InfoHub Logo

Mektep bitirgen árbir túlektiń júreginiń túkpirinde bolatyn úlken armany eń úzdik, joǵarǵy ýnıversıtettiń stýdenti ataný. Árbir bitirýshi túlek óziniń bolashaǵyn Qazaqstandaǵy myqty, bedeldi ýnıversıtetten bilim alyp damýymen elestetedi. Mende osydan bir jyl buryn júreginiń túkpirinde asqaq armany bar, úlken qobaljýmen júrgen bitirýshi túlek boldym. Dál osy sátte meni  kemel bolashaqqa jetelegen, alǵa qaraı qadam basýyma úlken motıvasıa bolǵan, talaı myqty mamandardy bilim nárimen sýsyndatyp, olarǵa zor múmkindik syılaǵan, múmkindikterge toly-QazUÝ edi. Álemge jańa kózqaraspen qaraıtyn, janarynda jalyndy oty bar, jańashyldyqqa qumar jas úshin QazUÝ-dyń stýdenti bolý birden-bir taptyrmas múmkindik pen jetistik dep sanaımyn. Sebebi araǵa bir jyl salyp ózimniń jyldar boıy armandaǵan ýnıversıtetime grant jeńip alyp, Almatyǵa kelip, QazUÝ-dy kórgendegi sezimim tym bólek edi. Qala ishinde «Kazgýgrad» qalashyǵy atalyp ketken qutty mekende stýdentter alańsyz bilim alýy úshin barlyq jaǵdaı jasalynǵan. Qysy, jazy qalpyn ózgertpeıtin QazUÝ qalashyǵy kimdi bolmasyn tańqaldyrary sózsiz. Sebebi qalashyqqa kirgen ýaqyttan bastap, siz ýnıversıtettiń bıik-bıik ǵımarattarynyń, hosh ıisti gúlderi men jasyl-jelek aǵashtarynyń keremetine kýá bolasyz. Jatahanalarǵa qaraı jol tarta bastasańyz aldyńyzda aspanmen astasqan bıik, ásem taýlar erekshe kórinip turady, osynyń barlyǵy stýdentterge erekshe kúsh-qýat pen bilim alýǵa degen qushtarlyq syılaıdy.

Qalashyǵymyzda erekshe toqtalyp óter kóptegen ortalyqtarymyz bar, solardyń ishinde-jyl saıyn halyqaralyq, memlekettik deńgeıde ártúrli jıyndar men konsertter ótkizilip turatyn Ó.A.Joldasbekov atyndaǵy stýdentter saraıy. Stýdentter saraıy Qazaqstandaǵy eń ádemi konsert zaldarynyń biri, mádenı-is sharalar ótkiziletin baǵyttaǵy nysandar arasynda úlkendigi jaǵynan Respýblıka saraıynan keıingi ekinshi orynda. QazUÝ-dyń Stýdentter saraıynda 1620 oryn bar jáne stýdentter men jastardyń ártúrli mádenı ónerlerin shyńdaý, shyǵarmashylyq qabiletterin damytý  maqsatynda barlyq múmkindikter qarastyrylǵan. Sonymen qatar, qalashyq tóńireginde sportqa jany qumar jalyndy jastar úshin de jaǵdaı jasalyp, aýqymy keń sporttyq keshender kóptep salynǵan. Stýdentterdiń barlyq qajettilikteri men máseleleri sheshiletin «Keremet» stýdentterge qyzmet kórsetý ortalyǵy da óz jumysyn joǵary deńgeıde atqarady. QazUÝ qalashyǵy túgeldeı derlik tegin WI-FI ınternet jelisimen qamtylǵan.

QazUÝ-dyń kórki men bedelin arttyrar taǵy bir bilim ortalyǵy-Ál-Farabı kitaphanasy. Kitaphana Orta Azıadaǵy joǵary oqý oryndary arasyndaǵy eń úlken kitap qoryna ıe, qazirgi ýaqytta kitaphanadaǵy kitaptar qory 2 mıllıon asqan. Kitaphanadan stýdentter ózderine kerek kez-kelgen oqýlyq pen ádebı shyǵarmalardy taba alady, eger qajettilik týyndaǵan jaǵdaıda stýdent jetispeı qalǵan kitaptyń elektrondy nusqasyn dereý taýyp, oqı alady.

