InfoHub Logo

Erteńgilik
«Qyz ósse-eldiń kórki»
Maqsaty: Kóktem merekesine oraı ótkizilgen saıysta qyzdardy ádeptilikke, ásemdilikke, ınabattylyqqa, sypaıylyqqa, ata-baba dástúrin bilip, úlkenge izet, kishige iltıpat kórsete bilýge, ana men qyz bala arasyndaǵy syılastyqty arttyrýǵa tárbıeleý, aqyl-parasatyn, talǵampazdyǵyn, tapqyrlyq, sheberligin baǵamdaý arqyly «Qyz syny» saıysynyń jeńimpaz arýyn anyqtaý maqsaty kózdeldi.

Júrgizýshi: Aıaýly analar, apaılar, 8 Naýryz merekelerińiz qutty bolsyn! Kóktemniń shýaqty kúnderindeı, san-alýan gúlderindeı qulpyryp, jaınap júre berińizder! Júzderińizden shattyq, kóńilderińizden qýanysh arylmasyn!
Qurmetti qonaqtar, búgin sizderdi mektepaldy daıarlyq tobyndaǵy qyzdar arasyndaǵy «Qyz ósse - eldiń kórki» atty qyz syny saıysyn tamashalaýǵa shaqyramyz.

Saıys baǵdarlamasy bes bólimnen turady:
1. «Tegin bilý,tektilik» /ózin tanystyrý/
2. «Anasyn kórip, qyzyn al» / ónerin kórsetý /
3. «Sheber qoldar» /tús kıiz jasaý/
4. «Qyzdarǵa ásemdik jarasady» /sán kıim úlgisin kórsetý/
5. «Qonaq jaılyq - ata dástúrimiz» /úıden kóktem salatyn jasap ákelý/

Júrgizýshi: Ádil-qazy beredi
Ózderińe bılikti
Ónerde kim jeńedi
Sol alady syılyqty
Búgingi saıystyń ádil baǵasyn berip, saıystyń jeńimpazyn anyqtaıtyn ádil-qazylar alqasymen tanys bolyńyzdar!
Balǵyn júzi albyrap
Qanatyn jańa qaqqan
Qarsy alaıyq arýlardy
Saıysqa daıyn turǵan
Arý qyzdarymyzdy, kóńildi qoshemetpen qarsy alaıyq /arýlar úntaspada qosylǵan baıaý ánmen ortaǵa shyǵady/.
Júrgizýshi: Ýa,halaıyq, halaıyq
Bastamas buryn saıysty
Ájemizden aýyldyń
Ataly bata alaıyq.
ÁJE: A,qudaıym ońdasyn
Oń jolyna bastasyn
Búgingi myna saıysta
Elińe unar arý bol
Halqyń súıer aqqý bol! Áýmın!

1. Júrgizýshi: Al, endi qymbatty arýlar, sizderge qoıylatyn saıystyń birinshi sharty «Tegin bilý - tektilik»/ózin tanystyrý/

Arýlarymyz saıysymyzdyń kelesi shartyna daıyn bolǵansha ortaǵa jigitterimizdiń

«Jigitter» bıin tamashalańyzdar.
Kelesi uldarymyzdyń «Ana týraly» óleń shýmaqtaryn tyńdańyzdar:

Segizinshi naýryz kúnin
Meıramdaıdy analar
Analardyń shattyǵyn
Quttyqtaıdy balalar

Qutty bolsyn ardaqty anam
Asyl anam merekeń
Qutty bolsyn teńdik alǵan
Qýanyshty merekeń

Murat, múlde, maqsatym
Jaqsy kún men jaqsy tún
Naǵyz baqyt ananyń
Aqtaý der em aq sútin

Teńdesi joq danasyń
Arqa súıer panasyń
Eńbegińdi aqtaımyn
Aman bolshy anashym

Meniń ájem,bul áje
Aıtqan sózi dál ájem
Aman bolsa kóredi
Qyzyǵymdy áli áje

Balanyń da tiregi
Dalanyń da tiregi
Shanshymasyn eshqashan
Analardyń júregi

Bárińizde anasyń
Biz úshin kún bop jansyń
Qutty bolsyn meıramyń
Quttyqtaımyn anashym

2. Júrgizýshi: Kelesi, saıys «Anasyn kórip, qyzyn al». Arýlarymyz myń buralǵan bıimen, tamyljyǵan ánimen ortaǵa óz ónerlerin kórsetedi!

3. «Sheber qoldar» saıysy. Arýlarymyz aldaryńyzda qazaqtyń qol ónerimen jasalatyn tús kıizdi jabystyryp, jasap kórsetedi. Al, káne, arýlar, iske sát!
Arýlarymyz tapsyrmalaryn jasaǵansha, aldaryńyzda jigitter tobynyń

«Qara jorǵa» bıin tamashalańyzdar! /Arýlar jumystaryn ádil qazylardyń aldyna qoıyp, kelesi saıysqa daıyndalady/.

«Kishkentaıdan meni» áni oryndalady.

4. Kelesi,saıys «Qyzdarǵa ásemdik jarasady». Arýlarymyzdyń sándi kıimderin tamashalańyzdar!

5. «As qadirin bilmegen ashtan óler,at qadirin bilmegen jaıaý qalar» degendeı, kelesi saıysymyzdyń sharty «Qonaqjaılyq - ata dástúrimiz» dep atalady. Analar men qyzdardyń altyn qoldarymen úıde daıyndalǵan merekelik salattary. /Arýlar óz salattaryn tanystyrady/
Aldaryńyzda daıarlyq tobynyń oryndaýynda «Aınalaıyn, ana» ánin tyńdańyzdar!
Kelesi sóz kezegi ádil-qazylar alqasyna sóz beriledi . Saıysqa qatysqan arýlarǵa:
«Kórermender kózaıymy», «Ónerli qyz», «Myń buralǵan bıshi», «Kórikti qyz», «Ádemi qyz», «Aqyldy qyz», «Súıkimdi qyz», «Ajarly qyz», «Salmaqty qyz», «Úshinshi oryn», «Ekinshi oryn», «Bas júldege ıeger arý» atty nomınasıalary boıynsha júldeler berildi.

Júrgizýshi:
Analar, qalqyp baqyt aralynda
Laıym muń qonbasyn janaryńa
Osymen erteńgiligimizdi aıaqtaıyq
Gúl bitsin bárimizdiń qadamymyzǵa, - deı otyryp, búgingi saıysymyzdy aıaqtaıyq!
Ardaqty analar, apalar, meıramdaryńyz qutty bolsyn!