InfoHub Logo

"UBT-ǵa barar jol..." Oqýshylardy UBT-ǵa psıhologıalyq daıyndaý boıynsha ádistemelik nusqaýlar

UBT - jańa tehnologıalarǵa negizdelgen, mektep túlekteriniń qorytyndy memlekettik attestasıasyn jáne kolejder men joǵary oqý oryndaryna túsý emtıhandaryn biriktiretin, bilim berý uıymynan táýelsiz, bilim sapasyn baǵalaýdyń memlekettik júıesi.
UBT maqsaty: bilimniń joǵary sapasyn qamtamasyz etetin oqý jetistikteriniń syrtqy táýelsiz baǵasynyń júıesin qurý.

UBT mindetteri:
1. Biryńǵaı ólsheý materıaldarynyń kómegimen bilim sapasyn memlekettik baqylaý men basqarýdy qamtamasyz etý;
2. Bilim sapasyn baǵalaýdyń shynaıylyǵyn, durystyǵyn arttyrý;
3. Joǵary jáne orta kásiptik bilimge qol jetkizýde áleýmettik ádilettilikti qamtamasyz etý.
Qazirgi kezde oqýshylardy UBT tapsyrýǵa psıhologıalyq turǵydan daıyndaý qajet. Testti tapsyrýǵa eshkim arnaıy úıretpeıdi, biraq soǵan qaramastan, mundaı psıhologıalyq bilim óte paıdaly. Olar testke daıyndalý tıimdiligin arttyryp, test kezinde ózińdi oıdaǵydaı ustaýǵa kómektesip qana qoımaıdy, sonymen qatar oı jumysy daǵdylaryn damytýǵa, mańyzdy kezderde ózińdi jumysqa jumyldyrýǵa, ózińniń emosıalaryńdy qolǵa alýǵa kómektesedi. UBT rásimi oıyńdy ábden jınaqtap, bar nazaryńdy soǵan aýdaryp, muqıat jáne uqypty bolýdy, bir tapsyrmadan ekinshisine jyldam kóshe bilýdi talap etedi.

Test tapsyrý prosesin psıhologıalyq qamtamasyz etý máselesin talqylaı otyryp, onyń 3 kezeńin atap ótý qajet:
İ. Testke daıyndyq, test aldynda oqý materıalyn zerdeleý;
İİ. Test qarsańynda;
İİİ. Testke kirer kezde.

İ. Testke daıyndyq, test aldynda oqý materıalyn zerdeleý: Asa aýyr kezderde basyńdy joǵaltyp almas úshin, asa joǵary maqsatqa qol jetkizý úshin ózińniń aldyńa asa joǵary mindet qoıma. Jaǵdaıdyń ábden shıelenisýin kútip otyrma. Emtıhanǵa aldyn ala, azdap - azdap, bólshektep daıyndalýǵa kiris. Eger kúsh - jigeriń men oıyńdy jınaý qıynǵa soqsa, aldymen eń jeńilderin este saqtaýǵa tyrys, sodan keıin kúrdeli materıaldy oqýǵa kósh. İshki qobaljýdy, sharshaǵandyqty basýǵa, ózińdi bos ustaýǵa kómektesetin jattyǵýlardy kún saıyn orynda.

Ózińniń jumys ornyńdy daıyndap al. Ústelge sary nemese kúlgin tústegi zattar nemese sýret qoı, óıtkeni bul túster zıatkerlik belsendilikti oıatady.

Emtıhanǵa daıyndalǵan kezde kózge kóp júk túsedi. Eger kóz sharshasa, búkil organızm sharshady degen sóz: onyń emtıhan tapsyrmalaryn oryndaýǵa kúshi jetpeıdi. Kózge demalys berý kerek. Tómendegi jattyǵýlardyń kez kelgen ekeýin orynda:
- kezek - kezek joǵary - tómen (25 sekýnd), ońǵa - solǵa (15 sekýnd) qara;
- kózińmen ózińniń tegińdi, atyńdy, ákeńniń atyn jaz;
- qashyqtaǵy zatqa qara (20 sekýnd), sosyn kóz aldyńdaǵy paraqqa birinshi ońnan solǵa qaraı, sosyn soldan ońǵa qaraı sharshynyń, úshburyshtyń sýretin sal.

Kúnińdi úshke ból:
- emtıhanǵa kúnine 8 saǵat daıyndal;
- sportpen shuǵyldan, taza aýada demal, dıskotekaǵa baryp bılep kel;
- kem degende 8 saǵat uıyqta; eger qajet dep sanasań túski astan keıin ózińe úzilis jasap, azdap uıyqtap al.

Kúnine 3 - 4 ret tamaqtaný qajet; tamaq nárli jáne dárýmenderge baı bolsyn. Grek jańǵaǵyn, sút ónimderin, balyq, et, kókónis - jemis, shokolad je. Taǵy bir keńes: emtıhan aldynda asa toıyp jeme jáne sút ónimderin ishpe.

Kóp materıaldy qalaı este saqtaýǵa bolady?
Materıaldardy suraq boıynsha qaıtala. Basynda esińe túsir de, bar bilgenińdi qysqasha jazyp al. Sodan keıin ǵana datalardyń, negizgi oqıǵalardyń durystyǵyn tekser. Oqýlyqty oqyp otyrǵanda basty, ózekti oılardy túrtip otyr – bul jaýaptyń negizgi tarmaqtary bolmaq. Kishkentaı paraqtarǵa ár suraqqa jaýaptyń qysqasha josparyn qurastyryp úıren. Erteń emtıhanǵa baramyn degen kúni jaýaptyń qysqasha josparlary bar paraqtaryńdy qarap shyq.