InfoHub Logo

Nege bolsa da qyzǵana beretin Qojanasyrdyń úıine bir jolaýshy kelip qonypty. Qyzǵanshaq Qojanasyr jolaýshydan kózin almaı, «áldene istep júrgen adam» degen oımen tań atyp úıinen ketkenshe ańdýmen bolypty. Keter mezgilinde jolaýshy jótelip qalǵanda, qyzǵanshaq Qojanasyrdyń áıeli de jótelip qalypty, onan soń jolaýshy túshkirip qalǵanda, ádeıi kelisip qoıǵandaı áıeli túshkirip qalypty.

Qyzǵanshaq Qojanasyr:

— E... seniń bul jolaýshymen bir shatysyń bar eken ǵoı, áıtpese teginnen-tegin ol jótelse jótelip, túshkirse túshkirip jumbaqtasqandaryń jaı emes. Men bul qorlyqty kórgenshe qańǵyryp óleıin, — dep qatynyn tastap, úıinen bezip ketedi. Jolda tymaý tıip, qonǵan úıinde jótelip qalǵanda, úı ıesiniń áıeli de jótelip jiberipti. Tosynnan túshkirip jibergende, ádeıi ańdyp turǵandaı áıel de túshkirip qalypty. «Bul qalaı?» dep tańdanǵan Qojanasyr baıqap otyrsa, ózi syqyldy áıel de tymaýratyp otyr eken. Sodan dereý áıeliniń sol kúni tymaýratyp otyrǵany esine túsip, «men qatynymdy bostan-bos qyzǵanǵan ekenmin ǵoı», — dep oılanyp, aqyl-esi kirip, úıine qaıtyp kelip, qyzǵanshaqtyǵyn qoıýǵa ant bergen eken.

 

---