InfoHub Logo

Rýstemhanova Aıgerım Serıkovna

Qosh, keldiń jańa jyl!
Tárbıeshi: Qurmetti ata - analar, qonaqtar, sizderdi kele jatqan Jańa jyl merekesimen shyn júregimizden quttyqtaımyz! Jańa jyl árbirińizdiń otbasyńyzǵa jańa nur, jańa shýaq, tabys pen bereke, qýanysh pen mereke alyp kelsin deımiz.
Balalar ándetip, qol ustasyp kiredi. Sheńberge turady.
Aqqala:
Jasyl jelek jamylǵan
Asyl monshaq taǵynǵan
Keldi sulý shyrshamyz
Kópten kútken saǵynǵan
Jylqy jyly:
O, alaqaı tamasha
Shyrshamyz tur jarasa
Jańa jylda bárimiz
Án aıtamyz tamasha
Án.
Aqqala: Balalar sender búgin sándi kıinip, ádemi bolyp ketipsińder. Búgin qandaı mereke?
Balalar: jańa jyl!
Jylqy jyly: Shyrshamyz sulý, biraq shamdary janbaı tur. Aıaz ata men aqshaqar kelgenshe shamdaryn jarqyratyp qoıaıyq.
Aqqala: Bárimiz úrleıik, shapalaqtaıyq (janbaıdy)
Jylqy jyly: Múmkin taqpaqtar aıtyp beremiz.
Taqpaqtar:

Aıaz qysyp,
Órnek syzyp,
Terezeni torlaıdy.
Qarǵa ombyǵyp,
Bet dombyǵyp,
Syrǵanap jastar oınaıdy.

Dalada qar boraıdy,
Aq mamyqqa oraıdy.
Muz bolady - qatady,
Jyp jyltyr bop jatady.

Muzdan monshaq taǵynyp,
Kúmis qyraý jamylyp,
Ortada tur Aqshaqar,
Kópten kútken saǵynyp.

Jasyl shyrsha jaınaǵan,
Jarqyraǵan nurmenen.
Qandaı ǵajap aınalam,
Qulpyrǵandaı gúlmenen.

Árqaısymyz jańa jylmyz,
Árqaısymyz jańa ǵasyrmyz.
Ómir tańyn jarqyratqan,
Biz de sendeı jasylmyz.

Aqqala: Joq, biz ózimiz shamdaryn jaǵa almaıtyn sıaqtymyz.
Jylqy jyly: Múmkin jańa jyldy shaqyramyz.
Aqqala: Ia, sonyń qolynan kelip qalar.
Balalar: Jańa jyl! Jańa jyl!
Jylqy jyly: Alaqaı! Alaqaı!
Jyl keledi shapqylap,
Qanekeı qarsy alaıyq jaqsylap
Qoı jyly: Mááááááááááááá
Men jańa jylmyn
Men jańa nurmyn
Nurymdy da sebeıin
Jaqsylyqqa bóleımin
Tynyshtyqty tileımin
Bereke men yrysty
Men jyl bolam tabysty
Aqqala: Jańa jyl sen shyrshamyzdyń shamdaryn jarqyrata alasyń ba?
Qoı jyly: Máááááááááá, men be? Joǵa, qolymnan kelmeıdi.
Jylqy jyly: Qap, aıaz ata men aqshaqar kelgenshe shamdaryn jarqyratyp qoıaıyq dep edik.
Qoı jyly: Sen ne bir jyl ishinde shamdardy tek aqshaqar men aıaz atanyń kómegimen jarqyrata alatynymyzdy umyttyń ba?
Aqqala: meniń de esimnen shyǵyp ketipti.
Qoı jyly: Olar kelgenshe turamyz ba?
Kel, bıleıik, zerikpeıik
Tógilteıik án men kúı!
Qol ustasyp dóńgeleıik,
Kótereıik kóńil kúı.
Bı. Flesh mob
Aqqala: Balalar, endi Aıaz ata men Aqshaqardy shaqyraıyq.
Balalar: Aıaz ata! Aqshaqar! Aıaz ata! Aqshaqar!
Áýenmen Aqshaqar men Aıaz ata kiredi.