InfoHub Logo

Bilim berý salasy: Áleýmettik orta
Bólimi: Kórkem ádebıet
Taqyryby: «Qýyrshaq»
Maqsaty: Balalarǵa óleńdi oqyp berý arqyly keıipker áreketteri men minez qulyqtaryn taldaýǵa, olardy is - áreketterine sáıkes baǵalaýǵa úıretý. Sypaıylyqtyń qarapaıym daǵdylaryna tárbıeleý.
Kórnekilik: Taqyryp boıynsha sýretter
Ádis - tásili: Mánerlep oqyp berý, suraq - jaýap, oıyn.

İs - áreket kezeńderi
Tárbıeshiniń is - áreketi
Balalardyń is - áreketi

Motıvasıalyq kezeń
Toptyq jıyn:
Qýan, shattan, alaqaı,
Qýanatyn keldi kún.
Qaıyrly tań, qaıyrly kún!
Kúlip shyqqaı búgin kún!

Balalar shattyq sheńberine turyp, qımyl - qozǵalyspen kórsetedi, sálemdesedi.

Uıymdastyrýshylyq - izdenimpazdyq

- Balalar, qazir jyldyń qaı mezgili?
- Kóktem mezgilinde qandaı ózgerister bolady?
Balalarǵa jumbaq jasyrý:
Bóbekterdeı búldirshin,
Kıinip tur bir músin.
Ol qaz basyp júrmeıdi,
Sóılemeıdi, kúlmeıdi. (qýyrshaq)
Osy kezde esik qaǵylady.
- Sálemetsizder me! Bul «Aıgólek» toby ma? Men «Oıynshyqtar áleminen» tapsyrystaryńyzdy alyp keldim.
Qoraptaǵy syılyqty tapsyrý arqyly tosyn sát uıymdastyrylady.
- Balalar, tobymyzdaǵy Aǵjannyń kele jatqan týylǵan kúnine syılyqqa tapsyrys bergen bolatynmyn.
- Qandaı ǵajap! Qandaı syılyq berip jiberdi eken, ashyp kóreıik.
Syılyqty ashý.
- Balalar, qandaı syılyq eken?
- Durys aıtasyńdar, qýyrshaq qandaı ádemi.
Onyń qolyndaǵy ne nárse eken?
Syıqyrly taıaqshaǵa uqsaıdy eken, qýyrshaqty túrtip kórsek qaıtedi.
Qýyrshaqqa jan bitip, balalarǵa bılep beredi.
- Balalar búgin kórkem ádebıet oqý is - áreketinde «Qýyrshaq» óleńin mánerlep oqımyz.
«Qýyrshaq»
Apam maǵan dúkennen,
Bir qýyrshaq ákeldi.
Eregispes úlkenmen,
Mazaqtamas bópemdi.
Oınatamyn ony men,
Jylatpaımyn túrtip te.
Eń jaqsysy menimen
Talaspaıdy kámpıtke.
Balalarǵa óleńdi oqyp berý, mazmunyn túsindirý.
Kórnekilikpen jumys.
Sýret boıynsha qýyrshaqtyń áreketteri men minez qulyqtaryn taldaý, olardy qarym - qatynas erejelerine sáıkes baǵalaý. Ózin - ózi mádenıetti ustaýdyń qarapaıym daǵdylaryn áńgimeletý.
Balalar qýyrshaqtyń is - áreketin áńgimeleıdi.
Balalarǵa óleńdi jeke - jeke qaıtalatyp aıtqyzý.
Sergitý sáti: Ornymyzdan turaıyq,
Qane qanat jaıaıyq,
Qarlyǵashqa uqsaıyq,
Ushyp - ushyp alaıyq,
Ornymyzǵa qonaıyq
- Balalar, endi qýyrshaqpen birge oıyn oınap kóńilimizdi kótereıik.
Dıdaktıkalyq oıyn: «Qýyrshaqpen týǵan kún toılaımyz».
Oıyn sharty: Qýyrshaqpen týǵan kún tortyn bólip jeý, jaqsy tilekter aıtqyzý, bir - birine syılastyq, qaıyrymdylyq daǵdylaryn qalyptastyrý.
Kóktem mezgiliniń erekshelikterin aıtýy.
Jumbaqty sheshýi.
Balalar óleńdi muqıat tyńdaıdy.
Balardyń qımyly.
Refleksıvti kezeń
Oqý is - áreketine belsene qatysqan balalardy madaqtaý.
Qorytyndylaý.
Kútiletin nátıje:
Biledi: keıipkerdiń áreketi men minez-qulqyn taldaı biledi.
Meńgeredi: Óleńdi qaıtalap aıtýdy meńgeredi.