InfoHub Logo

Informatıka 5 synyp
Sabaqtyń taqyryby: Qyzyqty ınformatıka
Sabaqtyń maqsaty: Oıyn arqyly oqýshylardyń ınformatıka pánine degen qyzyǵýshylyqtaryn arttyrý. Shapshańdyqqa, tereń oılana bilýge, uıymshyldyqqa, syılastyqqa tárbıeleý.
Bilimdilik: Oqýshylardyń ótken sabaqtardan alǵan bilimderin eske túsirý arqyly bilimderin tereńdetý.
Damytýshylyq: Este saqtaý, sóıleý qabiletterin jetildirý.
Tárbıelik: Oqýshylardy uqyptylyqqa, pánge degen qyzyǵýshylyqtaryn arttyrý:
Sabaqtyń túri: dástúrli emes, saıys sabaq
Sabaqtyń ádisi: túsindirmeli - ıllústratıvti, reprodýktıvtik, oı jınaqtaý, STO ádisteri.
Sabaqta paıdalanylatyn kórneki quraldar: ınteraktıvti taqta, prezentasıa, úlestirmeli materıaldar, poster.

Sabaqtyń barysy:
İ Uıymdastyrý bólimi.
Informatıka bolashaqqa bastaıdy,
Keleshekke bilim qýǵan jastardy.
Qadam basyp 21 – ǵasyrǵa,
Barlyq álem jańalyǵyn tastaıdy.

Qurmetti ustazdar, oqýshylar «Qyzyqty Informatıka» atty bilimdilik saıysyna qosh keldińizder! Olaı bolsa saıysymyzdy bastaýǵa ruqsat eteńizder. Sonymen qatar saıysymyzdyń ádil – qazylar alqasymen tanystyryp óteıin.
1.
2.
3.
Oqýshylarǵa kompúterdiń engizý jáne shyǵarý qurylǵylary jazylǵan kartochkalar taratylady.
1 top – kompúterdiń qurylǵylary
2 top – aqparat termınderi.
Kartochkalardaǵy sózder: júıelik blok, monıtor, pernetaqta, tyshqan, skaner, prınter, kolonkalar, djoıstık, modem, bıt, baıt, kod, aqparatty saqtaý, aqparatty óńdeý, information, tańbaly aqparat, beıneli aqparat.
1 top – «Kompúter» toby
2 top – «Aqparat» toby

İİ. Saıys kezeńderi.
Saıysymyz 6 kezeńnen turady. Tanys bolaıyq:
1. Sóz tapqanǵa
2. Info bilim
3. Oılan, tap!
4. Meni túsin
5. Jyldam taǵy da jyldamyraq!
6. Qıal álemi
1. «Sóz tapqanǵa» kezeńi.
Qıyndyqtan ótkizer – deı otyryp saıysymyzdyń alǵashqy bólimi «Sóz tapqanǵa» dep atalatyn bólimine kezek beremiz. Saıysymyzdyń aty «Qyzyqty Informatıka» bolǵandyqtan osy bólimniń mańyzy zor. Bul bólimde ómirde bolyp jatqan qyzyqty suraqtar qoıylady jáne sol suraqtarǵa topqa berilgen áripten bastalatyn jaýap aıtý kerek. Tolyq jaýapqa – 10 upaı, jartylaı – 5 upaı.
1 - top: Q árpi
2 - top: J árpi

1 - topqa:
1. Internet ne úshin kerek?
2. Saǵan unaıtyn kompúterdiń baǵasy qansha?
3. Kitaphanadan qandaı kitap aldyń?
4. Noýtbýk satyp alǵyń keleme?
5. Agentte kimge hat jazasyń?
6. Informatıka páni unaı ma?
2 - topqa:
1. Kompúterdi qalaı óshirý kerek?
2. Prınterdiń boıaýy bitse ne isteısiń?
3. Kompúter ne úshin kerek?
4. Vırýsty qalaı joıasyń?
5. Internetten ne izdeısiń?
6. Saǵan unaıtyn noýtbýktyń baǵasy qansha?
(Ádil – qazylar alqasyna qyzyqty baǵalaryn kórsek.)

2.«Infobilim» kezeńi.
Oqýshylarǵa «Aqparat, kompúter, Paint» taqyryptary boıynsha 4 uıashyqtan turatyn suraqtar beriledi. Ár durys jaýap uıashyqtyń upaılarymen sanalady.
Árbir uıashyqta deńgeılik tapsyrmalar men suraqtar jasyrylǵan, tańdaǵan uıashyqqa baılanysty upaı beriledi.

«Aqparat» taqyryby:
10 upaı. «Aqparat» sózi latynnyń qandaı sózinen shyqqan?
20 upaı. Aqparatty belgili bir alfavıt arqyly qupıalap jazý.
30 upaı. Aqparatty jetkizý arnalary.
40 upaı. Adam qabyldaıtyn aqparat túrleri.

«Kompúter» taqyryby:
10 upaı: Aqparatty engizýge arnalǵan qurylǵy.
20 upaı: Bul qurylǵyǵa derbes kompúterdiń negizgi qurylǵylary jınaqtalǵan.
30 upaı: Kompúterdiń jumysyn basqarady jáne programmadaǵy barlyq komandalardy oryndaıdy.
40 upaı: Aqparatty shyǵarý qurylǵylary.

«Paint» taqyryby:
10 upaı: Sýrettiń jeke úzindilerin úlkeıtýge arnalǵan qural.
20 upaı: Sýrettiń bólingen bóligi.
30 upaı: Tuıyq kontýrdyń ishin keskin nemese fon túsimen boıaıtyn qural.
40 upaı: «Paint» sóziniń aǵylshynsha maǵynasy.