InfoHub Logo

Ótetin orny: mekteptiń akt zaly.
- F - a - n - f - a - r - y
-
İ júrgizýshi: Qaıyrly kún qurmetti qonaqtar!
İİ júrgizýshi: Armysyzdar, ustazdar men ata - analar! Altyn uıa mekteptiń sońǵy qońyraý saltanatyna qosh keldińizder!

İ júrgizýshi:
Ózińmenen ólsheýsiz narqym meniń,
Asqar taý, arqa tutar altyn belim.
Uıadan urpaǵyńdy ushyrmaqqa,
Qosh keldiń, aınalaıyn, halqym meniń!

İİ júrgizýshi:
Ólsheýli ar - namys pen narqymyzdyń,
Qorǵany adamdyq pen saltymyzdyń.
Armysyzdar aıaýly ustazdarym,
Seneri sendersinder halqymyzdyń.

İ júrgizýshi:
Ómir berer erteńgi baǵalaryn,
Uıadan ushpaq búgin balalaryń.
Halqyma urpaq bergen, ómir bergen,
Qosh keldiń ákeler men analarym.

İİ júrgizýshi:
Mine, taǵy bir oqý jyly aıaqtaldy. Búgin mektep kemesinen taǵy bir top túlekterimizdi qıyn da jaýapty ómir jolyna attandyrmaqshymyz. Bul kún – mektep tarıhynda, mektep bitirýshi túlekter esinde máńgi óshpeıtin kún.

İ júrgizýshi:
Jas júrektiń ómirlik qushtary – gúl,
Baǵban - ustaz baýlyǵan qustary bul.
Qoshtasyp búgingi kún uıasynan
Sol qustardyń bir toby ushqaly tur.

İİ júrgizýshi:
Olaı bolsa, mektep bitirýshi túlekterdi qurmetpen ortaǵa shaqyramyz.
11 a synyby – jetekshisi, sanatty ustaz,---------------------------. Qoshemetpen qarsy alaıyq.

İ júrgizýshi:
Bul synypta «Altyn belgi» úmitkerleri, «Úzdik atestat» úmitkerleri, respýblıkalyq olımpıada jeńimpazdary bar.

İİ júrgizýshi:
11 b synyp, jetekshisi ustaz--------------------------------. Qoshemetpen qarsy alaıyq!

İ júrgizýshi:
Bul synypta «Altyn belgi» úmitkerleri......................................... bar.

İİ júrgizýshi:
Aldaryńda san taraý joldary tur,
Bári erteńgi azamat bolǵaly tur.
Úlken ómir esigin ashpaq, mine,
Kelgen qaýym, qol soǵyp, qolda búkil!

İ júrgizýshi:
Batyrlyqqa ýyzynan jaryǵan
Er túrkini jalaýynan tanyǵan.
Ózi batyr, ózi ánshi halyqqa
Jarasady jiger berer ánuran!
İİ júrgizýshi:
№13 orta mektep gımnazıasynyń 2013 - 2014 oqý jylyndaǵy sońǵy qońyraý saltanatyn ashyq dep jarıalaımyz.
/ Ánuran oryndalady/
İ júrgizýshi:
Saltanatty jıynǵa kelgen qurmetti qonaqtarymyzben tanystyryp ketsek:
1. Aqtaý qalalyq ákiminiń orynbasary
.....................................................................................................................................
2. Aqtaý qalalyq bilim bóliminiń tárbıe jónindegi bas mamany ---------------------------------- qatysyp otyr.
İİ júrgizýshi:
Qazaqstan Respýblıkasynyń Prezıdent N. Á. Nazarbaev aǵymdaǵy jyldyń 17 qańtary kúni «Qazaqstan joly – 2050: Bir maqsat, bir múdde, bir bolashaq» atty Halyqqa joldaýyn jarıalady. Bıylǵy Elbasynyń joldaýyn jarqyn bolashaqty aıqyndaıtyn joldaý dep aıtýǵa ábden bolady. Táýelsiz el atanyp, tóbemizge tý tigip, tilimizdiń mártebesi artyp, álemge atymyzdy tanytyp jatqan kezeńde ulttyń, eldiń bolashaǵy – jas urpaq tárbıesine Elbasy joldaýynda da myqty kóńil bólinip otyr. Osy egemendi, táýelsiz Qazaqstanda órkenıetke bastar joldyń bastaýy - mektep desek, mekteptiń basty tulǵasy, júregi – MUǴALİM. Sondyqtan Elbasynyń keleshek urpaǵymyzdyń ósip - ónýi úshin jasap jatqan parasatty qadamdaryn biz tek qoldaı otyryp, el erteńiniń jarqyn bolýy úshin búgingideı bilimdi urpaqtyń tárbıelenýine úlesimizdi qosý basty mindetimiz dep uǵynamyz.

İ júrgizýshi:
Bilimdi shákirtterin aıalaǵan
Jaqsylyǵyn eshkimnen aıamaǵan,
Saıaly baq, janashyry jas urpaqtyń
«Ustaz» degen aıaýly, ardaqty jan.

İİ júrgizýshi:
Ómirde ólshenbeıtin is – balaǵa bergen bilimiń, meıirimiń, qamqor peıiliń. Ol – bolashaqtyń búr jarǵan sabaǵyna quıǵan máńgilik bilim náriń. Osynaý máńgilik boryshty aýyrsynbaı, aıanbaı, ózimniń adamgershilik paryzym, qala berdi analyq qamqorlyǵym dep túsingen mektebimizdiń dırektory, Qazaqstan muǵalimderiniń İ seziniń delegaty, Qazaqstan Respýblıkasy Bilim berý isiniń úzdigi, aty respýblıkalyq muǵalimdik dańq kitabyna jazylǵan, Ybyraı Altynsarın medaliniń ıegeri, ----------------------------------------- sóz beremiz.