InfoHub Logo

Birde Qojaǵa áıeli:

— Tańerteńnen keshke deıin úıde sarylyp otyra beresiń, jalqaýsyń, shóp basyn syndyrmaısyń, basqalardyń erkegi qusap bir paıdaly kásippen shuǵyldanbaımysyń? — dep renjise kerek.

Áıeliniń sózi qamshy bolyp tıgen qoja, «ne kásip etsem eken» dep ári oılanyp, beri oılanyp, aqyry dári-dármek satýdy kásip eteıin degen toqtamǵa keledi.

Qoja bazar alańynda aldyna bir qap kúldi tógip qoıyp, bir shymshym alyp, qaǵazǵa orap:

— Tyshqan ýlaıtyn dári alyńdar, — dep ótken-ketkenge qulaq qaǵys etip qoıyp, otyra beredi. Bireý satyp almaqshy bolyp, bu dárini qalaı paıdalanýdyń jolyn suraıdy.

— Tyshqandy ustap alyńyz da, quıryǵynan ustap turyp, jerge qatty soǵyp qalyńyz. Sonsoń, tyrp ete almaı qalǵan kezde, aýzy men murnyna myna dárini sepseńiz bolǵany, sespeı qatady, — deıdi Qoja.

Ana kisi aqyryp:

— Sóz-aq eken! Jaryqtyǵym-aý, tyshqandy ustap alsam, seniń dárińsiz-aq óltirmeımin be? — deıdi.

Sonda Qoja:

— Maǵan dári alǵanyń kerek, al tyshqandy qalaı óltirseń, olaı óltir, ol óz jumysyń, — depti.

---