InfoHub Logo

Maqsaty:
Ana jaıly tamasha sózder, óleńder, maqal-mátelder arqyly anaǵa súıispenshilikpen qaraý.
Ananyń meırimin, mahabbatyn, jaqsylyǵyn túsiný.
Ana eńbegin qadirleý bilý.
Kórnekilikter:naqyl sózder ana týraly.
Kirispe sóz:
Balalar búgingi tárbıe saǵatymyzdyń taqyryby «Merekeńmen, aıaýly arýlar». Rasynda da, adamnyń ádeptiligi men jan dúnıeniń sulýlyǵy, eń aldymen balaǵa aq sútin berip, álpeshtep ósirgen ana júregini jylýynan bastalady. Boıymyzdaǵy eń jaqsy qasıetter bizge aldymen anadan taraıdy. Ananyń názik úni,jumsaq ta aıaly alaqany, jan jylýymen aıalaýy bizdi áldılep jubatady, kóńilimizdi sergitedi. Qaıran ana óz perzentin ádemi ne usqynsyz, aqyldy ne aqymaq, meıirimdi ne raqymsyz, kesir-qyrsyq bolsa da-báribir sheksiz súıedi. Balasy úshin anasy barmaıtyn qurbandyq bar ma? Ana bolý-búkil ómirińe ketetin uly rýhanı kúsh pen eren eńbek. Óz balasyn baǵyp-qaǵýda ol ózin-ózi umytyp, barlyq kúsh-jigerin sarqa jumsaıdy, budan onyń jany baı, nárlene túsedi.Árıne, ańanyń da anasy bar. Halyq: «Týǵan –ana emes, asyrap, ósirip, tárbıelegen-ana», - deıdi.

Balanyń anaǵa degen jaı mahabbaty jetkiliksiz, ony barynsha qurmettep,syılaý paryz. Árıne, mundaı qasıet ishten týmaıdy. Ony birtindep qalyptastyratyn da ananyń ózi,úıdegi basqa eresekter aǵa-ini, apa qaryndas, aǵaıyn,týys, ata jáne t.b.Osy máselede analardyń ózgere de keıde qate jiberip qoıady. Munyń sebepteri de san alýan. Máselen,balanyń jaıyn tabam dep, «býynsyz jerge pyshaq salyp», janyn qınap, ár túrli mashaqatqa túsetin analar da joq emes.Balalar da analarynyń bastan keshirgen qaıǵy qasiretin jete túsine bermeıdi, anaǵa degen qurmet, oǵan degen sheksiz mahabbat tabıǵı túrde qalyptasyp, ystyq sezimge aınalýǵa tıis.Óıtkeni, adamgershilik qasıet adamda aldymen júrekke, sezimge soqpaı ketpeıdi.

Gúlmarjan:
Analardy súıemiz,
Sózin oıǵa túıemiz.
Ájeni de ardaqtap,
Ádeppen bas ıemiz.
Álpeshtegen balasyn,
Ana-baqyt,ana-kún.
Árkim súıip óziniń
Maqtan eter anasyn!
Talǵat:
Erlik eńbek atqarǵan,
Eńbegimen maqtalǵan,
El senimin aqtaǵan,
Aınalaıyn, aq anam!
Bizdi ósirip baptaǵan,
Jaqsy bolsaq shattanǵan,
«Altynym» dep maqtaǵan,
Aınalaıyn,aq anam!

Gúldana:Analar meıramy-adamzat meıramy.Tarıhqa kóz jibersek, 1910 jyly Kopengagende sosıalıs áıelderdiń halyqaralyq 2-shi konferensıasynda Klara Setkın halyqaralyq áıelder kúnin atap ótýdi másele etip kóterdi.Sodan keıin de, ıaǵnı 1911 jyly Germanıada , Avstrıada jáne Danıada, al bizdiń elimizde 1913 jyly Peterbýrgte atalyp ótti.
Aıdana: Ananyń bergen taǵylymymen eshqandaı baq-dáýletke han qahary da, batyrdyń aıbary da teńese almaıdy.Osyndaı qudiretti pash etetin ulylardyń sóz kestesine nazar aýdaraıyq
Tólegen:
Abaı Qunanbaev: «Áıel sulý bolmaıdy kórkimenen,
Minezine kóz jetpeı, kóńil bólme».
Ershat: K.D:Ýshınskıı «Áıeldiń óz perzentin úıretip, ósirýge umtylýy qanynda bar jáne oǵan munymen birge osyǵan saı qabileti bar».
Mıramgúl: V.A. Sýhamlınskıı: «Áıel zatynyń erligi men qajyrlylyǵy er azamatqa bekzattyq, sulýlyq, aq nıettilik, adaldyq qasıetterin bitiretinine men myń san márte kóz jetkizdim».
Darhan: V. Gúgo: «Náziktik ataýlynyń jıyntyǵy-nannyń alaqany, sondyqtan da ol sábı úshin eń jyly uıa».
Maqal-mátelder
Ana jaqsylyǵyn aýyrsań bilersiń,
Qaıyn jaqsylyǵyn qydyrsań bilersiń.

Anasyn súıgenniń balasyn súı.

Ananyń kóńili balada,
Balanyń kóńili dalada.

Ananyń súti-bal,
Balanyń tili-bal.

Shyǵarmashylyq jumys
«Ana» degen sózge oqýshylar óz asosıasıalaryn jazý kerek.
Muǵalim:
«Ananyń aq sútin aqtaý» degen tamasha bir sóz bar. Biz osy sózdi qalaı júzege asyryp júrmiz, osyny myqtap oılanaıyqshy! Anasyn renjitken adam, ózi súıgen jaryn unatýy múmkin be? Anaǵa qurmet ómir baqı tereń de, sheksiz bolýy kerek.
Ana syılamaǵan tas júrek ómirde eshkimnen syı kórmeıdi, óziniń qanypezerliginen ómirde qatty soqqy kóredi.
Osymen tárbıe saǵatymyzdy aıaqtaı kele,adam balasy úshin eń aıaýly, eń qasterli sóz-ANA dep bilemiz!!!