InfoHub Logo

Matematıkadan uıymdastyrylǵan oqý - is áreketiniń tehnologıalyq kartasy.
(Denesh blogyn qoldaný ádisi. Ortańǵy top.)
Bilim berý salasy: Tanym.
Bólimi: Qarapaıym matematıkalyq túsinikterin qalyptastyrý.
Taqyryby: Ormandaǵy ańdardy qutqarý
Maqsaty: 1 - den 5 - ke deıin týra jáne keri sanaýdy jalǵastyrý; geometrıalyq pishinderdiń 3 qasıeti boıynsha(pishini, kólemi, túsi) anyqtaýdy damytý; «Alys - jaqyn»túsinikterin bekitý; keńistikti barlaýǵa úıretý(ortasy, joǵary, tómen, sol jaq, oń jaq); oılaý qabiletterin damytý. Tapsyrmany oryndaý barysynda yntasyn, talabyn arttyryp, zeıindi, bilimdi bolýǵa tárbıeleý.
Kórnekilik: «Denesh» blogy, shartty belgileri bar kartochkalar, úlken - kishi sandar jınaǵy, úlestirmeli materıaldar(2 - jolaqty jolaqshalar, geometrıalyq pishinder)
Sabaq barysy.
Shattyq sheńberi:
Araılap tań atty,
Altyn sáýle taratty.
Jaınaı bersin qalamyz,
Gúldeı bersin dalamyz.
Qaıyrly tań, balalar!
Qaıyrly tań, apaılar!
- Balalar, bir jylda neshe mezgil bar?
- Qandaı?
- Qazir qandaı mezgil?
- Qys mezgilinde neshe aı bar?
- Kim atap beredi?
- Qazir qandaı aı?

(Tańǵajaıyp sát)
- Balalar, bireý esik qaǵyp turan sıaqty.
- Qarańdar bizge hat kelipti, kimnen keldi eken?(ashyp oqý)
«Sálem balalar! Maǵan senderdiń kómekteriń kerek, Jalmaýyz kempir ormandaǵy ańdardy torǵa qamap, qulyptap qoıdy. Olardy qutqarý úshin jalmaýyz kempirdiń tapsyrmalaryn oryndaý kerek.
Sálemmen Orman ata»
- Balalar, ańdarǵa kómektesemiz be!?
- Onda tezirek attanaıyq. Qalaı oılaısyńdar, nemen barýǵa bolady?
- Búgin biz ormanǵa avtobýspen baramyz.
- Avtobýsqa miný úshin ne kerek?
(«Denesh» blogymen jumys, balalarǵa shartty belgileri bar kartochkalar taratylady, osy belgilerdi oqý arqyly ózderine kerek geometrıalyq pishinderdi taýyp, sondaı pishinder japsyrylǵan oryndyqtarǵa otyrady)
- Káne, bılet satyp alamyz, ornymyzǵa otyramyz.
Bılet tekserý.
- Bıletińizdiń túsi qandaı? Pishini qandaı?