InfoHub Logo

Internettiń paıdasy men zıany
Sabaqtyń túri: debat /pikirtalas/
Sabaqtyń maqsaty:
Bilimdilik: Búkilálemdik órmek – ınternetke baılanysty oqýshylardyń bilimderin nyǵaıtý, tıanaqtaý;
Damytýshylyq: Oqýshylardyń ınternet týraly tolyq oı qalyptastyrý, oqýshylardyń tapqyrlyq, izdenimpazdyq qasıetterin qalyptastyrý, shyǵarmashylyqqa baýlý, pánge qyzyǵýshylyǵyn arttyrý;
Tárbıelik: Oqýshylar óz oılaryn tıanaqty jete aıta bilip, sahnada ózderin sabyrly ári tártipti ustaýdy eskerip, qarsylastaryn tyńdaı bilýge tárbıeleý;
Sabaqtyń ádisi: suraq - jaýap /sıtýasıa týǵyzý, sheshý jolyn aıtý, naqty dálelder keltirý/
Sabaqtyń kórnekiligi: taqyrypqa baılanysty dıdaktıkalyq materıaldar, mýltımedıa
quraldary

Sabaqtyń barysy:
İ. Uıymdastyrý kezeńi
1. Sálemdesý
Top múshelermen jáne sarapshylarmen tanystyrý
Qaıyrly kún, qurmetti ustazdar men oqýshylar!
Sarapshylarymyz:

İİ. Taqyryppen jumys
1. Júrgizýshi ashyq pikir - talastyń oıyn - sharttarymen tanystyrady:
Qaıyrly kún, qurmetti ustazdar, oqýshylar sizderge
9 - 10 synyp oqýshylary arasyndaǵy «Internettiń paıdasy men zıany»
atty pikir - talasty ashyq dep jarıalaımyn.

Oıyn tolqyn, aınalǵan qatty aǵysqa
Tabylǵandaı tanymda, jat daýysta.
Bireý ozyp keledi qatarynan,
Bireý qalyp jatady asyǵysta.
Oıyn tolqyn jatqanda asyp, tasyp,
Bireý yǵym, bireýler shalys basyp.
Bul oıynnan ótedi ǵulama oılar,
Jeńseńde, jeńilseń de qalma jasyp.
Kórermen jınalǵan bul tamashaǵa,
Qur qarap jaı otyrý jarasa ma?
Týys, dosqa, synyptas, tanysqa emes
Soq qolyńdy bilimdi talanttar
Bul pikirtalasta 10 synyp oqýshylarynan quralǵan «Samǵar» toby jaqtaýshy,
9 synyp oqýshylarynan quralǵan «Murager» dattaýshy.
Pikirtalas sharttary:
1./ eki top óz oılaryn ortaǵa salady, onda (reglament saqtaý,) 3 mın
2/ suraq jaýap kezeńi
3/ spıkerlerdiń qorytyndysy
4. ádilqazylardyń qorytyndy sózi

3. Sóz kezegi oıynshylarǵa beriledi
1. «Samǵar» tobynyń spıkeri: Asylym 10 synyp
Armysyzdar qurmetti kórermen, meniń qarsylastarym! Biz búgingi debatta sizderdiń suraqtaryńyzǵa barynsha jaýap berýge tyrysamyz. Bizdiń ustanyp otyrǵan pozısıamyz «Internet kerek, ol bizdiń ómirimizge qajet» Internettiń paıdasy óte zor. Aldymen ınternetke anyqtama bereıik. Internet búkil ǵalamdyq tor. Ol búkil álemdegi mıllıondaǵan kompúterlik jelilerdi bir - birimen baılanystyratyn orasan zor kompúterlik jeli.

