InfoHub Logo

Taqyryby: Qosh, súıikti Álippem!
Maqsaty: Oqýshylardyń álippeden alǵan bilimderin tıanaqtaý. Oqýshylardyń qabiletterin, ıkemdiligin, shyǵarmashylyq múmkindikterin ashý. Ata - analarǵa balalardyń 3 - 4 aıda qandaı bilim ıgergenin is júzinde kórsetý. Oqýshylardyń ata - ana, Otan, el, bolashaq aldyndaǵy boryshyn sezinýge, Elin, Otanyn súıýge, ony qorǵaı bilýge tárbıeleý.
Kórnekiligi: Álippe, Ana tili, Matematıka oqýlyqtarynyń muqabasy, naqyl sózder, sharlar.
Barysy:
Kórinis: Mektepke alǵash kelý
Aqsaqal rólindegi bala nemere oqýshysyn jetektep shyǵady. Kúı oınatylyp turady.
Avtor: Jeti jasar balasyn,
Jetpiste shal jetektep,
Kele jatyr kóshede
Qaıda álgi mektep, - dep
Jetpis keledi súrinip,
Jeti keledi júgirip.
Ata: Balam, balam, jaqsy bol,
Mine, seniń mektebiń.
Sabaǵyńa zeıin sal,
Aqyldy bol tentegim.
Nemere: Qyrkúıekte keldim de,
Synypqa kirdim qýanyp.
Qarsy aldy ustaz meıirimmen,
Qadamymdy qup alyp.
Nemeresi júgirip muǵalimniń qasyna kelip, qolyndaǵy gúlin ustazyna usynady. (Olar shyǵyp ketedi de? Ortaǵa muǵalim shyǵady)
Tolqımyz, tolqyp turmyz barshamyz da,
Mundaı kúı bolǵan sirá barshańyzda.
Qol soǵyp, qoshemettep shaqyraıyq,
1 «b» synyp oqýshylaryn ortamyzǵa.
Mýzyka áýenimen oqýshylar ortaǵa shyǵady.

Aqjaýlyqty ájemiz shashý shashady.

Muǵalim: İshi toly áripke,
Bilimdegi jaryq ne?
Oqýshylar: Ol, súıikti Álippe!
Muǵalim: Olaı bolsa, bárimizge eń qymbat «Álippeni» ortaǵa shaqyraıyq!
Oqýshylar: Álippe! Álippe! Álippe!

Álippe:
Armysyzdar, jas dostar!
Armysyzdar, ata – ana!
Bolashaqqa jol bastar,
Álippeń keldi ortaǵa
Bilim degen ǵajaptyń
Álippesin meńgergen
Keleshegi qazaqtyń
Bastalady senderden.
Taýdaı bolsa talabyń,
Aıtary kóp áriptiń.
Qýanyshy balanyń
Qýanyshy ananyń
Jaqsy bilim - kórimdik
Bolsyn sizge halaıyq!
Ne úırenip, ne bildik
Qane, ortaǵa salaıyq!

Muǵalim: Balalar, osy Álippe sóziniń ár árpin saralap aıtsaq.
Almaz: Á – álemdi
Baıan: L – legimen
Talǵat: İ – izgilikpen
Aqbota: P – parasatpen
Aqylbek: P – pash
Ryskúl: E – etemiz.
Hormen: Álemdi legimen, izgilikpen, parasatpen, pash etemiz.

Muǵalim: - Balalar, olaı bolsa, súıikti Álippemizdi renjitpeı, rahmetimizdi aıtyp, ózimizden keıingi kishkentaı baýyrlarymyz ben qaryndastarymyzǵa tabys etý - bizdiń mindetimiz. Sondyqtan biz osy ýaqytqa deıin alǵan bilimimizdi kórsetip, óleńdermen órnektep, ónerimizdi ortaǵa salaıyq.
Álippe, búgin keshimizdiń eń qadirli qonaǵysyz. Sondyqtan qurmet taǵyna jaıǵasyńyz.
- Balalar, bilim alý úshin eń alǵash qaıda kelemiz?

Oqýshylar: Mektepke kelemiz

Muǵalim: Mektep týraly qandaı maqal - mátel bilesińder?
Ádil: Mektep keme, bilim teńiz.
Jansaıa: Mektep - bilim ordasy.

