InfoHub Logo

Sabaqtyń maqsaty: Oqýshylardyń matematıkalyq oı - órisin damytý, matematıkalyq termınderdi bilý, jáne logıkalyq oılaý qabiletterin arttyrý, pánge degen qyzyǵýshylyǵyn damytý.
Sabaqtyń túri: saıys sabaq.
Sabaqtyń ádisi: modýldik tehnologıany qoldaný, logıkalyq jáne aýyzsha esepter shyǵarý.
Sabaqtyń kórnekiligi: ınterbelsendi taqta, slaıdtar, saýalnama, test suraqtary, deńgeılik tapsyrmalar, formýlalar, geometrıalyq fıgýralar, toptardy anyqtaıtyn ataý kórsetkishteri, rettik nomerler.
Sabaqtyń erekshelikteri:
1. Oqýshylardyń sabaqqa óz erkimen belsene qatysýy.
2. Oqýshylardyń óz bilimderin kórsete bilýi.
3. Oqýshylardyń esepterdi birigip, taldap sheshý joldaryn izdestirýi.
4. Oqýshylardyń toppen jumys isteýi.
5. Oqýshylardyń logıkalyq oılaý qabiletteriniń damýy.
6. Oqýshylardyń pánge degen qyzyǵýshylyǵynyń artýy
Sabaqtyń jospary:
1 - bólim. Úı tapsyrmasy.
1. Toptyq ataýlaryna tarıhı málimet.
2. Matematıka maqal - mátelderde.
2 - bólim. Báıge.
Suraqtarǵa jaýap alynady.
3 - bólim. Formýlalar syry.
Taqtada ilingen formýlalardy durys taýyp kórsetý.
4 - bólim. Oı sergitý.
Logıkalyq esepter boıynsha deńgeılik ózindik jumys.
5 - bólim. Uqsasyn tap.
Geometrıalyq fıgýralardyń uqsastyǵyn anyqtaý.
6 - bólim. Test. «Bilimińdi baıqap kór».
Saýalnama arqyly jaýap alynady.
7 - bólim. Oıshyldar aýyly.
«aksıoma» jáne «kvadrat» sózderiniń ár árpimen matematıkalyq termın qurap jazý.
8 - bólim. Top basshylarynyń saıysy. «Jekpe - jek».
Berilgen sandar arqyly torkózderdi toltyrý nátıjesinde qosyndysy, vertıkal, gorızontal, dıagonaldary boıynsha bir san shyǵýy kerek.
Saıys bastalmas buryn oqýshylar ádil - qazylar alqasymen jáne ınterbelsendi taqtada kórsetilgen sabaq josparymen tanystyrylady.
Sabaqtyń barysy:
1bólim. Úı tapsyrmasy:
1. Árbir top jetekshileri óz tobynyń ataýyna tarıhı málimet beredi.
2.»Matematıka maqal - mátelderde» aıdary boıynsha eki top músheleri matematıkaǵa baılanysty maqal - mátelder aıtyp jarysady.
2 bólim. Báıge. Suraq - jaýap.
Eki topqa kezek - kezek suraq oqylady.
Suraqtar:
1. Sheńberdiń sentrin onyń kez kelgen núktesimen qosatyn kesindi.
2. Úshburysh tóbesin qarama - qarsy jatqan qabyrǵa ortasymen qosatyn kesindi.
3. Dáleldeýi qajet etetin tujyrym.
4. Kvadrat fýnksıanyń grafıgi.
5. Barlyq qabyrǵasy teń tiktórtburysh.
6. Baǵyttalǵan kesindi.
7. Qarsy jatqan katettiń gıpotenýzaǵa qatysy.
8. Tik buryshtan kishi burysh.
9. Sheńberdiń kez kelgen eki núktesin qosatyn kesindi.
10. Dáleldeýdi qajet etpeıtin tujyrym.
11. Kópburyshtardyń barlyq qabyrǵalarynyń qosyndysy.
12. Barlyq buryshy tik romb.
13. Sheńberdegi eń úlken horda.
14. Bir mınýtta neshe sekýnd?
15. Qarapaıym geometrıalyq uǵym.
16. Bir ushy shekteýli túzý.
17. Bir ǵasyrda neshe jyl?
18. İrgeles jatqan katettiń gıpotenýzaǵa qatysy.
19. Sannyń júzden bir bóligi.
20. Tik buryshta úshburyshtyń shamasy.
21. Buryshta ólsheýge arnalǵan qural.
22. Bir metrde qansha santımetr?
23. Mıllıon qansha nólmen jazylady?
24. Qaısysy úlken: 2m nemese 201 sm?
25. Sheńber salýǵa paıdalanylatyn qural.
26. Kóbeıtindi qaı kezde nólge teń?
27. Qaısysy kishi: 2/5 nemese 0, 5?
28. Sheńber radıýsy 6sm. Dıametr qansha?
29. 20 mınýt bir saǵattyń qandaı bóligi?
30. Eń úlken eki oryndy san.
3 - bólim. Formýlalar syry.
Interbelsendi taqtada kórsetilgen formýlalardy atap, túsindirip beredi.
Formýlalar:
1. S=2pR - sheńber uzyndyǵy.
2. S=pR2 - dóńgelektiń aýdany.
3. S=pl - prızmanyń búıir betiniń aýdany.
4. V=abc - tik buryshty paralelepıped kólemi.
5. V=SH - prızma kólemi.
4 - bólim. Oı sergitý.
