InfoHub Logo

Birde Qojanasyr monshaǵa túsedi. Monshashylar oǵan eski súlgi, eski jóke berip, selqos qyzmet kórsetedi. Qoja olarǵa eshteńe demeıdi, tek monshadan shyǵyp bara jatqańda, aına aldyna on teńge qoıady. Mundaı aqshany ol kezde tek óte baı adamdar ǵana beredi eken. Monshashylar ań-tań bolady.

Kelesi aptada Qojanasyr monshaǵa taǵy keledi. Monshashylar zor qurmetpen barlyq jaǵdaıyn jasap, asty-ústine túsedi. Qoja bul joly da lám-mım demeıdi, tek shyǵyp bara jatyp, aınaǵa bir teńge qaldyrypty. Monshashylar onan ármen tańdanady.

— Muny qalaı túsinsek eken? — deıdi olar.

Qojanasyr:

— Bir teńge ótken aptadaǵy monsha úshin, al ótken joly tólegen on teńge búgingi monsha úshin, — degen eken.

 

---