InfoHub Logo

Taqyryby: Qos jynysty jáne dara jynysty gúlder. Gúl formýlasy
Sabaqtyń maqsaty: gúl, onyń qurylysy men fýnksıasyn teorıalyq jáne qos jáne dara jynysty gúlderdi praktıkalyq turǵyda sıpattap, jete túsiný.
Sabaqtyń mindetteri:
Bilimdiligi – gúl formýlalaryn jáne olardy qos jáne dara jynystaryn ajyrata bilýge tolyq sıpattama berip, olardyń qurylysymen tanystyrý;
Tárbıeliligi – adamnyń tulǵa retinde qalyptasýyn, adamgershilik qasıetin, jalpy qorshaǵan ortaǵa degen janashyrlyq sezimin damytý;
Damytýshylyǵy – pánge, taqyrypqa baılanysty qyzyǵýshylyqtaryn damytý.
Sabaq túri: aralas, oıyn.
Ádisi: suraq – jaýap, dáris - suhbat, baıandama.
Qural – jabdyqtar: gúl qurylysynyń maketi, ınteraktıvti taqta, qosymsha sýretter.
Sabaqtyń barysy.
Uıymdastyrý bólimi
«Er dáýleti - eńbek» bólimi - ótkendi qaıtalaý
«Yrys aldy – yntymaq» - negizgi bólim
«Bárin bilgim keledi» - qorytyndylaý («Altyn qaqpa» oıyny arqyly)
«Beınet túbi – zeınet» - baǵalaý
Úıge tapsyrma

İ. Uıymdastyrýy:
1. Oqýshylarmen amandasyp,
2. Joq oqýshylardy túgendeý,
3. Zeıinderin sabaqqa aýdarý.
İİ. «Er dáýleti - eńbek» ótkendi qaıtalaý
Jalpylama suraq qoıý arqyly.
Gúl degenimiz ne? Gúldi ne maqsatta qoldanamyz?
Gúldiń negizgi bólikterin ata?
Gúl saǵaq, gúl taban qandaı qyzmet atqarady?
Tostaǵansha jáne kúlte qandaı qyzmet atqarady?
Atalyqtyń qurylysy jáne qyzmeti qandaı?
Analyqtyń qurylysy jáne qyzmeti qandaı?
Gúl serigi dep qandaı bólikterdi ataıdy, ol qalaı bólinedi mysalmen dálelde?

İİİ. «Yrys aldy – yntymaq» - negizgi bólim
Bir gúlde atalyq pen analyq bolsa (maqta, qyzanaq) – qosjynysty. Atalyq nemese analyq qana bolsa dara jynysty. Tek atalyǵy bar bolsa atalyq gúl, analyǵy ǵana bolsa analyq gúl deıdi.
Atalyq gúlderi men analyq gúlderi bir ósimdikte bolsa onda birúıli deıdi (júgeri, asqabaq) Atalyq gúlderi bir ósimdikte, analyq gúlderi 2 ósimdikte bolsa eki úıli deıdi (qalaqaı terek). Jynyssyz gúlder de jynys músheleri damymaıdy (kúnbaǵys, gúlkekire).
Gúl formýlasy.
Formýla degenimiz gúl qurylysyndaǵy, gúl bólikteriniń atyn bas árippen belgileý.

Tosǵaǵanshasy - Sa (Calex) “T”
Kúltesi - So (Corolla) “K”
Jaı gúlserik - R (Perigonium)
Atalyq – A (Androeceum) “A”
Analyq – G (Gynoeceum ) “J”
Atalyq gúl -♂
Analyq gúl - ♀
Qos jynysty –
Durys gúl - *-+
Burys gúl - ↑, %
Gúl bólimderi birikken bolsa ( )
Kóp bolsa - ∞
Gúl bólimder eki sheńber boıynda ornalassa, sandarynyń arasyna (+)