Logıkalyq esepter boıynsha deńgeılik ózindik jumys oryndaıdy, ár top úshin úsh tapsyrmadan.
1 - deńgeı
1. Jumadan keıin 19 táýlikten soń aptanyń qaı kúni sáıkes keledi.
2. Baspaldaqtyń ekeýin birden attaǵanda, bireýden attaǵannan góri 10 adym kem boldy. Sonda neshe basqysh bolǵanyn anyqtańyz.
2 - deńgeı
1. Sandar belgili bir zańdylyqpen ornalasqan. Suraq belgisiniń ornyna sáıkes keletin sandy tabyńyz: 720, 144, 36,?
2. Sandar belgili bir zańdylyqpen ornalasqan. Suraq belgisiniń ornyna sáıkes keletin sandy tabyńyz:
25=425; 78=4964; 32=94; 91=811; 43=?
3 - deńgeı
1. Tarazy tabaqshasynyń 1 jaǵynda 6 apelsın, al ekinshi jaǵynda 3 qaýyn salynǵan. Eger týra sondaı 1 qaýyndy apelsınge qossa, onda tarazy basy teńeledi. Iaǵnı qaýynnyń salmaǵy neshe apelsınge teń bolady?
2.»Eger mende qazirgi bar almaǵa qaraǵanda 4 alma artyq bolsa, onda meniń almam sendegiden 2 ese artyq bolar edi»,- dedi Talǵat Samalǵa. Eger balalardyń ekeýinde barlyǵy 26 alma bolsa, Samalda qansha alma bolǵanyn anyqtańyz.
5 - bólim. Uqsasyn tap.
Interbelsendi taqtada úshburyshtar kórsetiledi.
1. sýretten teń úshburyshty rettik nomerlerdi paıdalanyp kórsetý kerek;
2. berilgen sýrette neshe úshburysh bar ekenin rettik nomerdi paıdalanyp kórsetedi.
6 - bólim: Test «Bilimińdi baıqap kór»
Aldymen oıynshylarǵa saýalnama taratylady. Belgilengen ýaqyttan keıin, test tapsyrmalary ınterbelsendi taqtada kórsetiledi, durys jaýaptaryn tabady.
Test tapsyrmalary.
1.»Matematıka – ǵylymdar patshasy, al arıfmetıka - matematıka patshasy». Bul sózdiń avtory kim?
A) K. Gaýss; Á) Ál - Farabı; B) Evklıd.
2.»Aqyl - oıdy tártipke keltiretin - matematıka, sondyqtan da ony oqý kerek». Bul sózdiń avtory kim?
A) K. Marks; Á) M. V. Lomonosov; B) R. Rekord.
3. Arıstotelden keıingi «Ekinshi ustaz» atanǵan ǵalym kim?
A) Bırýnı; Á) Ál - Farabı; B) Horezmı.
4.»Negizder» dep atalatyn matematıka oqýlyǵyn jazǵan grek ǵalymy kim?
A) Pıfagor; Á) Evklıd; B) Fales.
5.»Mıllıon» uǵymyn qazaq jerine alǵash taratqan kim?
A) Ulyqbek; Á) Y. Altynsarın; B) Ál - Farabı.
6.»Tabıǵattyń uly kitaby matematıka sımvoldarymen jazylǵan». Bul sózdiń avtory kim?
A) G. Galıleı; Á) F. Engels; B) P. Ferma.
7. Integral tańbasyn eń alǵash usynǵan kim?
A) M. V. Lomonosov; Á) Leıbnıs; B) Eınshteın.
8. Logarıfmdi oılap shyǵarǵan kim?
A) Ch. Bebbıdj; Á) K. Berrı; B) D. Neper.
9. Nol - qaı eldiń sózi?
A) Arab; Á) Úndistan; B) Grek.
10. Algebra qaı eldiń sózi?
A) Nemis; Á) Orys; B) Arab.
11. Koordınattar júıesin eń alǵash engizgen adam kim?
A) R. Dekart; Á) F. Vıet; B) P. Ferma.
12. Útirdi matematıkalyq belgi retinde engizgen kim?
A) Leıbnıs; Á) R. Dekart; B) I. Kepler.
7 - bólim. Oıshyldar aýyly.
Ár top ózderine berilgen «aksıoma» jáne «kvadrat» sózderiniń ár árpimen matematıkalyq termın qurap jazady, bir ataý ekinshi ret qaıtalanbaýy tıis.
K - kvadrat A - aýdan
V - vektor K - katet
A - absıssa S - sáýle
D - dıametr I - ıks
R - radıýs O - ós
A - anyqtama M - masshtab
T - teorema A - apofema
8 - bólim. «Jekpe - jek». Top basshylarynyń saıysy.
Berilgen sandar arqyly tor kózderdi toltyrý nátıjesinde qosyndysy - vertıkal, gorızontal, dıagonaldary boıynsha bir san shyǵýy kerek.
Qorytyndy: Saıys sońynda ádil qazylar upaılar sanyn sanap, qorytyndy shyǵarǵansha, matematıkalyq fokýstar kórsetiledi.
Ár toptyń jınalǵan upaılary ashyq túrde sanalyp, oryndary anyqtaldy.
Toptardy marapattaý úshin aldyn - ala daıyndalǵan maqtaý qaǵazdary ár top basshysyna tapsyrylyp, marapattaldy.