Án: Ánshi balapan

Rınat: İshi toly áripke
Mynaý áıbát Álippe.
Barlyq ilim - bilimniń
Ájesi osy Álippe.
Qaısar: Álippem, meniń Álippem
Seni qolǵa alyp men
Esigin ashtym mekteptiń
Erteńi sáýle jaryqpen
Allabergen: Ata - apa atyn sen,
Bizge úırettiń Álippe
Bizge naǵyz jaqynsyń
Senen bildik áripti.
Asel: Arta berdi kitapqa
Boıymdaǵy qumarym.
Birge júrgen qasymda
Kitap boldy syńarym
Nurjaý: Ásem oıý órnekpen,
Kómkerilgen Álippem.
Sen bolmasań bilimge,
Bastaıtyn joldy bilip pe em.
Saltanat: Endi jaza bilemiz,
Áripti qosyp áripke.
Rıza bolyp saǵan júremiz,
Súıikti bizdiń álippe.
Álippe oqýshylarǵa tapsyrmalar beredi. Oqýshylar kýbıkti laqtyrý arqyly ózderine tapsyrma tańdaıdy.
Oıyn: «Kim kóp biledi?»
1. Qazaqstannyń Prezıdenti kim?
2. Alfavıtte qansha árip?
3. Daýysty dybystardy ata
4. Alfavıtti qurastyrǵan alǵashqy adam kim?
5. Qazaq dalasyna alǵashqy bop mektep ashqan kim?
6. Kóbelek sózinde qansha býyn bar?

Muǵalim: - Balalar, biz 42 áripti túgel jattap aldyq. Oqýdy, jazýdy úırendik. Álippemen qoshtasý tek bizdiń ǵana mektepte ǵana emes, bizdiń elimizdiń myńdaǵan balalary «Álippe» kitabyn bitirgenderin merekeleýde.
Balalar, Álippeden ótken áripter týraly qandaı óleńder bilesińder?

Ádil: Alfavıtiń «A» turady basynda,
Jansaıa: Árqashanda «Á» turady qasynda
Erkin: Baıqaısyń ba «B» turady úshinshi
Aqbota: Al, osynyń syry nede?
Hormen: A - degen ol analar ǵoı ardaqty,
Á - degen ol ákeler ǵoı salmaqty
B - degen ol balalar ǵoı ádemi
Bizdiń elde úsheýi de kádeli

Án «Álippe»

Muǵalim: - Balalar, biz Álippeden oqý, jaza bilýdi úırensek, al matematıkadan sanaýdy, esepteýdi, sandardy jaza bilýdi úırendik. Endigi sózdi matematıkaǵa bereıik.
(Matematıka)
Mynaý meniń kitabym,
Asa qurmet tutamyn
Bilim nárin jutamyn
Bizdiń keler shamamyz
5 - ke 3 - ti qosamyz
Jaýabyn tez tabamyz.
Muǵalim: - Balalar, matematıkadan osy ýaqytqa deıin ne úırendińder? Endeshe sandardy sóıletip kóreıik.
Baıan: Bir degenim - bilim,
Bilim - jaryq kúniń
Almaz: Eki - degenim - eńbek,
Eńbek bárin jeńbek.
Talǵat: Úsh degenim - úmit,
Úmitsiz joq jigit.
Aqbota: 4 - degenim talap,
Talmaıtuǵyn qanat.
Aqylbek: 5 - degeniń birlik,
Birliksiz joq tirlik.
Ryskúl: 6 - degeniń arman,
Atar tańyń aldan.
Mánshúk: 7 - degeniń jiger,
Jeńer jolyn biler.
Qaısar: 8 - degeniń – senim,
Súıenishiń seniń.
Erkin: 9 - degeniń talǵam,
Týra jolǵa salǵan.
Saltanat: 10 - degeniń – Otan,
Otandy súı botam.

Muǵalim: Balalar, biz sandardy sóılettik. Endi qazir men senderge esepter aıtyp matematıka páninen bilimderińdi tekseremin. Oılanyp baryp, sheshińder.
1. Oń qolymda 5 alma,
Sol qolymda 5 alma,
Barlyǵyn qosqanda
Bolady neshe alma?

2. 5 almanyń úsheýin,
Dosyń surap alady.
Aıtshy sonda nesheýi
Óz qolyńda qalady?

3. Symda 5 úırek otyr edi, ekeýin úrkitip jibersek, nesheýi qalady?

Matematıkanyń tapsyrmasy: Oqýshylarǵa berilgen sýretterden qandaı san bar. Sony taýyp kórsetýin suraıdy.

Muǵalim:
- Balalar, biz áli baǵalanbaımyz, biraq jańa jyldan keıin senderge baǵa qoıylady. Qaı baǵa jaqsy ekenin bilý úshin, baǵalardy sóıletip kóreıik.
1 degeniń jaman baǵa,
Alady ony jaman bala.
2 degeniń nashar baǵa,
İnishegim nasharlama.
3 degeniń orta baǵa,
Sapasy onyń orta ǵana.
4 degeniń jaqsy baǵa,
Alady ony jaqsy bala.
5 degeniń úzdik baǵa,
Oqıtyn bol úzdik qana.
Muǵalim:
- Balalar, eń jaman baǵalar qaısy eken?
- Endeshe, eń jaqsy baǵalar qaısy eken?

