - baıtaq elimizdiń shalqar kólderi men asqar taýlary, altyn dándi dalasy, aq kúmisteı qalasy, kenge toly óńiri men malǵa toly órisi bar, sender sekildi bolashaq urpaǵy bar máńgilik el, týǵan jerimiz – Qazaqstan dep atalady. Búgin sizderdiń týǵan el, týǵan jer týraly biletinderińizdi ortaǵa salamyz.
Júrgizýshi:
Batystan tolqyndaǵan Kaspıı teńizi men Jaıyq, Edil jaǵalaýynan shyǵystaǵy Altaı taýlaryna deıin, soltústikte Oral taýlarynan táńirli taý atanǵan Tán – Shan taýlaryna deıin Ulanǵaıyr jerdi alyp jatqan tunyp turǵan tabıǵaty bar Qazaqstan Respýblıkasy.

1 - oqýshy: Aqnıet
Qazaqstan - týǵan ólkem.
Jer kóppe sendeı kórkem.
Kórsin dep kúlli álemge
Jalaýyńdy jelge jelpem.

2 - oqýshy:
Kóz aldyńda kógildir taý munartyp,
Aspanymda aqqýdyń áni qalǵyp.
Qushaqtap bir ózińdi týǵan dalam.
Jatamyn kók shalǵynda janym balqyp.

3 - oqýshy: Rasýl
Tasyp jatqan ózender jaǵasynan.
Sary belde saǵymdar arasynan.
Taraıdy dán jupary bar álemge.
Qazaqtyń qasıetti dalasynan.
Júrgizýshi: Týǵan jer, ósken el, júrekke jyly sózderdiń bári de tabıǵat degen tańǵajaıyp uǵymmen birigip jatady. Qazaqstan – kóz tartar asa kórkem, bar sulýlyqty ón boıyna jınap alǵan ólke.

4 - oqýshy:
Keń dala kóremisiń sonaý jatqan,
Jibekteı jasyl shóppen betin basqan.
Asqar taý, aıdyn shalqar kól men ózen,
Áne, sol anam edi meni tapqan.

5 - oqýshy: Asulan
Sulý dala! Meniń súıgen erkemsiń,
Janym senen jaratylǵan ólkemsiń.
Qandaı jaqsy qazaq bolyp týǵanym.
O týǵan jer, tamashasyń, kórkemsiń.
Júrgizýshi: Tabıǵat adam balasyn dúnıege keltirip, boıyndaǵy bar mahabbat, meıirimin, kún shýaǵyn júregimizge uıalatqan aıaýly ana.

6 - oqýshy: Kelinberdi
Týǵan jer - altyn besik, asyl - anam,
Aýańmen, aq sútińmen asyraǵan.
Mendaǵy ulyń edim, óziń tektes,
Alysqa nesibesi shashyraǵan.

7 - oqýshy: Gúlmamyr
Tabıǵat qyzyǵam san sýretińe,
Bas ıem seniń alyp qudiretińe.
Turasyń kúlli álemge nur taratyp,
Tutqasy kúlli álemge nur taratyp.
Júrgizýshi: Tabıǵat – adamnyń boıyna qýat, kóńiline shabyt, sezimine lázzat shapaǵatyn uıalatatyn sulýlyq pen ásemdik álemi. Tabıǵat – adam densaýlyǵynyń saqshysy, janǵa daýa shıpager. Qazaqstannyń qoınaýynda paıdaly qazbalar óte kóp. «Jeri baıdyń eli baı» dep tegin aıtylmaǵan.

8 - oqýshy: Dıas
«Qazyna qara jerde» deıdi qazaq,
Kún kórgen osy jerden biraz alyp.
Jer - anadan úzilip kete almaǵan,
Kemeńger nebir dana, nebir alyp.

9 - oqýshy: Mánshúk
Ken aıtady el men jurtyń ólshemin,
Kende jatyr kún qýat pen mol senim.
Keniń barma, joq bolsa jarlysyń,
Keniń bolsa keleshegiń zor seniń.
Júrgizýshi: Tabıǵattyń basty baılyǵy – jer. Qazaqstan 272 mln gektar jerdi alyp jatyr, sonyń 222 mln gektary aýyl sharýashylyǵyna jaramdy jerler. «Kúte bilseń jer jomart» degen halyqtyń dana sózi beker aıtylmaǵan.

10 - oqýshy: Danagúl
Topyraqtan ómir ıisi shyǵady,
Ony deneń tıip ketse uǵady.
Eńbegińdi esesimen beretin
Jaqsylyq ta topyraqtan shyǵady.

11 - oqýshy: Ardaq
Tirshilikte ne ǵoı deısiń eń qymbat,
Tirshilikte adam qymbat, sen qymbat.
Al adamǵa aýa qymbat bárinen,
Aýa qymbat, alatuǵyn dem qymbat.