InfoHub Logo

Taqyryby: Qazaqtyń oıý - órnekteri
Eresekter men mektep aldy toby.
Maqsaty. Balalarǵa qazaqtyń oıý - órnekteri týraly túsinik berý. Halyq sheberleriniń eńbekterine qurmetpen qaraýǵa, ulttyq salt - dástúrdi jalǵastyrýǵa tárbıeleý. Aplıkasıa, qurastyrý arqyly qazaq oıý - órnekterine qyzyǵýshylyǵyn arttyrý.
Kórnekilikter: Jelim, túrli - tústi qatyrma qaǵaz.
Ádis - tásilderi. úıretý, kórsetý, aıtyp túsindirý, esterine túsirý.
Bılıgvaldi komponent: órnek - ýzory

Sabaqtyń barysy:
1. Uıymdastyrý. Balalar mýzyka áýenimen topqa kiredi.
Jylýlyq sheńberi. Balalar bir - birimen qushaqtasyp amandasyp oryndaryna otyrady.
Tárbıeshi:
- Qazir jyldyń qaı mezgili?
- Búgin aptanyń qaı kúni?
- Balalar biz qaı melekette turamyz?
- Qazaqstannyń astanasy qaı qala?
- Sender qaı ulttyń balasysyńdar? balalar ár halyqtyń ózine tán ulttyq belgileri bar. Bizdiń óz rámizderimiz, tilimiz, salt - dástúrimiz bar. Qazaq halqynyń ózine tán erekshelikteriniń biri - ulttyq oıý - órnekteri. Ol oıýlardy sender kúnde kórip júrsińder.
Mysaly: kók týymyzdyń jıeginde oıýmen áshekeılengen belgisi bar.
Balalar sender qandaı oıý - órnek túrlerin bilesińder?(qaıtalaý)
Olaı bolsa men senderge oıý - órnek túrlerin kórsetemin. Sender esterińe túsirip, atap berińder.
Teledıdardan beıne kórinis.

Al, balalar bizge qonaqqa ulttyq oıý - órnek túrlerin jete meńgergen sheber ájemiz kelip otyr.
Áje: Amansyńdar ma, nemerelerim!
Qáne, kim oıý - órnek týraly maqal - mátelder biledi?
Mýnıra: Sheberdiń saýsaǵy altyn
Oıý oıǵan syzý da syzady.
Danıal: Óz úıinde oıý oımaǵan
Kisi úıinde syzý syzady.
Áıgerim: Kedeımin dep qysylma
Óneriń bolsa qolyńda.
Ónerliniń yrysy
Jarqyrap jatqan jolynda.
Tárbıeshi: Balalar qazaqtyń oıý - órnegi týraly ne bilesińder?
Aqylbek: Meniń túsingenim oıý - órnek degenimiz sándik, kórkemdik, tazalyq, sulýlyq, shat kóńil dep oılaımyn.
Dýlat: Oıý - órnek salǵan adamnyń júregi názák, jany taza bolady.
Almas: oıý - órnek ǵasyrdan - ǵasyrǵa, urpaqtan - urpaqqa jalǵasyp kele jatqan mádenı mura.
Aıym. bizdiń qazaq sheberleri oıý - órnek túrlerin jete meńgergen.
Mysaly: Kók tús - aspannyń
Qyzyl tús - qýanyshtyń,
Sary tús - aqyldyń,
Qara tús - jerdiń sımvoly,
Jasyl tús - kóktemniń belgisi.
Nurdáýlet: Bizdiń qazaqtyń oıý - órnegi urpaqtan - urpaqqa kóship, bizdiń zamanymyzǵa jetti.

Dıdaktıkalyq oıyn: Órnekterdi kim tez anyqtaıdy?
Tárbıeshi: Bizdiń ulttyq kıim-keshekter basqa ulttar sıaqty óz oıý - órnekterimen kózge túsedi. Qazaqtyń ulttyq kıimder toptamasynan turatyn sán úlgilerin kórseteıik.
Balalar mýzyka áýenimen ulttyq sán úlgilerin kórsetedi.

Sergitý sáti
Ornymyzdan turaıyq,
moınymyzdy buraıyq.
Oıýlardan ár túrli,
Kórpeshe jasap alaıyq.
Ońǵa, solǵa bir qarap,
Denemizdi buraıyq.
Tárbıeshi:
Qazaqtyń oıý-órnek degen sóziniń maǵynasy sándeý, ásemdeý. Kúndelikti turmysta úı jıhazdarynda, syrmaq, tekemet, kórpeshe, bóstek, sandyq, kebeje sondaı - aq kıim-keshekterde bezendirýde qoldanylady.
Tapsyrma: Geometrıalyq pishinderden órnek qurastyryp,(órnektiń aty "Bes tańba") aplıkasıa ádisimen kórpeshe jasaý. Aldyn ala qıylyp alynǵan pishinderdi úlgi boıynsha qaǵaz betine qurastyryp, olardy birte - birte jelimdep shyǵamyz.
Áje: Oı aınalaıyn báriń ónerli, sheber, alǵyr ekensińder!(eńbekterin baǵalap, batasyn beredi)

Qorytyndy: Kórme uıymdastyryp, balalardyń eńbegin baǵalap, oqý qyzmetine belsendi aralasqan balalardy maqtap, marapattaý.