InfoHub Logo

«Qosh bol, Álippe!»
Merekelik erteńgilik.

Maqsaty: Oqýshylardyń álippeden alǵan bilimderin tıanaqtaý. Ár oqýshynyń is-áreketteri arqyly
ıkemdiligin, qabiletterin kórsetý, shyǵarmashylyq múmkindikterin ashý; Ata-analarǵa balalardyń 3 - 4 aıda qandaı bilim ıgergenin is júzinde kórsetý. Jańa oqýlyqpen tanystyrý, qyzyǵýshylyǵyn arttyrý;
Oqýshylardyń ata-ana, Otan, el, bolashaq aldyndaǵy boryshyn sezinýge, elin, Otanyn súıýge, ony qorǵaı bilýge tárbıeleý.
Kórnekiligi: Qazaq álipbıi, sýretter, naqyl sózder, «Álippe», «Ana tili», «Matematıka»
oqýlyqtarynyń muqabasy, sharlar.

Barysy:
Muǵalim:
- Qurmetti qonaqtar! Búgingi merekemizge qosh keldińizder! Keshe ǵana mektep tabaldyryǵyn ımene attaǵan jas búldirshinder búgingi sanaly oqýshy bolyp, barlyq ǵylymnyń atasy, bizdiń bolashaǵymyzdyń negizi – Álippeni bitirip otyrmyz. Muǵalimmen birge oqýshylarmen qosa oqyǵan ata-analar eńbegimizdiń jemisin kóreıik. Toılaryńyz toıǵa ulassyn!
İ bólim
Júrgizýshilerdi tanystyrý:
Mektepishilik mánerlep oqý saıysynyń 1 - oryn ıegeri Ahmetov Aıdos
Mektepishilik kórkem jazý saıysynyń 3 - oryn ıegeri Jumaǵazy Nurahmet

Aıdos: Kóz salyp qarańyzshy boıymyzǵa
Ortaq bop búgingi ósken oıymyzǵa.
Hosh kelipsiz, ustazdar, ata-analar,
Álippemen qoshtasý toıymyzǵa!!!