InfoHub Logo

Maqsaty: balalardyń shyǵarmashylyq qabiletterin damytý;
balalarǵa estetıkalyq tárbıe berý;
mektepke deıingi jastaǵy balalardyń mýzykalyq mádenıetin qalyptastyrý;
bala men ata - ana arasyndaǵy qarym - qatynasty jaqsartý;
balalardyń merekelik kóńil - kúılerin qalyptastyrý.

Júrgizýshi: Sálemetsizderme, qurmetti qonaqtar!
Balabaqsha búgin óz balalaryn mektepke shyǵaryp salǵaly otyr.
Túlekterimizge qol shapalaqtap qoıalyq, jol berińizder.
Túlekterimizge jol bereıik!

(Túlekter zalǵa áýen qoldaýymen zalǵa kirip, jarty sheńber quryp turady).

Júrgizýshi: Bizdiń baq búgin tunjyrap.
Bizde de bar kóńilsizdik azyraq,
Óıtkeni qoshtasar sát týady.
Kútedi bizdi endi alda jol uzaq.
Balalyqtyń bir úzdigin qaldyryp.
Daıarlyqqa baramyz,
Sizdermen kórshi bop qalamyz.
Esimizge talaı áli alamyz.

Júrgizýshi: Mine mektepke deıingi balalyq shaq óte shyqty, basqa ómir tabaldyryǵyn attaısyńdar. Júrekterińe kók qustaı bop alǵashqy túlek váls bıi qalsyn.

Bı: «Balabaqshamen qoshtasý válsy»

Júrgizýshi: Balalardy ǵajaıyp bilim álemine aparýǵa meıirimdi
ertegi keıipkerleri bizge qonaqqa asyǵýda.

Júrgizýshi: Sender balabaqshada ertegi keıipkerlerimen kóptep dostastyńdar, endi balalar bizge kele jatqan ertegi keıipkerleri kim boldy eken daýystap shaqyraıyqshy.

Balalar: Ertegi kelińiz bizge ózińizdiń meıirimdi keıipkerlerińizdi de erte kelińiz biz sizdermen dostasýǵa ázirmiz.

/Mýzyka áýenimen ishke Shamshyraq fonarıkpen shyǵady/.
Shamshyraq: Meniń ertegiler ormanym qarańǵy ǵoı, jaryq etý kerek!
(Joǵarǵy lústraǵa fonarıkti tıgizip jaǵady.)
Mine, durys boldy!
Mássaǵan, men munda jalǵyz emes ekenmin ǵoı.
Amansyńdar ma, balalar, uldar men qyzdar! Meniń atym Shamshyraq. Men senderge búgin oıynshyq dostarym týraly sıqyrly hıkaıa aıtyp bergeli keldim sender tyńdaǵylaryń kele me?

Balalar: Tyńdaǵymyz keledi.

Shamshyraq: Belgili ertegiler elinde qýyrshaq Madına ómir súripti. Qarapaıym emes burandaly eken. Ol ózi qumarpaz, kóńildi, ádemi ári aqyldy bolǵan eken. Bir kúni... Oý, ony nesine áńgimelep otyrmyn? Men senderdi áýeli qýyrshaq Madınamen tanystyraıyn sender ony tanymaıdy ekensińder ǵoı? (Shamshyraq úlken qorapty alyp keledi.)

Shamshyraq: Mine, bul meniń qurbym qýyrshaq Madına. (Qýyrshaqty qoraptan alyp jerge tik turǵyzady.)
Qazir men ony buraımyn, sosyn ol tiriledi.
(Buraǵan soń qýyrshaq Madına tirilip áýenge bıleı jóneledi.)

Qýyrshaq Madına: Oı, myna jer qandaı ádemi!
Sálemetsińder me, balalar! Men sendermen kezdeskenime qýanyshtymyn. Sender qandaı ádemi, kóńildi, súıkimdi balalar ekensińder. Balalar meniń senderge qoıatyn birer suraǵym bar. Sender balabaqshada bolyp kóp nárse úırengen shyǵarsyńdar! Sender qandaı da bolmasyn árip tanısyńdar ma? Sandardy she?
Senderdiń mektepke barǵylaryń kele me?
Meniń de mektepke oqyǵym keledi biraq men balabaqshaǵa barmaǵan soń meni mektepke almaıtyn shyǵar! Men eshqandaı árip, sandy tanymaımyn, sýret salyp, ermeksazben de jumystanýdy bilmeımin. Ne isteýge bolady!

Shamshyraq: Ýaıymdama, Madına, bizder saǵan kómektesemiz, bizderde aqyldy ári meıirimdi oıynshyqtarymyz bar.
Bizder ǵajaıyptar elinde turamyz ǵoı! Ári myna otyrǵan balalar da óte aqyldy, zerek, ádepti ol
seni qıyn shaqta árqashan qutqarady. Kómektesesińder ǵoı balalar!

Balalar: Ia, kómektesemiz.