Án: Ustazym. Ádesova Baıan

Muǵalim: - Balalar, biz matematıkadan da bilimimizdi kórsettik. Endi Álippemen qoshtasatyn da kez keldi. Álippe bizge qanshama nárse úıretken eken. Biz Álippeniń arqasynda jazý jazýǵa, óz betimizben oqýǵa, sóz, sóılem quraýǵa daǵdylandyq. Endeshe Álippege ne deýimiz kerek?

Hormen: Álippege rahmet!

Talǵat: Qosh bol, qutty Álippem,
Kóp nárseni úırettiń.
Tanystyryp árippen
Taqyldatyp sóılettiń.
Ádil: Sóıledi olar til bitip,
Nebir qyzyq syrlardy.
Tyńdaı berdim men jutyp,
Til bitken taqpaq, jyrlardy.
Ashyla berdi aldymnan
Keń dúnıe esigi.
Soǵylǵan somdap altynnan
Álippe - bilim besigi.
Álippe: - Balalar, sender meni jaqsy ıgeripsińder. Men senderge rızamyn, saý bolyńdar!

Hormen: Qosh, qosh Álippem!

Aqbota M: Álippemen qosh aıtysyp qalamyz,
Endi qolǵa basqa kitap alamyz.
Ata - ana qýanyshqa ortaq bol,
Saýatty bop, shyqty mine balańyz.
Muǵalim:
- Mine biz belgili bilim eline saıahat jasap, bilimimizdi kórsettik. Álippeni oqý barysynda ata - analardyń qosqan úlesi óte mol. Baqytty balalyq shaǵy úshin, ata - analar sizderge kóp rahmet! Endi ata - analarmen birlesip «Tapqyr dostar» atty oıyn oınaıyq.

Oıyn. Balalar men analaryn ortaǵa shyǵaryp, analardyń kózin baılap qoıamyz. Analar balalarynyń betin sıpap, óz balasyn tabý

Shyǵys bıi. Malkeshova Aqbota
Muǵalim:
- Balalar, sender « Álippeni» bitirdińder. Endigi senderdiń jańa dostaryń Ana tili oqýlyǵy bolady. Sondyqtan álippeni qalaı meńgerseńder, ana tilin solaı oqıtyn bolyńdar. Al endi ana tilin ortaǵa shaqyraıyq.
Ana tili keledi.

Baıan: Týǵan eldiń tilimin,
Aqyly men tanymyn.
Túsindirer bárine
Ana tili pánimin.
Ana tilim - uranym
Ana tilim - quralym.
Ana tilim bolmasa
Myqty bolmas turaǵym.
Almaz: Tótep berip synǵa
Qaıyspaǵan aýyrǵa
Adal bolyp dosyna
Bas ımegen jaýyna
Kórinis «Úsh jalqaý»
Muǵalim:
Biz 1 «A» synyp oqýshylary
Neni úırendik?
1. Aqbota M: Oqýdy
2 - Mánshúk: Jazýdy
3 - Baıan: esep shyǵarýdy
4 - Almaz: án aıtýdy
5 - Ryskúl: bı bıleýdi
6 - Talǵat: úlkendi syılaýdy
7 - Aqylbek: kishige qamqor bolýdy
8 - Jansaıa: elimizge jaqsylyq jasaýdy
Biz neni ajyrata bilemiz?
9 - Qaısar: jaqsylyq pen jamandyqty
10 - Allabergen: aq pen qarany
11 - Asel: aramdyq pen adaldyqty
Biz neni súıemiz?
12 - Ádil: Otandy
13 - Saltanat: ata - anany
14 - Jansaıa: halqymyzdy
15 - Erkin: dostarymyzdy
16 - Aqbota: ustazymyzdy
17 - Rınat: mektebimizdi
Biz kim bolamyz?
18 - Nurjaý: adal azamat,
19 - Aqbota B: aqyldy arý
20 - Erkin: oqymysty ǵalym
Hormen: Táýelsizdiktiń týyn bıik ustaıtyn
Elin súıgen er «bolamyz»
Án: Otan
Muǵalim: «Batamen el kógerer,
Jańbyrmen jer kógerer» - degendeı,
Aq tileý, aıamaıtyn batalaryn,
Ózderińnen kúsh qýat ot alamyn.
Synaǵyndaı asyldyń,
Aq júrek, qasıetti panalarym deı kelip, aq shashty anamyzdan bata suraqpyz.
- Biz senderden úlken úmit kútemiz. Qymbatty balalar! Mekteptegi alǵashqy jetken jetistikterińmen quttyqtaımyn. Álippe senderdi tek áriptermen tanystyryp qoıǵan joq, senderdi bir - birińmen dostyqqa, mektep erejelerin oryndaıtyn tártipti oqýshy bolýǵa da úıretti. Bilim baspaldaǵyna órlegen saparlaryń sátti bolsyn. Táýelsizdigimiz baıandy bolsyn! dep quttyqtaý sóz berý.
Án: Muǵalim ol bizdiń