InfoHub Logo

Tisińizdi tazalaý kezinde qyzyl ıegińizge nazar aýdaryp qoıǵanyńyz jón. Inon ýnıversıtetindegi túrik ǵalymdary qyzylıek aýrýynyń belsizdikke sebepshi bolatynyn eskertedi.

Ǵalymdar eki toptyń qatysýymen salystyrmaly zertteý júrgizdi. Baqylaýdaǵy birinshi topqa jynystyq qyzmetinde eshqandaı aqaýy joq 82 adam, ekinshi topqa belsizdikke ushyraǵan 80 adam irikteldi. Synaqqa erikti qatysýshylardyń ortasha jasy – 36.

İrikteýdiń kelesi kezeńinde ǵalymdar eriktiler tiziminen ártúrli syrqattarǵa shaldyqqan adamdardy, sondaı-aq temeki shegetinderdi alyp tastady, óıtkeni temeki shegý de belsizdikke alyp baratyn faktorlardyń biri.

Zertteý barysynda jynystyq qýaty nasharlaǵan erlerdiń 53 paıyzynda tis mańy tininiń qabynǵany (sozylmaly perıodontıt) anyqtaldy. Baqylaý tobynda bul kórsetkish 23 paıyzdy qurady.

Ǵalymdar dene salmaǵynyń ındeksi, bilim jáne tabys deńgeıi sıaqty birqatar faktorlardy eskere otyryp, sozylmaly perıodontıtke shaldyqqan erlerdiń, qyzyl ıegi saý erlerge karaǵanda belsizdikke 3,29 ese jıi ushyraıtyndyǵyn anyqtady.

«Zertteý nátıjeleri sozylmaly perıodontıt aýrýlarynyń týyndaýyna júıeli qantamyr syrqattary sebepshi bolsa, olar óz kezeginde belsizdikke alyp keledi»- deıdi doktor Faıt Ogýz. Sonymen, zertteýshiler tis dárigerine qaranýdy belsizdikten emdelýdiń bir satysy dep esepteıdi.

---