InfoHub Logo

Iá, ıá. Kýdym. Qurbym týrmysqa ketken, sony qýyp bardym. Qyzdyń jeńgesi ekeýimizdi shyǵaryp salyp jatqanda qystyń yzǵaryna jaýrap qalmasyn dep, onyń ústine batyldyq úshin dep 100 gramnan tarttyryp jiberdi. Qaladan bara jatqasyn kishkentaı chıhýahýa ıtimdi alyp aldym. Ózi qara, quıryǵy aq ıtim 100 gramnan soń qaıda qalǵanyn bilmeı qaldym. Jolǵa shyǵyp taksı toqtattyq. Qyz balasy bolǵasyn mastyǵymyzdy barynsha bildirmeıik dep kelistik. Taksı toqtap, ekeýimiz otyrdyq. Taksıst bizge birden "qyzdar iship alǵansyńdarma" dedi. Oıpyrmaı qaıdan sezdi dep ań tań boldyq. Aǵaı qaıdan bildińiz  — desek, taksıst: ekeýiń de aldyna otyryp alypsyndar deıdi. Uıataı,  ekeýimiz de ushyp túsip, artyna otyrdyq... Bagajnıkke. Negizi jaqsy bardyq. Bagajnıkte úsheýimiz. Men, jeńgesi sosyn qara toqty. Taksıst erteń qudaı tamaqqa soıatyn toqty. Bizdiń mas ekenimzdi ol da sezdi ma bilmım basyn kóterip "máá" dedi. Negizi onyń bizben shataǵy joq, erteńgi kúnin ýaıymdap jatyr. Men Amanǵalı emespin onyń sózin túsinetin. Biraq joramalymsha " eh qý dúnıe búgin bar erteń joq" dep jatqan sıaqty. Bir kezde jeńgesi qoltyǵyma qarap " Aıshekee qoltyǵyńnyń túgin qarashy" deıdi. Qarasam qudaı saqtasyn qap qara túk. Uzyndyǵy 5 sm deı. Shoshyp kettim. Qolymdy aqyryn kótersem kúshigim. Sorlyy endi bolmasa ólgendeı eken. Shamasy aýylǵa jetip qaldyq. Sómkemdi aqtaryp taksısttiń aqshasyn bermek boldym. Masqaraaa aqsham joq. Umytyp kettippin. Sosyn birden aılaǵa kóshtim. Kólik toqtasymen ekeýimiz qashyp ketemiz dep kelistik. On-on bes mınýttan soń kólik toqtady. Ýádeleskendeı syrtqa shyqtym da qasha jóneldim. Qashyp kelem qashyp kelem, artyma qarasam jeńgemiz joq. 30 mınýt kúttim, kelmegesin ózim qaıta bardym. Barsam jeńgem jylap otyr. Maǵan qarap " tym bolmasa keterde oıatyp ketseń qaıter edi" dep qoıady. Sóıtsem o jaryqtyq uıyqtap qalǵan eken. Taksıstten urys estip, jylap otyrǵan jeńgemdi aıaááp kettim. 

Qudalardyń úıin birden taptyq. Dastarhandy molynan jaıyp, jaqsy qarsy aldy. Jedik, ishtik. Kóp iship qaıdym ba, dalaǵa shyqtym. Jaı shyqpadym, dárethana izdep shyqtym. Qarańǵyda ári izdedim, beri izdedim, kórinbedi. Qysylyyyp kettim, Sóıtip shatasyp qora jaqqa barsam, qorada turǵan sıyr maǵan qarap "jaısha júrsiń be" dep qoıady. Zárem qalmady úıge qaraı zaýladym. "Máá sıyr sóıledi ma" desem qolymdaǵy kúshigim "máá men de shoshyp kettim" dep qoıady. Sóıtip turǵanda tusymnan dáý ıt ars ete qaldy. Ózim qysylyp tur edim ǵoo. Shoshyǵannan bári kettiiiii. 

Úı jaqtan jeńgem meni izdep shyǵypty "qaıda júrsiń, nege shyqtyń" dedi. Ne aıtarymdy bilmeı "mıym qaınap ketti" dedim. Qystyń kúni, kún sýyq. Tek tómen jaǵymnan ystyq bý uryp tur. Muny kórgen jeńgemiz " seniń mıyń joq pa desem, bar eken, qaınap jatqanyna qaraǵanda ótee tómen ornalasqan eken ǵoı" dep qoıady.

Úıtip-búıtip qoshtasyp qurbymdy amanattap kettim. Keterde kúshigimdi tappadym. Tek mashınaǵa otyrǵanda bir top balalardyń lángi oınaǵanyn kózim shalyp qaldy. Qysta qaıdaǵy lángi dersizder. Ózi qara quıryǵy aq lángi. Qaıran kúshigim aıı....

---