InfoHub Logo

Sabaqtyń taqyryby: Qýyrshaqtyń kıimin modeldeý
Sabaqtyń maqsaty: Oqýshylardyń modeldeý taqyrybynda alǵan bilimine, biliktiligine jáne úırengen ádet - daǵdysyna súıene otyryp, qýyrshaqqa kıimdi modeldeý.
Bilimdik: qýyrshaq týraly maǵlumat berý, kıimdi modeldeý ádisimen tanystyrý, tańdap alynǵan fasondy modeldeýge úıretý, taqyryp boıynsha materıaldy meńgerýlerin qamtamasyz etý.
Damytýshylyq: modeldeý salasyndaǵy alǵan bilimderin damytý, jumys isteý daǵdylaryn damytý, qıalyndaǵy fasondy qaǵaz betine sýret qyp túsire bilýge, qıaldaı bilýge, qıaldaı bilýge úıretý.
Tárbıelik: jumys tártibin saqtaý, eńbekti baǵalaýǵa úıretý, eńbek jáne turmys gegıenasy erejelerin saqtaı bilýge tárbıeleý, ózara kómek kórsetýge tárbıeleý.
Sabaqtyń túri: jańa sabaqty meńgertý.
Sabaqtyń ádisi: túsindirme beıneleý, praktıkalyq oqytý.
Sózdik jumys: «modeldeý», «model», «nobaı», «stıl».
Sabaqtyń kórnekilikteri: ınteraktıvti taqta arqyly slaıd kórsetý, ár túrli sýretter, eskızder.

Sabaqtyń barysy:
1. Uıymdastyrý kezeńi
Sálemdesý, sabaqqa daıyndyqty tekserý, qatyspaǵandardy belgileý.
2. Úı tapsyrmasyn tekserý
1. Qorjyn neshe bólikten turady?
2. Qorjyn qandaı buıym?
3. Qorjynnyń qandaı túrleri bar?
4. Qorjyn qaı kezde qoldanylady?

3. Sabaqqa qyzyǵýshylyǵyn arttyrý
Jańa sabaǵymyzdyń taqyrybyn ashý úshin myna jumbaqty shesheıik.
Bóbekterdeı búldirshin,
Kıinip tur bir músin.
Ol qaz basyp júrmeıdi,
Sóılemeıdi, kúlmeıdi.
Jaýaby: qýyrshaq.
Búgin bizder osy qýyrshaqtyń kıimin modeldeımiz. Osy jerde slaıd boıynsha qýyrshaq týraly málimet berip ketemin. Eń qyzyǵy halyqaralyq qýyrshaqtar kúni bar eken ol - 3 naýryzda atalyp ótedi eken. Sonymen búgin bizder qýyrshaǵymyzdyń kıimin qurastyramyz.

4. Jańa sabaqty túsindirý.
Modeldeý degenimiz - bul eskız boıynsha jasalǵan buıymnyń úlgisi. Kıimdi modeldeýmen modeler sýretshi - aınalysady. Modáler adamnyń denebitimin sondaı - aq kostúmniń bólek bólshekteriniń úılesimdilik zańdaryn bilý kerek. Tigin tehnologıasyn jaqsy meńgerýi kerek.. Modeldeý eki túrge bólinedi. Kórkemdik jáne tehnıkalyq. Kórkemdik modeldeýmen sán úıleriniń sýretshi - modeleri aınalysady. Tehnıkalyq modeldeý - nobaılar, sýretter, fotografıalar boıynsha modelder jasaý. Onymen ınjener - konstrýktor aınalysady
Qazaqstandaǵy sán úıleri týraly, «Jado» sán úıi týraly, Berik Ismaılovtyń sán úıi týraly slaıdtan kórsetemin.
Modeldeýdiń úsh prınsıpi bar:
1. Kıimniń adamnyń ishki jáne syrtqy keskinine sáıkes bolýy
2. Arnaýly kıimderdiń maqsatqa saı, qoldanýǵa yńǵaıly bolýy
3. Kıimniń qoldanylatyn aıasyna, túrine paıdalanylatyn materıaldyń sáıkes bolýy
Taqtada kórip turǵandaı myna kóılekti modeldeımiz.

5. Saramandyq jumys.
Myna úlgilerdi syzyp, ony qıyp alamyz. Ol úshin bizge kerek quraldardy bilý úshin taqtadaǵy jumbaqtardy sheship kóreıik.
Bar eken bir jansyz zat sıyr tumsyq,
Matanyń kúnde jeıdi basyn qyrshyp.
Matanyń jegen saıyn basyn qyrshyp,
Artynyn túbit turar qyl - qybyrshyq.
(Qaıshy)

Qysqa taıań dińi bar,
Shıyrlaǵan izinde,
Saırap turar tili bar.
(Qaryndash)

Sansyz oılar betinde,
Saırap jatyr bar tilde.
Qajetpin men ár kúnde,
Óshpeıdi bir árpimde.
(Qaǵaz)

Juqa taqtaı bólshegi,
Uzyndyqtyń ólshemi.
(Syzǵysh)

Tazalap aq qaǵaz júzin,
Joq eter qaryndash izin.
(Óshirgish)

Eńbek sabaǵyndaǵy qaýipsizdik erejesin este saqtaıyq.
Qaıshyny joldasyńa bererde úshkir jaǵyn ózińe qaratyp ber.
Qaıshynyń júzin jabyq kúıinde keltirip, partanyń oń jaǵyna qoı.
Ineni aýzyńa salýǵa bolmaıdy, kıimge túıreýge bolmaıdy.
Ineni alýshyǵa sabaqtaýly jaǵymen ber.
Synǵan ıneni jerge tastaýǵa bolmaıdy.
Jelimmen jumys jasap bolǵan soń mindetti túrde qolyńdy jý.
Balalar qıyp, syzyp úlgilerin kórsetedi. oqýshylar qýyrshaqtyń sýretin salady.
Jaqsy degen balalardy madaqtaý.

6. Sabaqty bekitý.
1. Modeldeý degenimiz ne?
2. Modeldeý neshe túrge bólinedi?
3. Qazaqstandaǵy qandaı sán úılerin bilesińder.
4. Stıldiń túrleri?

7. Úıge tapsyrma berý.
Salǵan sýretteri boıynsha kıimderdi modeldeý. Sán, model týraly mánjazba jazý.
8. Sabaqty qorytyndylaý
Baǵalaý