InfoHub Logo

1 - júrgizýshi: Armysyzdar, qurmetti ustazdar men oqýshylar!
2 - júrgizýshi: Qaıyrly kún, qadirli ata - analar men qonaqtar!
1 - júrgizýshi:
Ózińmenen ólsheýsiz narqym meniń,
Asqar taý, arqa tutar altyn belim.
Uıadan urpaǵyńdy ushyrmaqqa
Qosh keldiń, aınalaıyn, halqym meniń!
2 - júrgizýshi:
Keshe ǵana tulymdary jelbirep, júrekteri lúpildep, mektep qabyrǵasyn ımene attaǵan ul - qyzdarymyz oıy tolyp, boıy ósip, altyn uıa mektebimen qoshtasqaly otyr.
1 - júrgizýshi:
Jas júrektiń ómirlik qushtary gúl,
Baǵban ustaz baýlyǵan qustary bul.
Qoshtasyp búgingi kún uıasynan,
Sol qustardyń bir toby ushqaly tur, - dep altyn uıa
mektebiniń tabaldyryǵynan úlken ómirge ushqaly otyrǵan mektep bitirýshi túlekterimizdi qurmettep ortaǵa shaqyramyz.
Qarsy alyńyzdar!
(Mýzyka áýenimen ortaǵa bitirýshi túlekter shyǵady)

1 - júrgizýshi:
Dalamdaı keń túsinigi, uǵymy,
Qazaqqa tán minezi men qylyǵy.
Botakóz apaıdyń sol altyndaı ul - qyzy,
Aldaryńyzda 11 «A»synybynyń túlekteri:

2 - júrgizýshi:
Bul synyp qaı synda da tartynbady,
Mekteptiń ómirinde jarqyrady.
On birinshi «Á» synyby qaıdasyńdar,
Baqyt apaıdyń erkesi, altyndary
1 - júrgizýshi: Aldaryńyzda 11 «Á» synyby,
jetekshisi «Nazarbaev zıatkerlik mektepteri» kýrsynyń birinshi deńgeı baǵdarlamasyn ıgergen, I sanatty aǵylshyn tili muǵalimi
Syńǵyrla, kúmis qońyraý!» atty saltanatty jıynymyzdy ashyq dep jarıalaımyz!
2 - júrgizýshi:
Tarıhy tereń qazaq degen kóne elde
El belgi de, erlik, órlik ónerde
Jahandaǵy eń jaýynger halyqta
Kim senedi tý bolmady degenge?
Batyrlyqqa ýyzynan jaryǵan
Er túrkini baıraǵynan tanyǵan
Ózi aqyn, ózi ánshi halyqqa
Jarasady jiger berer ánuran
Ánuranym kógimde sharyqtasyn,
Kógildir tý qıalda qalyqtasyn.
Álem tanyp, biletin eltańbamdy,
Shákirt bitken jyrlaýdan jalyqpasyn.

Mektep oqýshylary, sap túzep, tik turyńdar!
Qazaqstan Respýblıkasynyń gımni saltanatty túrde shyrqalsyn!
QR memlekettik Týy kóterilsin!