InfoHub Logo

Taqyryby: «Qosh bol, Bastaýysh!»

Maqsaty: 1. Bilimniń sara joly bastaýyshtan bastalatynyn, bastaýyshta alǵan bilimniń negiz bolyp qalanatynyna jetkizý.
2. Bastaýysh synybymen, alǵash qolyna qalam ustatqan alǵashqy ustazymen qoshtasa otyryp, sát - sapar tileý,
3. Bilim bergen ordasy - mektepti, ustazdaryn qurmettep, bilimge degen qushtarlyǵyn arttyrý. Óz Otanynyń adal uly men qyzy bolýǵa tárbıeleý.
İ júrgizýshi: - Armysyzdar, ardaqty ata - analar, qurmetti ustazdar!
İİ júrgizýshi: - Qaıyrly kún, qadirmendi ata - analar!

İ júrgizýshi:
- Kóz salyp qarańyzshy boıymyzǵa
Ortaq bop búgingi oıymyzǵa.
Qosh kelipsiz ustazdar, ata - analar,
Bastaýyshpen qoshtasý toıymyzǵa!

İİ júrgizýshi:
- Qosh bol, qutty bastaýyshym
Alǵystarym kóp meniń
Aqyl - bilim tárbıeń
Oı - sanama ekkeniń.

İ júrgizýshi:
Búgingi «Qosh bol, bastaýyshym!» atty merekemizge qosh keldińizder!
İİ júrgizýshi:- Osydan 4 jyl buryn, ıaǵnı 2009 jyldyń 1 – qyrkúıeginde mektep tabaldyryǵyn júreksine attaǵan kip - kishkene balǵyn búldirshin bul kúnde qandaı boldy eken?

İ júrgizýshi:- Sodan beri 4 jyl ýaqyt ótipti. Sol búldirshinder qazirgi tańda boılary da ósip, bastaýyshta bilim nárimen sýsyndap, orta býyn tabaldyryǵyn attaǵaly otyr. Talaptaryńa nur jaýsyn!

İİ júrgizýshi:- Qadamdaryńa gúl bitsin degen tilekpen, búgingi bastaýysh synyp bitirýshilerdi synyp jetekshilerimen ortaǵa shaqyramyz!
İ júrgizýshi: 4 «A» synyby synyp jetekshisi: --------------
İİ júrgizýshi: 4 «B» synyby synyp jetekshisi: --------------
İ júrgizýshi: - Búgingi «Qosh bol, bastaýyshym!» atty saltanatty jıynymyzdy ashyq dep jarıalaımyz!
Gımn oryndalady.
İİ júrgizýshi:
- Kóktem kelip, kók búrshigi tur kóktep
Kók bulaqtar taýdan qulap dirdektep.
Taý tulǵaly, kóktem nurly ul - qyzdy,
Tárbıelep shyǵarady bul mektep! - deı kele, merekemen quttyqtaý sóz mektep dırektory ----------------------------------------- beriledi.

Oqýshy: 4A
Armysyń mektebim, altyn ordam,
Jarqyrar uly - ǵylym, úmit aldan.
Jalǵasqan tarıh úni búgingideı,
Armysyń kıeli ordam bilimdegi.