InfoHub Logo

Sabaqtyń taqyryby: B dybysy men árpi
Sabaqtyń maqsaty: 1. B dybysyn durys dybystatý, árpin tanytý, B dybysynyń aıtylý artıkýlásıasy, B – dybysy daýyssyz dybys, ol sózdiń tek basy men ortasynda kezdesetinin, B – dybysy bar sózderge dybystyq taldaý jasatý, býynǵa durys bólýge úıretý. B - árpi bar sózderdi oqı bilý.
2. Oqýshylardyń tanymdyq qabileti men qyzyǵýshylyǵyn arttyrý.
3. Oqýshylardy saýattylyqqa, tazalyqqa tárbıeleý.
Túri: Ertegi sabaq.
Ádisi: túsindirme, áńgimelesý, oıyn, suraq – jaýap.
Kórnekiligi: Slaıd

Sabaqtyń barysy:
İ. Uıymdastyrý kezeńi:
- Balalar qazir bizge qandaı sabaq?
- Saýat ashý sabaǵy.
- Saýat ashý sabaǵyna kerekti barlyq quraldarymyzdy shyǵardyq pa?
Úı tapsyrmasyn tekserý.
- Ótken sabaqta qandaı árippen tanystyq? T. b.

İİ. Jańa sabaq
Qyzyǵýshylyǵyn oıatý:
- Balalar, men senderge qyzyqty ertegi aıtyp bereıin be?
Endeshe tyńdańdar.
Ertede bir eshki jeti laǵymen ormanda tirshilik etipti. Birde eshki laqtaryna azyq ákelýge orman aralaýǵa keterde esikti eshkimge ashpańdar! Men qaıtyp oralǵanda esikti qaǵyp: «Laqtarym, shunaqtarym! Esikti ashyńdar! Analaryń senderge sút ákeldi!- dep án salamyn»,- deıdi.
Osy kezde eshki úıiniń mańynda qasqyr jemtik izdep jortyp júrgen. Ol laqtardy aldamaq boldy. Qasqyr eshkiniń ketkenin kútip, laqtardyń eshkimniń qaraýynsyz qalǵan sátin ańdydy. Qasqyr úıge jaqyndap kelip, óziniń qarlyqqan, qyryldaǵan daýsymen:
- Laqtarym, shunaqtarym! Esikti ashyńdar! Analaryń senderge sút ákeldi!,- dedi.
Laqtar:
- Estidik! Tyńdadyq! Bul - anamyzdyń daýysy emes. Bizdiń anamyz jińishke, názik daýysymen ándetedi. Ket, qasqyr, biz saǵan esikti ashpaımyz,- dep jaýap qatty.
Qasqyr ismer adamǵa kelip, jińishke daýyspen án salý úshin tamaǵyn qaǵyp berýin surady. İsmer tań - tamasha boldy, biraq tamaǵyn qaǵyp, onyń daýysyn jińishkertti.
Qasqyr eshki úıine jaqyndap kelip, esigin qaqty. Sonan soń jińishke, názik daýysymen:
- Laqtarym, shunaqtarym! Esikti ashyńdar! Analaryń senderge sút ákeldi!- dep ándetti.
Laqtar esikti ashty. Jaýyz qasqyrǵa keregi sol edi. Ol úıge basa kókteı, kımeleı kirdi de, laqtardy birinen soń birin qabyna salyp aldyda, úıine alyp ketti. Eshki úıine kelse, esik aıqara ashyq jatyr. Úı ishinde eshki kórinbeıdi. Eshki basyna túsken qaıǵydan kóz jasyn kól qylyp, zarly únmen jylady. Laqtaryn qasqyr alyp ketkenin bilip, qasqyrǵa keledi. Sonda qasqyr:
- Menińi ár tapsyrmamdy oryndaǵan saıyn, men saǵan bir - birlep laqtaryńdy qaıtaramyn.- deıdi.
- Eshki berilgen tapsyrmalardy oryndaı almaı qınalypty. Balalar, eshkige kómektesemiz be?
- Endeshe, qasqyrdyń birinshi tapsyrmasyn qaraıyq.
1 - tapsyrma:
Jumbaqtar.
Taýsyla ma, qarańdar,
Tabıǵattyń qyzyǵy?
Sýyq jaqtaǵy janýar -
Butaq - butaq múıizi. (Buǵy)

Úsh kózdi batyr,
Jol kórseter batyl
Úsh kózi úsh túrli,
Qyzyl, sary, jasyl
(Baǵdarsham)