Internet uǵymy HH ǵasyrdyń aıaǵynda paıda bolsa da, júrdek poıyzdyń jyldamdyǵyn eske salatyndaı jedel qarqynmen keń qanat jaıyp keledi. Áıgili Er Tóstik ertegisinde Tóstik jyl sanap emes, aı sanap, kún sanap ósipti deıtin jeri bolatyn. Sol Er Tóstiktiń er jetýi sıaqty damyp otyrǵan bir sala bolsa, ol - búkilǵalamdyq jeli - Internet dep sanar edim.
Onyń ózi shyǵý tarıhy da qyzyq. «1957 jyly Keńester Odaǵy jasandy jer serigin ǵaryshqa ushyrǵan soń, AQSH Qorǵanys mınıstrligi «eger soǵys bola qalǵan jaǵdaıda Amerıkaǵa senimdi aqparat almasý júıesi kerek bolady» dep eseptegen. Ondaı júıeni AQSH - tyń Ortalyq barlaý basqarmasynyń qyzmetkerleri oılap tapqan desedi. Bul maqsatta Los-Andjeles, Iýta jáne Kalıfornıa shtattaryndaǵy ýnıversıtetterge jáne Stenford zertteý ortalyǵyna kompúterlerdi bir - birimen jalǵaıtyn jeli jasaý tapsyrylady. ARPANET dep atalatyn joba 1969 jyly 29 qazanda tórt mekemeniń kompúterlerin telefon arqyly baılanystyrady.
Sodan soń ARPANET damyp - jetilip, ony túrli sala ǵalymdary paıdalana bastaıdy. 1983 jyly bul ataý «Internet» degen uǵymmen almastyryldy».

Bul kúnde Internetti turaqty paıdalanýshylar sany búkil álem boıynsha 1, 5 mlrd. adamnan asypty. Bul - jer sharyn mekendeıtin halyqtyń tórtten bir bóligi ǵalamtor ıgiligin óz kádesine jaratýda degen sóz.

2. «Barys» tobynyń spıkeri: 9 synyp Aıda
Sálem berdik qaýymǵa! Bizdiń qarsylastarymyz «Internet kerek, ol bizdiń ómirimizge qajet. Internettiń paıdasy zor» dep jatyr. Qazirgi tańda ınternet álemdik qaýymdastyqtyń negizgi aqparattyq - komýnıkasıalyq quralyna aınalyp otyr. Bul turǵyda qarapaıym halyqtyń kúndelikti ómirdegi baılanysqa degen qajettiligi týraly aıtpasaq ta bolady.
Degenmen de ınternettiń jaqsylyqtarymen birge keleńsiz jaqtary da baryn esten shyǵarmaǵanymyz jón. Internetke qosylý úshin árıne bizge kompúter kerek. Al, ár kúnin kompúter aldynda ótkizý densaýlyqqa zıan ekenin bilesizder me? Ol adam aǵzasyna qaýip tóndirýmen qatar, sanany ýlaýmen shektesetini belgili. Kompúter aldynda uzaq otyrsa adamnyń kózi, jotasy aýyrady jáne qımyl - qozǵalysyna, adam psıhologıasyna da áser etedi. Sezimdik nerv júıesi aýrýlaryna shaldyǵady.
Internetke júginip, úırenip ketken bala, ıaǵnı ınternet arqyly hat alysyp, sóılesý - balanyń aınalasyndaǵy adamdarmen betpe-bet sóılesýine de áser etedi, sóıleý mádenıetinen aıyrylady. Kompúterden bólinetin últra - kúlgin sáýlesi kózge keri áser etedi. Al odan soraqysy - ulttyq, adamı qasıetterge nuqsan keltiretin materıaldardyń ınternet betinen oryn alýy. Qazirde shyǵarma, esse jaza almaıtyn oqýshylar bar. Bunyń bári kóp ýaqytyn kitap oqýmen emes, ınternetke kirip túrli oıyndar oınap, ýaqytyn tıimsiz ótkizýdiń zardaby.
Tyńdaǵandaryńyzǵa rahmet!

Kadyrova Svetlana Sabıtqyzy
B.Momyshuly aýyly, Jýaly aýdany,
№1 G.Ordjonıkıdze atyndaǵy mektep - gımnazıa