InfoHub Logo

Bilim berý salasy: Qatynas, Áleýmettik orta.
Uıymdastyrylǵan oqý is – áreketi: Til damytý, Kórkem ádebıet.
Taqyryby: Qazaqtyń ulttyq buıymdarymen tanystyrý.
Maqsaty: Halqymyzdyń qaınar kózi – qazaqtyń ulttyq buıymdary týraly uǵymdy bala jadyna keń, baı, maǵynaly kólemde túsinik bere otyryp, olardyń shyǵý, jasalý, qoldanylý tarıhy týraly syr shertý.
Damytýshylyǵy: Balalardyń ulttyq buıymǵa degen qyzyǵýshylyǵyn, sana - sezimin, ynta - jigerin arttyrý.
Tárbıelik máni: Balalarǵa sanaly sulýlyq beınesinde kórkem dúnıeni meńgerte otyryp, dástúrli sheberlik ónerdi qadirlep, qasterleı bilýge baýlý.
Sózdik jumys: zerger, saqına, sholpy, bilezik, kamzol, mosy, júkaıaq, ıinaǵash, óńirjıek, t. b.
Ádis – tásil: saıahat sabaq – murajaıǵa.
Kórnekilikter: ulttyq zergerlik buıymdar.
Tárbıeshi: Balalar búgingi ashyq oqý is – áreketimizdi qalamyzdaǵy T. G. Shevchenko memorıaldyq murajaıynan bastaımyz.
Ortalyq alańdaǵy T. G. Shevchenko murajaıy.
Balalar murajaı qyzmetkerlerimen amandasady.

Shattyq sheńberine jınalý.
Atym – qazaq, tekti batyr ulanbyz,
Qadirleımiz qazaǵymnyń murasyn.
Ádeptilik – sulýlyq pen teńdessiz,
Dáripteımiz ata dástúr bulaǵyn.
Tárbıeshi: - Balalar meni sulýlandyryp turǵan ne nárseler dep oılaısyńdar?
Balalar: - Sizdiń ádemi bolyp turǵanyńyzdyń sebebi, moınyńyzdaǵy monshaǵyńyz, qulaǵyńyzdaǵy syrǵańyz, qolyńyzdaǵy júzigińiz.

Tárbıeshi: - Jaraısyńdar, balalar! Olaı bolsa, murajaıdaǵy qundy dúnıelerge retimen toqtalaıyn. Qazaqtyń salt – dástúri máńgi ushan – teńiz. Asyl qazyna ulttyq buıymdar ǵasyrdan – ǵasyrǵa saqtalyp jalǵasyn taýyp kele jatqan kóne derek.
Qazaqtyń ulttyq buıymdary – túpsiz tereń darıa. Sol sheksiz muhıttan taralǵan tekemet, alasha, qorjyn, aıaqqap, syrmaq, kebeje, adalbaqan, shaısandyq, júkaıaq, boıtumar, shashbaý, sholpy, óńirjıek, alqa, saqına, syrǵa, qamshy, soıshańǵy, shaqsha, abdyra, kebenek, kamzol, beshpent, taqıa, shapan, sáýkele, qapsyrma, t. b. túrleri óte kóp. Olardyń árqaısysynyń ózindik mán – maǵynasy, ereksheligi, kózdiń jaýyn alatyndaı ǵajap kórme.
Mysaly: asadal – tamaq salatyn aǵash ydys, aba – jaýynger kıimi, soıshańǵy – jylqynyń jilinshik súıeginen ekige jaryp jasalady, shashbaýdy toǵyz teńgeden turatyn kúmis baý, júzik, saqınany saýsaqqa taqsa, óńirjıekti omyraýǵa taǵady.
Syrmaq – kıizden syryp oıýlap jasalsa, aıaqqap – kıizden jasalǵan ydys – aıaqqa arnalǵan qapshyq. «Syldyrlatsań tıyndy, joǵaltarsyń syıyńdy» demekshi qyzdarǵa, ana – apalarǵa sándi túıreýishter kúmis túımeler óz jarasymymen sulý kelbet bergen. Balalar, qandaı taqpaqtar bilesińder?

Aıym: - Syldyr – syldyr, syrǵalym,
Qulaǵyma taǵar kim?
Sulý bolyp árdaıym,
Syrǵaly qyz atandym.

Aısulý: - Óńirjıek – ómirdiń ózegindeı,
Kórik berer arýǵa jezi mórdeı.
Qazaǵymnyń oıýly – áshekeıi,
Mura bolyp qalary sózsiz bilgeı!

Mańǵystaý oblysy, Túpqaraǵan aýdany,
Fort - Shevchenko qalasy, «Aıgólek» balabaqshasy tárbıeshisi
Alıpkalıeva Tajıgýl Ibraevna

Tolyq nusqasyn júkteý