InfoHub Logo

Azyq-túlik baǵasy halyq úshin úlken problemaǵa aınalýda. Tabystyń barlyǵy derlik azyq-túlikke jumsalady. Kúndelikti azyq-túlikten bastap, qurylys materıaldary, et, un, shaı, jumyrtqa, mal azyǵy – báriniń baǵasy kún saıyn ósýde. Biraq halyqtyń jalaqysy naryqtaǵy baǵanyń ósýimen birge ósip, zeınetaqy men járdemaqyǵa basqa eshteńe qosylmaıdy. Sonyń saldarynan adamdar tamaqsyz, erteńgi kúnge jospar qurmaı, kúnde tamaq taýyp ómir súrý qalypty jaǵdaıǵa aınaldy.

Qazaq halqy etti jıi tutynatyn ultpyh, tipti etsiz tamaqtan as ótpeıdi. Búginde bul ettiń baǵasy ósip jatyr. Mysaly, jylqy etiniń kelisi 2400 teńgeden asyp ketse, sıyr eti 2200-2250 teńge, qoı eti 2200 teńge bolýy múmkin. Kartoptyń kúndelikti tutynýy – 200 teńge, sábiz – 180 teńge, 5 lıtr maı – 3700 teńge, bir qap un (50 keli) – 10000 teńge.  Máselen, qoǵamdyq jumysta isteıtin azamattyń tabysy 42500 teńge bolsa,  oǵan naryqta ne keledi? Bir aıǵa qajetti azyq-túlikke ne kirýi múmkin? Saralap kóreıik.  Eń birinshi un (10000 teńge), suıyq maı (3800 teńge), 10 keli eti 1 aıǵa ( 22000 teńge), 10 keli kartop (2000 teńge), 10 keli sábiz (2000 teńge). Mine, osynshama sanaýly ǵana zatty alýǵa múmkindigi bar. Odan bólek, qanshama kerek jaraqtary bar deseńizshi!

Halqymyz eń kóp tutynatyn,tutynbasaq basymyz aýyratyn áleýmettik ónimniń biri – shaı baǵasy da sharyqtap ketken. Sáýir aıynyń qorytyndysy boıynsha Qazaqstan boıynsha ortasha eseppen shaıdyń 12,4%-ǵa qymbattaǵany baıqaldy. Sonymen qatar Qazaqstannyń 17 óńiriniń 7-inde shaı baǵasy ortasha deńgeıden birden ósti. Máselen, Batys Qazaqstan oblysynda shaı birden 25,3%-ǵa, Pavlodar oblysynda 21,4%-ǵa, Shymkentte 19,3%-ǵa qymbattady. Sonymen qatar, qazan aıynda japyraqty qara shaıdyń bir kılogramy orta eseppen 3 063,3 teńgeni qurady, bul 2018 jylǵy qazanmen salystyrǵanda 6,8%-ǵa qymbat.

Janarmaı baǵasy da turaqty emes. Kópshilik jıi tutynatyn AI-92 markaly benzın 180 teńgeden, dızel 230 teńgeden, benzın 110-115 teńgeden satylýda. Kólik tizgindegender qaltasyna aýyr tıdi deıdi.

Avtory: Kamıla Tastanbek

---