InfoHub Logo

Qojanasyrdy áıeli bazardan kilem satyp alýǵa jumsaıdy, biraq on týmannan artyq tólemeýdi tapsyrady. Qojanasyr bazarǵa kóńil kóterý úshin ǵana barady eken jáne saýdalasýǵa da ıkemi joq eken. Ol apaı-topaı on úsh týmanǵa kilem satyp alady da, jurttyń kóńilin kóterýge kirisedi.

Jurtshylyq taraı bastaǵanda Qojanasyr áıeliniń tapsyrmasy esine túsip, kóp bas qatyryp jatpaı, bir somǵa qoraz satyp alady.

— Kári qyljyń, qaıda júrsiń? — dep qatyny zikir salady. — Káne, ne satyp aldyń?

Qojanasyr aýyr dem alyp, kilemdi jaıady.

— Kilemdi qanshaǵa aldyń? — dep suraıdy áıeli.

— Jarqynym, sen rıza bolasyń, bir som tóledim, — deıdi Qojanasyr — Biraq ıesi kilemdi tek qorazben birge satady eken. Al qoraz óte qymbat — on úsh týman turady.

 

---