InfoHub Logo

Qoja úsh qadaq et satyp alyp, úıine ákep tastaıdy da, basqa bir sharýasyna ketedi. Qojanyń áıeli óziniń bir abysynyn shaqyryp kep, etten jaqsy tamaq istep beredi. Qoja kelgende, áıeli aldyna sýǵa istelgen qara kóje qoıady.

Etten tamaq isteýge qolyń tımese, osy talqan kójeniń ishine et týramshylap salyp jiberý esińe kelmedi me? — deıdi Qoja.

— Ózim de sóıteıin dep edim, men ana jaqta birdeńege aınalyp júrgenimde, álgi seniń erke mysyǵyń etti jep qoıypty. Kelsem, tyńqıyp alyp, murtyn jalap tur, — deıdi áıeli.

Qoja tabanda tarazyny quryp jiberip, peshtiń qýysynda jatqan mysyqty ákelip ólshegende, mysyq nebári úsh-aq qadaq tartady.

Sonda Qoja áıeline:

— O, uıatsyz! Mynaý úsh qadaq et bolsa, mysyq qaıda? Al, úsh qadaq tartyp turǵan mysyqtyń ózi bolsa, et qaıda? — depti.

---