InfoHub Logo

Qosh bol, bastaýysh!
1 - júrgizýshi: Myna jerdiń sondaı qulpyrǵanyna jol bolsyn. Ulpa, munan seniń qandaı habaryń bar?
2 - júrgizýshi: Álimjan - aý, qandaı habaryń bary ne?! Bul jerde úlken mereke. Oı, seniń osy ádetiń - aı, únemi jańalyqtan qur qalyp, kesh estısiń de júresiń.

1 - júrgizýshi: Olaı bolsa men estimegen qandaı jańalyq? – Oıhoı, myna qyzdardyń bıin qara, kóńil - kúıin qara? bul keremet bılep jatqan kimder?
2 - júrgizýshi: Bular bastaýyshpen qoshtasyp jatqan 4 - synyp oqýshylary. Bile bilseń Álimjan, bular bizdiń synyptas dostarymyz. – Álimjan, seniń kóńil - kúıiń joq sıaqty ǵoı?

1 - júrgizýshi Durys aıtasyń Ulpa, qýanyshpen qatar kóńilime kirbiń uıalap turǵanyn da jasyra almaımyn. Óıtkeni biz búgin bilimniń bastaýy bolǵan bastaýyshpen, eń qıyny eń alǵash qolymyzǵa qalam aldyryp, áripterdi jattatqyzyp, álippeni úıretken alǵashqy ustazymyzben de qoshtasamyz.
2 - júrgizýshi: Iaáá, Álimjan... muńaıma. Bul bizdiń kishkene bolsa da eseıgenimizdiń belgisi. Odan da ótken 4 jylǵa sheginis jasap, alǵashqy mektep tabaldyryǵyn attaǵan sátterimizdi eske túsireıik.

1 - júrgizýshi: Jaraıdy aıtqanyń bolsyn.
Bári esimde, mektepke alǵash barǵan kún,
Kúlimdep bir, nur júzimiz janǵan kún
Syńǵyr qaǵyp qýanyshpen qońyraý,
Shaqyrǵany alǵa bizdi arman myń.
2 - júrgizýshi: Ásem bólme, terezeler jap - jaryq
Qoıǵan dersiń shyraǵdannan sham jaǵyp
Qara taqta, appaq parta qaz qatar
Otyrdyq biz sıpap bárin tań qalyp.

1 - júrgizýshi: Esimde alǵash ustazdyń qarsy alǵany,
Aıqara ashyp esikti tastaǵany
Bir mereke dýman bop osy mańda,
Jetelep bir synypqa aparǵany.
2 - júrgizýshi: Kirip keldi, synypqa ustaz kúndi ilip,
Bólme ishi ketti lezde shyn jylyp
Sálem berdi bizge ustaz jymıyp,
Bar shýylyn balalardyń tyndyryp.

1 - júrgizýshi: Qurmetti ustazdar, aıaýly dostar, qadirmendi ata - analar! Búgin bizde qýanysh, úlken toı. Búgin biz tórt jyl boıy bilim berip, oı sanamyzdy damytqan, adaldyqqa tárbıelep, bilimniń soqpaǵynan ǵylymnyń arnasyna keń jol ashqan bastaýysh synyppen qoshtasqaly otyrmyz.
2 - júrgizýshi: Tolqımyz, tolqyp tursyz barshańyz da,
Mundaı kún bolǵan sirá qanshańyzda
Qol soǵyp, qoshemetpen shaqyralyq,
4 - synyp oqýshylaryn ortamyzǵa.

1 - júrgizýshi: Qadamdaryńyz qutty bolsyn! Aldaryńyzda turǵan balalar osydan 4 jyl buryn mektep tabaldyryǵyn júreksine attaǵan kip-kishkene baldyrǵandar edi. Endi mine, oılary da, boılary da ósip, egemendi elimizdiń jarqyn bolashaǵyn jasaý maqsatynda joǵary synypqa qadam basýda.
2 - júrgizýshi: Biz bárimiz artqa tastap 4jyldy,
Umytpaımyz ustazymyzdy jany izgi
Pana bolǵan, dana bolǵan biz úshin,
Janymyzdan artyq der ek biz sizdi.

Hor: Ardaqty ustazym
N. Gúldana: Ustaz degen qasıetti adam bar,
Bile bilseń seniń eki anań bar
Biri seniń týǵan anań bolsa eger,
Ekinshi anań ustaz degen danań bar.