InfoHub Logo

Mýzyka 5 - klass
Sabaqtyń taqyryby: Qazaqstannyń skrıpka mektebi.
Maqsaty: Skrıpka aspaby týraly maǵlumat berý.
1 Skrıpka aspabynyń shyǵýy tarıhyna sholý jasaý.
2. Oqýshylarǵa adamnyń oı - armanynyń mýzykada beıneleýi men onyń ómirimen baılanystylyǵyn túsindirý. Balalardy ásemdikti sezinýge, mýzykadan estetıkalyq lázzat ala bilýge tárbıeleý. Mýzykany túsinýge baýlý, ónerdi qasterleýge, qurmetteýge tárbıeleý.
3. Oqýshylardyń tanymdyq qabiletin arttyrý, óz oıyn erkin jetkizýge jeteleý, shyǵarmashylyq qabiletin damytý.
Cabaqtyń túri: Jańa sabaq
Ádis - tásilderi: kórneki - baıandaý, suraq - jaýap, oı bólisý.
Jumys túrleri: mýzyka tyńdaý jumys, shyǵarmashylyq jumys.
Kórnekiligi: slaıdtar, úntaspa - vıdeo, plakattar, aspaptar.
Sabaqtyń tıpi: Jańa uǵymdy meńgertý.

İ. Alǵashqy uıymdastyrý.
- Balalar, búgingi sabaǵymyz kúndegiden erekshe bolady. Biz eki toppen jumys jasaımyz. (Oqýshylardy dombyra men qobyz aspabyn tańdatyp, sol arqyly eki topqa otyrǵyzý).
- Eki top ta ózderi tańdaǵan aspaptardyń atymen atalady. «Dombyra» jáne «Qobyz»
Oqýshylardy túgendeý, jınaqtaý.
Psıhologıalyq daıyndyq.
Oıǵa tolyp sanamyz,
Bestik bolyp baǵamyz.
Balasyndaı bir úıdiń,
Tatý bolsyn aramyz.

Úı tapsyrmasyn qaıtalaýǵa suraqtar berý.
- Aldyńǵy toqsandaǵy ótken taqyryptar boıynsha taqtadaǵy notalarda jazylǵan suraqtarǵa eki top alma - kezek jaýap beredi.
1. Fermata degenimiz ne?
2. Qazaq drama teatrynyń tarıhy qaı jyly bastaldy?
3. Tonıka degenimiz ne?
4. Improvızasıa degenimiz ne?
5. Ekpinniń qandaı túrleri bar?
6. Bah qaı eldiń kompozıtory?
- Balalar Biz endi osy toqsanda ónerdegi tulǵalar jóninde, olardyń bizge qaldyrǵan murasy jóninde syr shertpekshimiz.
Búgingi erekshe sabaǵymyzdyń taqyryby taqtadan ózderińiz kórip otyrǵandaı,
«Qazaqstandaǵy skrıpka mektebi» dep atalady. Dápterimizdi ashyp búgingi sabaqtyń taqyrybyn jazamyz.
- Balalar sender skrıpka týraly ne bilesińder?
(Oqýshylar eki toppen óz biletinderin qaǵazǵa túsirip, ózderi baıandaıdy).
- Jaraısyńdar, endi taqtaǵa nazar aýdaraıyq.
• Slaıd - 3. Taqtadan skrıpka aspabyn kórip turmyz.
• Slaıd - 4. Rebab.
• Slaıd - 5. Skrıpkanyń ózindik halyqtyq tarıhy bar. Bul aspaptyń arǵy tegi arabtardyń rebab aspaby men fransýzdardyń fıdeli, nemisterdiń rotasy. Skrıpkanyń burynǵy formasy XVI ǵasyrda jasala bastady. Osy ǵasyr men XVII ǵasyrdyń basynda belgili Italándyq Amatıler otbasy skrıpka jasaý isimen shuǵyldandy. Olardyń aspaptary ózindik ózgeshe formasymen jáne jaqsy sapasymen únemi erekshelendi. Osy skrıpka óndirisi - aq Italıa eliniń abyroıyn biraz aspandatyp tastady. Sol zamandaǵy Stradıvarı men Gvarnerı atty sheberlerdiń skrıpkasy óte ótimdi boldy. Sapasyna taǵar eshkim de min tapqan joq. Olardyń jasaǵan aspaptarynyń quny da joǵary boldy.