Qulaǵym bitelgen joq, estıdi ashyq,
Túlkiden sheshen sózi ketti asyp,
Belgili jaramsaqtyq jarapazan
Qazaqqa paıdaly isten múldem qashyq.

Qozǵalsa el namysy sýdaı tasyp,
Shesheniń jaqsy at almaq sony basyp.
«Temirdi qyzǵanda soq» degen qaıda,
Bul nege qaltyraıdy qany qashyp?!

Qalyń el oıanǵanda kózin ashyp,
Azattyq, teńdik úshin urandasyp.
Bas tartqan der kezinde basshylyqtan
Jigersiz, qaıraty joq netken jasyq?!

---