InfoHub Logo

Mazmuny
İ. Kirispe.
1. 1 Erlik elin súıetin erlerdiń maqtanyshynan, ar - namysynan týady.
İİ. Negizgi bólim.
2. 1 Odessadan K E Voroshılov atyndaǵy jaıaý ásker ýchılıshesiniń
Gýrevke kóshirilýi.
2. 2 Gýrev jaıaý ásker ýchılıshesi - komandalyq quram komandırlerin
daıarlaıtyn ustahana
2. 3 Maıdan dalasyndaǵy Atyraýlyq ýchılıshe túlekteri
2. 4 Maıdan dalasyndaǵy ýchılısheniń ózge ult túlekteri
İİİ. Qorytyndy.
3. 1 Ulasqan urpaqtar sabaqtastyǵy
Kirispe
“Ótse de júz ǵasyrlar, myń ǵasyrlar.
Qartaımas qas batyrlar, tulǵasy bar”
M. Rásh. “Batyr dastany”
Soǵys!
Osy bir qara bulttaı qaraly da, sýyq sózdiń astarynda ulan - ǵaıyr qasiretti muń - qaıǵynyń azaly daýsy estiletin tárizdi. Adamzat balasy kóz ashqaly ózara jaýlasýdan talaı ret beıbit ómirdiń shyrqy buzyldy. Jer beti sansyz adam qany tógilgen alapat soǵystardyń kýási bolǵan. Resmı derekter boıynsha 60 mln - ǵa jýyq adam qaza bolǵan Uly Otan soǵysy adamzat tarıhyndaǵy eń alapat, eń surapyl soǵys bolyp, tarıhqa endi.
Mıllıondardyń qanymen, kóz - jasymen kelgen Uly Jeńistiń máni men mańyzy erekshe bolatyny da osynda. Surapyl jyldar men Uly Jeńistiń de jańǵyryǵy alystaǵan saıyn, «Otan» dep, soqqan jaýyngerlerdiń júreginiń úni men jasaǵan qaharmandyq erligi aıqyndala bermek. Soǵys tarıhynda sheksiz erlik pen qaharman batyrlyq kórsetip, el namysyn qorǵaýda erekshe kózge túsken qaharman qalalar men qaharman batyrlar kóp bolǵan. Solardyń ishindegi dańqty, urpaqtar jadynda máńgi jattalǵan uly Stalıngrad shaıqasy ekenine tarıh kýá. Stalıngrad shaıqasy zor maıdan ǵana emes, ekinshi dúnıe júzilik soǵys barysyna túbirli ózgeris jasaǵan oqıǵa boldy. Anglıanyń kórnekti jýrnalısi Ýıkhem Stıd «Stalıngradta kúsh synasqan soǵysqa teń keletin buryn - sońdy eshqandaı maıdan bolǵan emes» dep kórsetken.