InfoHub Logo

Qoldanbaly kýrs baǵdarlamasy «Matrısa»
11 synyp (jaratylystaný – matematıka baǵyty)
Barlyǵy 34 saǵat, aptasyna 1 saǵat

Túsinik hat
Jaratylystaný – matematıkalyq baǵyttaǵy matematıka kýrsy oqýshylardyń matematıka páninen alǵan bilim negizderin ári qaraı úzdiksiz damytý. Qazirgi kezde matematıkany oqytý matematıkalyq bilim alýǵa emes, matematıkanyń kómegimen bilim alýǵa baǵdarlanǵan desek bolady, sebebi jalpy bilim berý baǵytynda matematıka pániniń naqty mazmunyn kúndelikti turmystyq máni bar dárejede berý arqyly oqýshylardyń jan – jaqty damýyn qamtamasyz etý. Matematıkalyq bilimdi meńgertý ómir talabyna saı oqytý maqsatynda kásibı beıindelgen oqý baǵdarlamasy daıyndalyp, bolashaqtaǵy mamandyǵyna qajet taqyryptar alynýy kerek. Bul baǵdarlamada matematıka meńgerýdiń joǵarylaǵan deńgeıin qalyptastyrýdy qamtamasyz etetin negizgi qoldanbaly kýrstyń tolyqtyrylýy, munda oqý baǵdarlamasynda qamtylmaı qalǵan kúrdeli, qajetti materıaldardy oqýshylarǵa qamtamasyz etedi. Matematıkany beıimdep oqytý oqýshylardyń matematıkaǵa beıindilikterin anyqtaýdy jáne damytýdy matematıkamen baılanysy bar mamandyqtarǵa baǵyttaýdy jáne joǵarǵy oqý oryndarynda qajetine paıdalana bilýdi kózdeıdi.

Maqsaty:
«Matrısa» taqyrybyn oqyta otyryp, oqýshylardyń aqyl – oıyn, tanymdyq jáne shyǵarmashylyq qabiletterin damytý, onyń qoldanbaly múmkindikterin kásiptik esepter sheshýge qoldaný arqyly daǵdylaryn qalyptastyrý, matematıkamen baılanysy bar mamandyqtarǵa baǵyttaý.
Mindetteri:
• tanymdyq oı – órisin damytyp, ómirge belsendiligin arttyrý;
• oqytý barysynda bolashaq eńbek qyzmetine qajet ekendigin kórsetý;
• negizgi mektepte alǵan aqparatty keńeıtý jáne jetildirý;

Kútiletin nátıje:
• oqýshylardyń aqyl – oıy, tanymdyq jáne shyǵarmashylyq qabileti artady;
• kásiptik baǵdar alady;
• bolashaqta ótilgen taqyrypqa baılanysty esepterdi joǵarǵy oqý oryndarynda sheshe alady;

Mazmuny men qurylymy:
İ taraý. Matrısa – 7 saǵat:
Matrısanyń anyqtamasy, túrleri jáne teńdigi. Matrısaǵa amaldar qoldaný. Matrısanyń qasıetteri
İİ taraý. Anyqtaýyshtar – 12 saǵat:
Anyqtaýyshtardyń negizgi qasıetteri. Keri matrısa. Baǵany nemese joly boıynsha anyqtaýysh elementterin jikteý.
İİİ taraý. Syzyqtyq teńdeýler júıesin sheshýdiń ádisteri – 15 saǵat:
Qarapaıym matrısalyq teńdeýler jáne ony sheshý. Kramer formýlasy. Gaýss tásilimen syzyqtyq teńdeýler júıesin sheshý.
Esepter shyǵarý.

Oqýshylardyń deńgeıine qoıylatyn talaptar:
• Matrısa týraly túsinik;
• Matrısalarǵa amaldar qoldana bilý;
• Matrısalardyń anyqtaýyshyn tabý;
• Keri matrısany anyqtaı bilýge úıretý;
• Syzyqtyq teńdeýler júıesin Kramer jáne Gaýss ádisterin paıdalanyp sheshe bilý.