InfoHub Logo

Ádebıettik oqý 4 - klass

Sabaqtyń taqyryby: Arasha. Qastek Baıanbaev (prezentasıasymen)
Sabaqtyń maqsaty: 1) Oqýshylardyń óleńdi júrgizip, mánerlep, túsinip oqý daǵdylaryn jetildirý. Ondaǵy negizgi oıdy anyqtaý, túsiný, keıipkerlerdiń áreketine baǵa berý, óz oıy men pikirin erkin baıandap berý mashyǵyn qalyptastyrý. Dıalog jaıly bilimderin keńeıte túsý.
2) Álsizderge álimjettik jasamaý, qaırymdy, qamqor bolýǵa, meıirimdilikke, dostyqqa, birlikke tárbıeleý.
3) Sózdik qoryn baıytyp, tilin, logıkalyq júıeli oılaý qabiletterin, shyǵarmashylyq qabiletterin damytý.

Sabaqtyń túri: Jańa sabaq
Oqytý ádisi: Sózdik, kórneki, taldaý, salystyrý, ajyratý, toptaý, óz betinshe jumys, izdenis ádisi, oqýlyqpen jumys, jazba jumysy.
Kórnekilik: slaıd (janýarlardyń anımasıalyq sýretteri), kartochka, keste
Pánaralyq baılanys: dúnıetaný, matematıka

Sabaqtyń barysy
İ. Alǵashqy uıymdastyrý
Oqýshylardy, oqý quraldaryn túgendep alý.
- Balalar, búgin bizde ashyq sabaq. Senderge qonaqtar kelip otyr, sondyqtan olarmen amandasyp, myna urandy jattap alyp aıtaıyq.
Árbir adam: Týysym, dosym, juraǵatym.
Árbir sabaq: Úırený, uǵý, ulaǵat.
Árbir isiń: Tirlik, tirek, adamdyq.
Árbir sóziń: Shyndyq, birlik, adaldyq.

İİ. Úı tapsyrmasyn tekserý
Qurap kelgen mysaldaryn oqyp berý. Jaqsy shyǵarmany madaqtap, kem qatelik bolyp jatsa túzetý.

İİİ. Jańa sabaq
1. Oı qozǵaý. Rebýs sheshý. (Ara sýreti (qural), shana sýreti kórsetiledi)
sheshýi: ARASHA
- Arasha sózin qalaı túsinesińder? - dep oqýshylardyń oıyn tyńdaý. Oǵan maǵynasy jýyq sóz tabý. Qamqor, kómek

2. Ótiletin sabaqtyń taqyrybyn ashqan soń avtorǵa qysqasha toqtalý.
Qastek Baıanbaev 1936 jyly 15 qarashada Almaty oblysynyń Alakól aýdanyndaǵy Taldybulaq degen jerde dúnıege kelgen. Qazaq memlekettik ýnıversıtetinde bilim alǵan. 1960 jyldan bastap Alakól aýdandyq, 1965 jyldan bastap Almaty oblystyq gazet redaksıalarynda ádebı qyzmetker, bólim meńgerýshisi bolyp istegen. 1971 - 1995 jyldary «Jazýshy» baspasynda redaksıa meńgerýshisi, «Jalyn» baspasynyń bas redaktory qyzmetterin atqarǵan.

3. Óleńdi oqyp berý. Oqý barysynda slaıd kórsetilip turady.

4. Sózdik jumys: búlik tóbeles, kórkem sózder: bórtkendeı dándeı, jaıyn aýyz, jýan tós, tomar moıyn, tuman kóz, quraq moıyn, qyl quıryq, shyn júırik, uzyn sıraq sary bala, Maýbas,

5. Oqýshylar tizbekteı oqıdy.

6. «Sáıkestendir» oıyny Sharty: Taqtadaǵy qıma qaǵazdaǵy sózderdiń qaı janýarlarǵa qatysty ekenin taýyp, sýretiniń tusyna qoıý.
Shybyn: bórtken dándeı álsiz jándik
Torǵaı: kádimgi ashýly beıshara
Mysyq: murtyn taldap taraǵan, ústin sándep jalaǵan, shapshań ári epti, maýbas
Tóbet (ıt): jaıyn aýyz, jýan tós, tomar moıyn, tuman kóz, ashý qysqan arlandaı
Qunan (at): quraq moıyn, qyl quıryq, shyn júırik, jymıǵan qos qulaǵy

7. Sergitý sáti
(Slaıdtan kórinis kórinip turady).
Torǵaı, torǵaı, torǵaısyń, taıaý kelip qonǵaısyń.
Jem shashaıyn toıyp al, sonda aıazǵa tońbaısyń.

Bar meniń mysyǵym, kórseń onyń pysyǵyn.
Qaqpalaqtap oınaıdy, ol ájemniń urshyǵyn.

Sekirip ót ordan da, sekirip ót joldan da.
Kúshik qýsa jetpessiń, mashına basyp ketpesin!

Atqa erin salamyn, sekirip minip alamyn.
Júırik jeldeı shabamyn, báıgeden men ozamyn!

8. Qosymsha materıal. «Artyq bolmas bilgenin»
- Al endi, balalar, osy janýarlar qansha jyl ómir súretinin bilesiń be?
Shybyn úsh apta, mysyq pen ıt 15 - 20 jyl, jylqy 30 jyl ómir súredi. Al kádimgi torǵaı tirshilik etý jaǵdaıyna baılanysty 2 - 3jyl qala aýyl ishinde, al jabaıy jaǵdaıda 10 jyl ómir súredi eken.
9. - Óleńdegi keıipkerlerdiń adamǵa qandaı paıdasy bar?- dep oqýshylardyń oıyn tyńdap, qorytyndy shyǵarý
10. Dıalog týraly anyqtamany jazyp alý
11. Óleńdi rólge bólip oqý.

İV. Qorytyndy..
12 Sabaqty bekitý maqsatynda slaıdtan uıashyqtar shyǵady. Balalar uıashyq nómirin tańdap, suraqtarǵa jaýap beredi.

1. Óleń nelikten «Arasha» dep atalǵan?
2. Mátindegi basty keıipkerlerdi ata
3. Aqty tógip shashqan kim? Aqqa qatysty tyıymdar aıt
4. Tóbetke qatysty sóz tirkesterin esińe túsir
5. Ker qunanǵa qatysty kórkem sózderdi ata
6. Dıalog degenimiz ne?

Sabaqty óleńniń negizgi oıyn ashatyn maqal mátelmen qorytý:
1. Ózińdi zor tutpa, ózgeni qor tutpa.
2. Ashý shabystyrady, aqyl tabystyrady.

V. Úıge tapsyrma.
1. Óleńdi qara sózben mazmundaý.
2. Óleń mazmuny boıynsha sýret salyp, kishkentaı býklet arqyly sújetti dıafılm qurastyrý.
Vİ. Baǵalaý. Sabaqqa belsendi qatysyp, otyrǵan oqýshylardy madaqtaý.
Barlyǵyn baǵalaý