InfoHub Logo

Maqsaty: Balalarǵa jumbaq týraly bilim berý, shyǵarmashylyq halyq aýyz ádebıetimen tanystyrý, sózdik qoryn baıytý.
Kórnekilikter: jemisterdiń, kókónisterdiń mýlájdary, sýretter. Sabaqtyń barysy:
Shattyq sheńberi
Armysyń, qaıyrymdy aspan - ata!
Armysyń, meıirimdi Jer - ana!
Armysyń, shuǵylaly Altyn - kúnim!
Armysyń, balabaqsha, dos - jaranym!
- Balalar, sender jumbaq sheshkendi jaqsy kóresińder me? Jumbaqtar ár túrli bolady eken. Olarmen jaqynyraq tanysý úshin men senderdi jumbaqtar kórmesine shaqyramyn.
Tárbıeshi kórmedegi zattarmen tanystyryp shyǵady.
- Jumbaq halyq aýyz ádebıetiniń bir túri. Ár jumbaqta zattyń aty atalmaıdy, ony oılap, ne týraly aıtylǵandyǵyn tabý kerek. Jumbaqtyń sheshýin ońaı jolmen tabý úshin, uqsaıtyn zatpen salystyrady nemese erekshe sózben aıtylady.
Oıyn: " Jyl mezgilin tap"
Sýda muz bar,
Jerde qar bar,
Boran borap soǵady,
Bul qaı kezde bolady? (Qys)
Jyl mezgiliniń erekshelikterin suraıdy.
Kún uzaryp,
Qar erip,
Sý saılarǵa tolady.
Bul qaı kezde bolady? ( Kóktem)
Kúnde ysyp,
Jemis, jıdek pisip,
El pishenin orady.
Bul qaı kezde bolady? (Jaz)
Jaýyp jańbyr,
Jer sabyr,
Shóp, japyraq solady.
Bul qaı kezde bolady? (Kúz)
Oıyn: "Janýarlardy tap"
Tárbıeshi taqtaǵa eki sýretti iledi. Birinshi sýrette ormannyń, ekinshi sýrette úıdiń sýreti beınelengen.
- Balalar, men jumbaqty jasyramyn, onyń sheshýindegi shyqqan janýardyń mekendeıtin jerin, qoregin tabasyńdar.
Ózi qý, ári aılaker,
Júrgen jeri aıqaı da shý. (Túlki)
Syldyrdan qorqady,
Shoshynyp jortady. (Qoıan)
Qys boıyna jatady,
Tátti uıqyǵa batady. (Aıý)
Tonyn kıip týǵan,
Jalap betin jýǵan. (Mysyq)
Adamǵa serik,
Kúzetke berik. (It)
Basynda múıizi bar,
Ústinde kıizi bar. (Sıyr)
Sergitý sáti "Aıý"
Ormandaǵy aıýdyń
Qulpynaı kóp eken
Terip, terip alamyz,
Qaltamyzǵa salamyz.
Oıyn: " Tórtinshi artyq "
- Taqtada tórt sýret tur. Sender sol sýretterge muqıat qarap, artyǵyn tabyńdar.
Balalar tórtinshi artyq sýretti tabady. Mysaly: alma, órik, júzim, sábiz.
Artyǵy sábiz, sebebi, ol kókóniske jatady. Al qalǵandary jemister.
Oıyn: " Sıpattama boıynsha "
- Jumbaqtyń sheshýin tapqan qandaı qyzyq, balalar, al jumbaqty oılap tapqan odan da qyzyq eken. Myna qoraptyń ishinde zattar bar. Sol zattarǵa qarap, balalarǵa jumbaq jasyrady. (Balalar jumbaqtyń sheshýin tabady).
Shirkinniń ózine obal - aq
Júredi aıaqta domalap. (Dop)
Úrleseń jep - jeńil,
Elpildep ketedi.
Ushyrsań, kók - teńbil,
Bultqa da jetedi. (Shar)
Tárbıeshi sabaqty qorytyndylaıdy. Sabaqqa belsendi qatysqan balalardy madaqtaıdy.