Sonymen qatar, Qazaq ulttyq ýnıversıteti óziniń negizin 1934 jyly 15 qańtarda qalaǵan ýaqyttan bastap qaı saladan bolsa da Qazaqstandaǵy eń joǵary bilim berý uıymdarynyń tiregi, olardyń ishindegi eń bedeldisi, bilimgerlerdiń ordasy bolyp keledi. Ýnıversıtet  2012 jylǵy qorytyndy boıynsha álemdik úzdik joǵarǵy oqý oryndarynyń ishinen 390-shy oryndy ıelendi, «Altyn sapa» premıasymen marapattaldy. Qazirgi tańda, QazUÝ-kóp elder men qalalardyń, shetel azamattarynyń basyn qosyp, qara shańyraqqa aınalyp otyr. Ýnıversıtet 37 sala boıynsha mamandar daıyndaıtyn joǵarǵy oqý ornyna aınalyp, jaqynda ǵana ǵylymı-zertteý ortalyǵy ataǵyn aldy. Ýnıversıtettiń bilim deńgeıi joǵary dárejede, 2000 myńnan astam joǵary bilikti mamandar dáris beredi, onyń ishinde 1000-nan astamy ǵylym doktory men kandıdaty.

QazUÝ-dyń stýdentterge beretin múmkindikter qataryna olardyń shet elderge shyǵyp, óz bilimderin jalǵastyrýyn jatqyza alamyz, ıaǵnı stýdentter kórshiles shet elderge baryp oqyp, tájirıbe almasyp kele alady.Árıne, bul úshin stýdenttiń til baılyǵy men ózge tilderdi jetik meńgerýi óte mańyzdy. Osy oraıda, ýnıversıtet qabyrǵasynda qazirgi zaman talabyna saı, úsh tildik deńgeıde oqytý júıesiniń qarqyndy damyǵanyn tilge tıek etkim keledi. Ýnıversıtette dáris beretin til mamandarynyń deńgeıi óte joǵarǵy dárejede, mysaly qazirgi ýaqytqa eń kerek aǵylshyn pániniń kúndelikti dáris ótý barysy basqalardan erekshe dep tolyq aıta alamyn. Bilim beretin ustazdyń stýdenttermen ara-qatynasy ózine sózsiz baýraıdy, árbir dáriste sabaqtyń erekshe tásilmen qyzyqty ári paıdaly ótilýi-ustazdyń úlken jaýapkershiligi men óz pániniń naǵyz maıtalmany ekeniniń dáleli.  Sabaq barysynda stýdentterdiń óz oılaryn ashyq aıtyp, til baılyqtaryn damytyp, aǵylshyn tilinde erkin sóıleýlerine úlken mán beriledi.

QazUÝ-dyń taǵy da bir ereksheligi munda  stýdentter tek bilim turǵysynan damyp qana qoımaı, ózderine jańa orta syılaıtyn ártúrli uıymdarǵa qosylyp, stýdenttik ómirlerin aktıvısıkamen qyzyqty ete alady. Sonyń ishinde «Kómek» Qoǵamdyq qory, «Suńqar» stýdentter men magıstranttar kásip odaǵynyń qoǵamdyq birlestigi, jáne QazUÝ qalashaǵy men jatahana ómiriniń tazalyǵyna, tártibine jaýapty «Joǵary Stýdentter Keńesi» men «Quqyqtyq tártip saqtaý jasaǵy» syndy uıymdar óz jumystaryn belsendi túrde atqarady. Stýdentterge jyl saıynǵy ótkiziletin ǵylymı-praktıkalyq konferensıalarǵa, respýblıkalyq jáne aımaqtyq jobalarǵa, olımpıadalar men konkýrstarǵa qatysýǵa tolyqtaı múmkindik jasalǵan.

Qorytyndylaı kele, QazUÝ-bilimniń altyn kenishi men múmkindikter mekeni dep sózsiz aıta alamyz. Ýnıversıtet qabyrǵasynda oqyǵan árbir jalyndy jas stýdent-elimizdiń erteńi, ultymyzdyń aınasy bolar erekshe tulǵa bolyp qalyptasatynyna esh kúmán joq. Sol sebepti de, men ózimniń Qazaq Ulttyq Ýnıversıtetiniń stýdenti bolyp bilim alyp jatqanymdy-ómirimdegi eń úlken jetistigim men sáttiligim dep oılaımyn.

Aqparattyq tehnologıalar fakúltetiniń 1-kýrs stýdenti: Batyrbek Araılym Qaıratqyzy

Jetekshisi: Jemılova Madına Maratovna

---