InfoHub Logo

Qosh bol, súıikti Álippem erteńgiligi

Maqsaty: Oqýshylardyń Álippe pánin ıgerý barysynda alǵan bilimderin tıanaqtaý, estetıkalyq talǵamdaryn tereńdetý, ózin - ózi basqarýy men ana tilin, týǵan jerin, Otanyn súıip, qasterleýge tárbıeleý.
Túri: Merekelik erteńgilik
Kórnekiligi: Sýretter. Slaıdtar.

Barysy:
Muǵalim: Qurmetti ustazdar, ata - analar, oqýshylar! Búgingi erteńgiligimizge Qosh keldińizder! Búgin qýanyshty kún -«Álippemen qoshtasý» merekesi qutty bolsyn. Balalaryńyz bilim jolyndaǵy belesterge qanattary talmaı kóterile bersin deı otyryp erteńgiligimizdi ashyq dep jarıalaımyz!

Maqsat: Alty jasar balasyn,
Alpysta ájeı jetektep
Kele jatyr kóshede,
Qaıda álgi mektep - dep
Alpys keledi súrinip,
Alty keledi júgirip.

Nóser: Apar ana mektepke
Ata - analyq paryzyń.
Oqyp bilim alamyn,
Men oqýshy bolamyn.

Bota: Asyqpa áli qaraǵym,
Sanaýǵa endi jaradyń.
Jasyn tolsyn altyǵa
Sonda alyp baramyn.

Nóser: Meniń qarys mańdaıym,
Balań bolam talapty.
Tártip saqtap árdaıym,
Jaqsy oqımyn sabaqty.

Bota: Aıtqanymdy shyraǵym,
Shyǵarma tek sanańnan.
Mekteptegi muǵalim,
Kem bolmaıdy anańnan.

Nóser: Qyrkúıekte keldim de,
Synypqa kirdim qýanyp,
Qarsy aldy ustaz meıirimmen
Qadamymdy qup alyp.
(osy kezde barlyq oqýshy sahnaǵa shyǵady)

Án «Ustazym»

1 júrgizýshi: Armysyzdar analar!
Barmysyzdar balalar,
Sózime qulaq salyńyz
Bir serpilip qalyńyz.
Álippege arnalmaq
Búgingi jyr ánimiz!

2 júrgizýshi: Shashý – shashý shashaıyq,
Aq sandyqty ashaıyq
Bul mereke, bul toıdyń
Bastańǵysyn jasaıyq!

1 júrgizýshi: Álippeni meńgerip,
Áripterdi tanyǵan,
Qutty bolsyn toıymyz,
Biz bilimdi baldyrǵan.

2 júrgizýshi: Jaqsy bilim, kórimdik,
Bolsyn sizge halaıyq!
Ne úırenip, ne bildik
Qane ortaǵa salaıyq!

S. Kamıla: Birinshi qyrkúıek
Keldim men gúl alyp,
Aldymnan ustazym
Qarsy aldy qýanyp.

Daryn: Qýantyp meni aǵalar,
Shaqyrtty osy mektepke!
Qarańdar mine, balalar
Kelmeppin munda men tekke.

Beksultan: Mektebim qandaı tamasha!
Jarqyrap tur jańasha.
Ustazdarym bilikti
Aqtaımyz biz úmitti.

Ǵızat: Aqyl, bilim kóp berer
Anamdaısyń mektebim
Sende ósip kókteımin
Sensiń ómir kóktemim.

Saıat: Kórine ber bıikterden
Altyn uıa mektebim.
Shákirtteriń bilimdi bop,
Senen ósip kóktesin.

Qyzdarymyzdyń «Qazaq bıin» qabyl alyńyzdar!

1 júrgizýshi Aıaýlym men saǵan ertegi aıtaıyn tyńdaısyń ba?
2 júrgizýshi Árıne, Toqtar, qulaǵym sende

1 júrgizýshi «Erte, erte, ertede, Erte me, álde búgin be? Jaqyn ba, álde alys pa? Beımálim be, tanys pa, Bir el bolypty. Bul eldiń adamdary bir – birimen kók baıraqtyń astynda tatý - tátti ómir súrip, ónip - ósipti. Eldi bir kemeńger han basqarypty. Onyń talaby osy órkendep jatqan elde birde - bir bala bilimsiz bolmaýyn talap etipti. Qansha ýaqyt óteri beımálim 2030 jyly el úlken órkenıetti, barlyq ǵylymdy meńgergen bedeldi elge aınalatynyna kámil senipti. Halqy osy ortaq armanǵa jetýi úshin barlyq kúsh jigerin jumsapty.
2 júrgizýshi Toqtar, bul ertegiń maǵan óte tanys. A - a taptym - taptym sen bizdiń elimiz Qazaqstan týraly aıtyp tursyń ǵoı ıa
1 júrgizýshi Ras, bul ertegi el bizdiń táýelsiz Qazaqstanymyz. Az ýaqyttyń ishinde elimiz úlken jetistikterge jetip, tez qarqynmen damyp kele jatyr.
Barshańyzdy Táýelsizdigimizdiń 20 jyldyǵymen quttyqtaımyz!
1 júrgizýshi Olaı bolsa, osy mereıli toıǵa tartý retinde bir top jigitterdiń qazaq bıin qabyl alyńyzdar!