Ulttyq halyq sanaǵy kezinde muǵalimder jumysqa tartyla ma?
Ulttyq halyq sanaǵyn júrgizýge 32,5 myń adam tartylmaq. Bul týraly QR Ulttyq ekonomıka mınıstrligi Statısıka komıtetiniń tóraǵasy Nurbolat Aıdapkelov aıtty.
«Ulttyq halyq sanaǵy kezinde muǵalimder tegin túrde jumysqa tartylmaıdy. Aqyly túrde, óz erkimen jumys isteýine múmkindik beriledi. Jalpy, sanaq júrgizýge qoıylatyn azamattarǵa qoıylatyn talaptar: 18 jastan asqan Qazaqstan Respýblıkasynyń azamaty, bastamashyl, jaýapty, tez til tabysqysh bolýy kerek. Jumys ótili men kásibı bilimine talaptar qoıylmaıdy, tek planshetpen jumys isteı bilýi kerek», - deıdi Nurbolat Aıdapkelov Ortalyq komýnıkasıalar qyzmetinde ótken brıfıńte.
Turǵyn úılerge barǵan kezde ıntervúerlerde halyq sanaǵynyń logotıpi bar kýálik, sómke, sharftyń bolýy mindetti.
Bıyl qazanda ótetin Ulttyq halyq sanaǵy eki kezeńnen turady.
Daıyndyq kezeńi 1-30 maýsym aralyǵynda bolady. Bul kezeńde ıntervúerler úılerdi aralap, onda turatyn turǵyndardyń naqty sanyn anyqtaıdy. Osy kezeńde sanaqty aýdandarǵa bólý daıyndyq júrgiziledi.
Ekinshi, ıaǵnı negizgi kezeń 1-30 qazan aralyǵynda bolady. Qazan aıynyń 1 men 15 aralyǵynda, ıaǵnı tikeleı halyq sanaǵynyń alǵashqy 15 kúninde ınternet-saýalnama júrgiziledi. Internet-saýalnamada respondentter ózine jáne otbasy múshelerine Internet jelisi arqyly sanaq.gov.kz arnaıy saıtynda sanaq paraqtaryn óz betinshe toltyrady.
You Might Also Like
-
Qojanasyr bir balany ertip tátti satatyn dúkenge keledi. Alýany alyp balaǵa beripti de, úıge apara ber, — deıdi de, ózi dúkendegi basqa taýarlardy qaraı bastaıdy. Bala dúkennen ábden uzaǵan k...
-
Bir kúni bir dárýish moldany toqtatyp alyp, maqtaý jyr oqıdy. Molda tyńdap túryp, jyr bitken soń, ary qaraı júre bermek bolady.
