InfoHub Logo

Bir kúni aqynsymaq bireý Qojaǵa jolyǵyp qap:

— Qojeke, — deıdi, — aýyrdym bilem, birneshe kún boldy, júregim zil qara tastaı aýyrlap, kótertpeıdi. Barmaǵan dárigerim joq jáne em aıtqan bireýi joq. Múmkin, sen bir nárse dersiń.

Qoja paqyrdyń júzine tesile bir qarap alyp:

— Sońǵy kúnderi óleń jazyp pa ediń? — dep surapty.

— Iá, jazǵanmyn.

— Bireý-mireýge oqyp pa ediń, joq pa? Oqymasań, oqy, tyńdaıyq, — dep tize búge bastaıdy.

— Oqý eshqaıda qashpas. Aldymen júregimniń aýrýynyń daýasyn aıtyp ber.

— Óleńińdi oqy, daýa aıtylady.

Aqyn óleńin oqı bastaıdy. Óleń ári shubalańqy, ári maǵynasyz birdeńe eken... Óleńdi aqyryna deıin tyńdaýǵa tózimi áreń jetken Qoja:

— Basqa bireýge oqyp bermegen soń júregińdi basyp, aýyrlatyp turǵan osy óleń eken. Endi seniń júregiń jeńildendi, aýyrtpalyǵyń maǵan kóshti. Biraq, esińde bolsyn, budan bylaı mundaı, maǵynadan jurdaı aýyr óleń jazýshy bolma, júregiń kótere almaı, jarylyp ketýi yqtımal, — depti.

---