InfoHub Logo

Kásipker​ kójek

Mamyq — súıkimdi kójek! Ózi sondaı ójet! "Qoıanmyn" — dep turǵan joq... Eshkimnen qoryqpastan esiginiń aldynan dúken ashyp qoıdy. Tipti egiz qonjyqtar Tompı men Montıdy kúzetshi qylyp jaldap aldy...

Ártúrli jemis-jıdekter men jańǵaqtardan tosap qaınatyp dúken sórelerine tizip tastady! Ettartqyshtan sábiz, qyzanaq, pıazdardy ótkizip, burysh qosyp tátti salattardy da jasap qoıǵan... Tátti bálish, samsa, baýyrsaqtyń da neshe atasyn pisirip, aspazdyqty jaınatyp jiberipti.

Tań atpaı sylań qaǵyp Túkeń keldi:

— Sálem Mamyq! Jańa pisken tátti - dámdińnen ne bar?

— Sálem berdik Túlki apaı! Aldyńyzdaǵynyń bári jańa pisken! Qaısysyn salaıyn?

— Samsa nesheden?

— Samsa — 120, bálish — 70, baýyrsaqtyń kilisi — 700 den dedi Mamyq.

— Maǵan 5 samsa, 7 bálish, jarty kili baýyrsaq jáne anaý 500 teńgelik tosaptan eki qutysyn bere ǵoı- dedi Túkeń.

Qane balaqandar?! Kim esepke júırik? Túlki qansha aqshaǵa saýda jasady?

Gúlmeken Tikebaeva

---