InfoHub Logo

Ádebıettik oqý
Taqyryby: Týǵan ólkem. Ótebaı Turmanjanov
Maqsaty:
1. Ótebaı Turmanjanovtyń «Týǵan ólkem» óleńin túsinip, mánerlep oqýǵa úırete otyryp, ulttyq qundylyq týraly túsinikti keńeıtý.
2. Oqýshylardyń synı turǵysynan oılaý men jazý daǵdysyn damytý.
3. Oqýshylardy Otanǵa, týǵan ólkege degen súıispenshiligin arttyrý, týǵan jerdi súıýge tárbıeleý.
Sabaq tıpi: Jańa bilimdi meńgertý
Sabaq túri: kiriktirilgen sabaq (ádebıettik oqý – ózin - ózi taný )
Kórnekilik: «Qazaqstan» týraly slaıd, sózjumbaq «Týǵan ólkem», án
Ádis – tásil: STO tehnologıa strategıalary
Sabaq barysy:

Uıymdastyrý bólimi
Oıyn: Tús tańda.
Maqsaty: Tús tańdaý arqyly oqýshylardy toptaý.
Jasyl. Kók. Sary. Qyzyl.
Jasyl tús – qýanyshty kóńil kúıdi, jastyqty bildiredi.
Kók tús - taza sýdyń, ashyq aspannyń, beıbitshilikti bildiredi.
Sary tús – jaryq kúnniń nyshany.
Qyzyl tús - jeńistiń nyshany.
Adam tirshiliginiń kózi de osylar kún, sý, aspan, beıbitshilik, eńbek, baqyt, jeńis. Tabıǵat boıaýlary arqyly tirshiliktiń qaınar kózi beriledi.
Topty tanystyrý
1-top. Bilimdiler
2-top. Tapqyrlar
3-top Alǵyrlar
4-top İzdenimpazdar

Tynyshtyq sáti
- Balalar, yńǵaılanyp otyryp alyńdar da, tereń tynys alyńdar. Endi kóz aldaryńa Qazaqstannyń bolashaǵyn elestetip kórińder. Bıiktigi kók tiregen ǵımarattar, kún shýaǵyna bólengen baqytty balalar, balalarynyń qýanyshyna máz bolǵan analar, oqýshylardyń bestigin maqtan tutqan ustazdar, ǵaryshpen sóılesip turǵan dana aǵalar, nemereleriniń aqyldyǵyna rıza bolǵan atalar. Qazaq tilinde sóılesip turǵan basqa da týysqan halyqtar.
Qazaqstannyń qaı ólkesin aralap júrseń de ózderińdi bultsyz aspan, qalyqtaǵan qus, jaıqalǵan gúl, jaınaǵan baq, jarqyraǵan kún sıaqty sezinińder. Qazaqstannyń qaı bólsheginde tursań da ózderińdi sol jerdiń tolyqqandy múshesi, qojaıyny retinde sezinińder. Óıtkeni ol – bizdiń Otanymyz.
Osyndaı baqytty, beıbit elde týyp, ómir súrip otyrǵanymyz úshin Otanymyzǵa ishteı raqmet aıtaıyq. Otanǵa degen osyndaı rızashylyq sezimmen burynǵy qalpymyzǵa keleıik.

Qyzyǵýshylyǵyn oıatý. Asosıasıa. Qazaqstan týraly ne bilemiz?
Qazaqstan

«Qazaqstan» sózin basqasha qalaı aıtýǵa bolady?
- Otanym, týǵan jerim, atamekenim, týǵan ólkem, týǵan elim.
Atameken. Týǵan jer. Týǵan ólke.
Bul – eń joǵary qundylyqtardyń, asyl uǵymdardyń biri.
Atameken – týǵan halqynyń, ulttyń qasıetti meken etken, ata – babanyń qonys tepken jeri.
Týǵan jer – ár adamnyń dúnıe esigin ashyp, ómirge kelgen jeri,
Týǵan ólke - ata – babanyń qonys tepken jeri men ómirge kelgen jerińniń tabıǵat kórinisi. Adamnyń týǵan jeri, ósken ortasy erekshe ystyq bolady.
Maǵynany taný.
Ótebaı Turmanjanov – aqyn.
Oqýlyqpen jumys. Týǵan ólkem.
Óleńdi túsinip, mánerlep oqy.
Taldaý.
1. Óleńdegi aqyn sezimine saı keletin sózderdi ata.
- Qýanysh
- maqtanysh
- ókinish
- shattyq
2. Aqyn týǵan jerdiń kúni, gúli týraly ne deıdi?
3. Altyn dándi dala, aq kúmisteı qala degendi qalaı túsindiń?
4 Týǵan ólke taǵy nesimen kórikti?
5. Týǵan jerdi kórkeıtý úshin sen qandaı úles qosasyń?
Dáıeksóz.
Atameken aıasy – adamnyń jan saıasy.
Halyq danalyǵy.
- Atamekenniń tamasha tabıǵaty, keń dalasy, tolqyǵan teńizi, jasyl ormany, ushqan qustary, júgirgen ańdary qashan da ata – babańa degen saǵynyshyńdy basady.
«Atameken aıasy – adamnyń jan saıasy» degen osy. Osyndaı janyń saıa tabatyn mekenniń tabıǵatyn aıalaý kerek.
Shyǵarmashylyq jumys.
Aqyn sózderin paıdalanyp, týǵan ólkeń týraly óleń qurastyr.
Netken sulý, netken kórkem,
Osy meniń týǵan ólkem.
......................................
.......................................
Poezıa mınýty.
«Otan» týraly top basshylary óleńdi jatqa oqý.
Topqa tapsyrma.
1 top. Qazaqstannyń tabıǵaty.
2 top. Qazaqstannyń qazba baılyǵy.
3 top. Qazaqstandaǵy halyqtar dostyǵy.
4 top. Qazaqtyń salt - dástúri.
Oıyn: Baqyt aǵashy.
Maqsaty: Otanǵa degen óz tilegińdi arnaý.
Sharty: Japyraqqa óz tilegińdi jazyp, aǵashqa ornalastyrý.
Bekitý. Oı tolǵanys.
- Óleń qalaı atalady?
- Óleńdi kim jazǵan?
Sózjumbaqty shesh. Týǵan ólkem.
1. Rámiz. (Tý)
2. Kıeli qus. (Aqqý)
3. Seni oqytyp, bilim bergen kim? (Muǵalim)
4. Meıirimdi jan. (Ana)
5. Qasıetti aı.( Naýryz)
6. Biz turatyn qala.( Aqtóbe)
7. Alyp janýar. (Pil)
8. Aqtóbedegi ózen aty (Elek)
9. Kıeli san. (Jeti)
10. Burynǵy Astana.( Almaty)

Otan týraly qandaı maqal – mátel bilesiń?
Júrekten - júrekke.
Otanym, men saǵan rızamyn,......
Úıge tapsyrma. «Týǵan ólkem» óleńin jattaý.
Baǵalaý. Topty baǵalaý.
Tynyshtyq sáti.
- Balalar, denelerińdi túzý ustap, bastaryńdy joǵary kóterip, yńǵaılanyp otyryńdar. Kózderińdi jumsańdar da bolady. Aýany tereń jutyp, erkin tynys alyńdar. Ózderińniń tynys alýlaryńdy baqylap, baqytqa, mahabbat pen tynyshtyqqa toly taza, shıpaly aýanyń tula boılaryńa tolǵanyn sezinińder. Endi kózderińdi ashsańdar da bolady.