InfoHub Logo

Mánerlep oqýǵa úıretý boıynsha ashyq sabaq

Sabaqtyń taqyryby: «Kúz» Abaı Qunanbaev
Sabaqtyń maqsaty: kúz týraly A. Qunanbaev óleńimen tanystyrý; lırıkalyq óleńdi mánerlep oqýǵa úıretý; oqýshylardyń estetıkalyq qabyldaý sezimderin damytý; sózben sýret sala alý, qıaldaı bilý biliktilikterin damytý; tabıǵatqa, kórkem ádebıetke, ana tiline degen súıispenshilikke tárbıeleý.
Kórnekilik: kúzgi dala sýretterinen slaıdtar, aýdıojazba, mýzyka,
Sabaqtyń barysy:

İ. Uıymdastyrý, tildik jattyǵý
Dem alýdy jaqsartýǵa arnalǵan jattyǵý «Masa»
Túzý otyrý, ıyqty tik ustaý, qoldarymyzdy alaqandaryn bir - birine qaratyp, keýdemizdiń aldyna ustaımyz. «Bir» degende muryn arqyly tereń únsiz demalyp, qoldarymyzdy bir - birinen alshaqtatamyz, sodan soń aqyryn demimizdi shyǵaryp, alaqandarymyzdy qosyp, shapalaqtaımyz. Qoldarymyzdy qosqanda (Z) dybysyn aıtýymyz kerek.
Dem alýdy jeńildetetin jattyǵýlar.
Aaaaa ýýýý
Nnnnmmmmmm
Artıkýlásıalyq apparatty jaqsartý jattyǵýlary
Qaz mańǵaz
Mańǵaz qaz,
Ár qaz mańǵaz.

Qaryndashymdy
Qaryndasyma berdim.
Qaryndasym
Qaryndashymdy
Qasymǵa berdi.

1. Árbir dybysty anyq aıtyp, baıaý oqyńdar; 2. Tez oqý. 3. Óte tez oqý.
«Obrazben aıtý» Kúz de kelip jetti. Osy sóılemdi myna sýretter boıynsha ár túrli kóńil - kúımen aıtyp berińder: « kúzdiń kelgenine qýaný»; «kúzdiń kelgenine renjiý», «kúzdiń kelgenine jylaý».
Mımıka.
Sýrettegi sózder boıynsha balalar mımıka arqyly kórsetedi. «kúlki», «qorqynysh», «qýanysh», «jabyrqaý», «jylaý»
1. Slaıd - shoý kórsetý «Kúzgi dala»
2. Sýretter boıynsha áńgimelesý
- Bul sýretterdi kórgende qandaı sezimde bolasyńdar?
Sýretterdiń mazmuny boıynsha balalar ózderiniń áserlerin aıtady:
Bul sýretterde kúzgi dalanyń kórinisi beınelengen. Aspandy bult torlaǵan, jel aǵashtardyń japyraqtaryn ushyryp áketken. Jerdegi shóptiń barlyǵy sarǵaıǵan, qýraǵan. Qustar baıaǵyda jyly jaqqa ushyp ketken, tek dala búrkiti ǵana ushyp júr. Ormanda da tynyshtyq ornaǵan. Bul kúzdiń sońǵy aılary.

3. Óleń mazmunyn ashý jumysyna daıyndyq. Búgin biz kúz týraly óleńmen tanysamyz.
- Qalaı oılaısyńdar, bizdi bul óleń qandaı kóńil - kúıge bóleıdi?
Balalar aldyn ala qandaı kóńil - kúı bolatynyn aıtady.
Óleńniń aýdıojazbasy tyńdalady.

4. Óleńdi taldaý.
- Sonymen senderdiń aıtqandaryń dál keldi me?
- Óleń senderge unady ma?
Óleńniń kóńilsiz ekendigin biz qaıdan bildik?
Endi óleńdi ishterińnen oqyp shyǵyńdar.
Kóz aldaryńa qandaı kórinis keledi?

Sózben sýret salý. Aspan bultty. Jerdiń betin tuman basqan. Dalada jylqylar shaýyp júr. Jerde jasyl shóp joq. Jastar da kúlmeıdi, balalar da shýlamaıdy. Aǵashtar japyraqtarynan aırylǵan. Barlyq aýylda da kóńilsiz. Úıde ıtter de joq, olar tyshqan aýlap qańǵyp ketken. Kúzeý tozǵan, shóbi qalyń emes.
Bul óleńdi oqyǵanda bizdiń kóńil - kúıimiz qandaı bolady?
Kóńilsiz. Aınalanyń barlyǵy tynyshtyq, sýyq, aspanda sur bult.
Endi óleńdi daýystap oqýǵa daıyndalamyz. Oılanyńdar, óleńdi qandaı kóńil - kúımen oqyǵan durys?
Kóńilsiz kúıdi kórsete bilý kerek.

5. Mánerlep oqýǵa úıretý jumystary:
Óleńdi oqyǵanda, aldymen aqynnyń kóńil - kúıin túsinýge, sony bere bilýge tyrysyńdar. Aqynnyń kóńil - kúıi qalaı ózgerip otyrady, soǵan mán berińder.
Sonymen birge, óleńdi mánerlep oqý úshin taǵy neni eskerý kerek?
Ol úshin ár shýmaqta aqynnyń sózben salyp otyrǵan sýretin kóz aldaryńa elestete bilýleriń kerek, ózderińdi bir mezgil aqyn oryna qoıyp, osynyń barlyǵy óz bastaryńnan ótip jatqandaı seziný kerek.
Sonymen birge óleńde kidiris, ıaǵnı paýza jasaýǵa da úlken mán berý kerek.
Paýza ne úshin kerek?
Paýza bir bólimnen ekinshi bólimge asyqpaı ótýge kerek. Paýza tek únsizdik nemese dem alý úshin ǵana emes, oılaný úshin kerek.
Óleńge paýza qoıyp shyǵyńdar. Paýza óleń ishinde sóılemder arasynda, tarmaqtar arasynda shýmaqtar arasynda da bolýy múmkin.
Endi osy aıtqandardyń barlyǵyn eskere otyryp, óleńdi aqyryn daýyspen aıtýǵa daıyndalyńdar.

6. Juptyq jumys. Balalar bir - birine óleńdi oqıyd, baǵalaıdy.
- Kim óleńdi daýystap synypqa oqyp bergisi keledi?

Qorytyndylaý. Sonymen búgingi sabaqta biz ne bildik? Sabaq qyzyqty boldy ma?
Úıge tapsyrma. Óleńdi mánerlep jatqa aıtyp berýge daıyndalý.