Shamshyraq: Meniń sıqyrly qolshamym bar, ol seni meniń dostaryma Matematıka álemine aparady, profesor Áripjegishke aparady. Jaryq sáýle qaı jerdi kórsetse dostarymyzdy sol jerden tabamyz. Al endi jolǵa shyǵar aldynda kóńil - kúıimiz jaqsy bolý úshin bir bı bılep shattanyp alýdy usynamyn.

Qýyrshaq Madına: Qalaısha?
Shamshyraq: Men balalarǵa «Dosyńdy tap» bıin bıleýdi usynamyn. Qanekeı, balalar eki – ekiden juptasyp tura qalaıyq.

Bı: « Dosyńdy tap»

Shamshyraq: Al, endi qýyrshaq Madına sen myna balalarmen birge óz bilimińdi izdeýge shyq. Men senderge sáttilik tileımin. Joldaryń bolsyn! (Shyǵyp ketedi)

Qýyrshaq Madına: Rahmet saǵan, Shamshyraq. Qýyrshaq Madına qolyna sıqyrly shamdy ustap zaldy aınalyp júredi, aldynan Matematıka hanshaıymy kezdesedi. Qolynda shoty bar.

Matematıka hanshaıymy: Óz - ózine sóılep « birge - birdi qossam eki, ekige úshti qossam bes, tórtke ekini qossam alty»,- dep kele jatyp Qýyrshaq Madınaǵa soqtyǵysyp qalady.

Matematıka hanshaıymy: Áı, qyz meniń jolymda ne istep tursyń seniń kesirińnen esebimnen
jańylyp qaldym.
Qýyrshaq Madına: Keshirińizshi, men baıqamaı qaldym, men Matematıka hanshaıymyn izdep kele jatyr edim!
Matematıka hanshaıymy: Meni nege izdep júrsiń, men seni tanymaımyn ǵoı.

Qýyrshaq Madına: Sálemetsiz be, Matematıka hanshaıymy meniń balalarmen birge mektepke barǵym keledi. Biraq ta men esepteý amaldaryn bilmeımin sizdi sol úshin izdep júrmin, maǵan esepteý amaldaryn úıretińizshi.

Matematıka hanshaıymy: Qýyrshaq Madına sen úırenýge shyndap nıettengen bolsań men saǵan esepteýdi úıreteıin. Sen meni muqıat tyńdap alatyn bol. (Kýbıkter kórsetedi.)
1, 2, 3, 4, 5, 6, 7, 8, 9, 10.

Qýyrshaq Madına: Uqqan sıaqtymyn, ońaı eken ǵoı!

Matematıka hanshaıymy: Endeshe aıta qoıshy, ekige - ekini qossaq neshe bolady?

Qýyrshaq Madına: Oı, durystap oılanyp alaıynshy! Taptym - taptym bes bolady.

Matematıka hanshaıymy: Durys pa, balalar?

Balalar: Joq, durys emes, ekige - ekini qosqanda tórt bolady.

Matematıka hanshaıymy: Balalar, sender qandaı aqyldy edińder.
Endeshe, Qýyrshaq Madınany ortamyzǵa alyp bir oıyn oınaıyq kelisesińder me?

Júrgizýshi: Qánekeı, balalar, sender búgin óz bilimderińdi
kórsettińder. Sender sanaýdy biletin sıaqty edińder ǵoı!

Oıyn:«Qansha boldy sana»
Balalar oryndarynda turyp Matematıka hanshaıymy kórsetken sýretti esepti shyǵarady.
Matematıka hanshaıymy: Qýyrshaq Madına, kórdiń be, sen de balabaqshaǵa barǵan bolsań, osy
balaqaılar sıaqty tez sanap, tez aıtqan bolar ediń.

Júrgizýshi: Bizdiń balalar, tek sanap qana qoımaı, barlyq tústerdi de tanıdy, pishinderdi ajyratady.

Oıyn: «Túsin dál tap»
Taqtadaǵy qaltashaǵa tústerine saı pishinderdi ornalastyrady.

Matematıka hanshaıymy: Qandaı bilimdi, alǵyr edińder, men senderge rızamyn. Sizdermen óte qyzyqty, ári kóńildi. Biraqta meniń ketýime týra keledi, qosh saý bolyńdar!

Qýyrshaq Madına: Rahmet, saǵan Matematıka hanshaıymy.
Maǵan sizdiń kóp kómegińiz tıdi.

Matematıka hanshaıymy: Ár ýaqytta kómektesýge ázirmin. Meniń sandarymmen dos bolsańdar mektepke barǵan kezde uıalmaı jaýap beretin bolasyńdar. Joldaryń bolsyn, balaqaılar!

Qýyrshaq Madına: Esepteýdi úırendim, endi áripterdi de tanyp bilsem odan da jaqsy bolar edi. Qolyndaǵy shamyn zal ishine túsiredi.
Kim kezdeser eken?