InfoHub Logo

Sabaqtyń taqyryby: «Tapqyr dostar»
Informatıka páninen synyptan tys sabaq jospary.
Sabaqtyń maqsaty:
A) Bilimdilik Buryn alǵan teorıalyq bilimderdi bir júıege keltirip, grafıkalyq redaktormen jumys isteý kezindegi praktıkalyq biliktilikter men daǵdylardy qalyptastyrýdy jalǵastyrý, ınformatıka pánine qyzyǵýshylyǵyn arttyrý.
B) Damytýshylyq: Oqýshylardyń logıkalyq jáne aqparattyq oılaý qabiletterin damytý, óz pikirin aıtýǵa, paıymdaýǵa talpyndyrý.
V) Tárbıelik: Oqýshylardy uqyptylyqqa, shapshańdyqqa, sanalylyqqa, kompúterlik iskerlikke tárbıeleý.
Sabaqtyń túri: Saıys sabaq.
Sabaqtyń tıpi: Aralas sabaq.
Sabaqtyń ádis - tásilderi: bilim - bilik daǵdylaryn qaıta jańǵyrtý.
Sabaqtyń kórnekiligi: kompúter, proektor, ınteraktıvti taqta, MS Power Point - ta jasalǵan slaıdtar.
Pánaralyq baılanys: matematıka, aǵylshyn tili.

Sabaqtyń barysy:
Saıys sabaq 10 kezeńnen turady. Saıysqa 2 top qatysady.
Qaıyrly kún, qurmetti qonaqtar, ustazdar men bilimge qushtar jas órender!
«Tapqyr dostar» atty saıys sabaqqa qosh keldińizder!
«Adam baılyǵynyń ishindegi eń tamashasy - bilim»,- degen eken shyǵys ǵulamasy Ábý - r - Raıhan ál Býrýnı. Endeshe, saıysymyzdyń barysymen tanysyp óteıik.

Saıys sabaǵynyń baǵdarlamasy:
I. Tanystyrý (Ár top ózderin tanystyrý)
II. «Kelesi» oıyny (Suraqtar qoıý)
III. Sózjumbaq sheshý
IV. «Qateni tap» oıyny
V. Rebýstar
VI. «Ushqyr oımen» (Berilgen áripterden sóz qurastyrý)
VII. «Oılan, tap!»
VIII. Kodtaý
IX. Qylqalam syry (Sýret salý)
X. Qorytý. (Topty marapattaý)

Oıynymyzdyń aldynda bilim saıysynyń ádil múshelerimen tanys bolyńyzdar. (Ádilqazylar alqasynyń tóraǵasy jáne múshelerimen tanystyrý).
1 - bólim. «Tanystyrý»
Aldaryńyzda óz bilimimen, aqyl - oıymen, erekshelengen ár toptyń bilimdi oqýshylary. Endeshe kezek oqýshylarda (Ár top óz aty men uranymen tanystyrady).
I. «Alǵyrlar» toby:
Urany:
Bolashaqtyń urpaǵymyz alǵyrly,
Saıysta kórsetpekpiz mektepte alǵan bilimdi.
II. «Tapqyrlar» toby
Urany:
Tapqyrlyq tanytý maqsatymyz,
Bilimmen shyqsyn tek jaqsy atymyz.

2 - bólim. «Kelesi» oıyny.
«Bilim - biliktilikke jetkizer baspaldaq, al biliktilik - sol bilimdi iske asyra bilý daǵdysy», degen uly ustaz Ahmet Baıtursynovtyń sózderine súıenip, «Kelesi» atty 2 - bólimdi bastaıyq.
Sharty: ár topqa 6 suraqtan qoıylady. Jaýabyn bilmeseńder, «Kelesi» dep aıtasyńdar, sol kezde suraqqa kelesi toptyń saıyskerleri jaýap beredi. Ár durys jaýapqa topqa 5 upaıdan qosylady.
«Alǵyrlar» tobyna:
1. Aqparattyń eń kishi ólshem birligi (bıt)
2. Sýret salýǵa arnalǵan programma (paınt)
3. Qarapaıym esepteýler júrgizetin programma (kálkýlátor)
4. Kompakt - dıskini oqýǵa arnalǵan programma (CD - ROM)
5. Masshtab quralynyń qyzmeti (sýrettiń úzindilerin úlkeıtý)
6. 1 baıtta neshe bıt bar? (8)

«Tapqyrlar» tobyna:
1. Ekilik júıesiniń sandary (0, 1)
2. Adam men kompúterdiń qaram - qatynas tili (ınterfeıs)
3. Kompúterdiń «mıy» (prosesor)
4. Paint grafıkalyq redaktorynyń terezesiniń elementteri (taqyryp jolaǵy, menú joly, quraldar jıyny, sýret salý alańy, túster palıtrasy).
5. Jazý quralynyń qyzmeti (sýret ishine mátin ornalastyrady)
6. Dúnıejúzilik kompúter arasyndaǵy baılanys (ınternet)
3 - bólim. Sózjumbaqtar sheshý
- «Bilekke sengen zamanda - eshkimge ese bermedik,
Bilimge sener zamanda qapy qalyp júrmeıik», - degen Abylaı hannyń oıly sózimen kelesi bólimimizge kósheıik.