InfoHub Logo

Taqyryby: Qustar – bizdiń dosymyz
Maqsaty: Oqýshylardy tabıǵattyń bir bólshegi baqshamyzdyń sáni qustar ómirimen tirshiligimen tanystyrý. Tabıǵatty uqypty paıdalanýǵa ony qorǵaýǵa, aıalaýǵa, súıýge, jer baılyǵyn únemdeýge tárbıeleý. Qustardy qorǵap, olardy qamqorlyqqa alýǵa shaqyrý. Oqýshylarǵa ekologıalyq tárbıe berý. Oqýshylardyń tanymdyq belsendiligi arttyrý.
Kórneki quraly: ınteraktıvti jaqta, slaıdtar, qustar sýreti, qanatty sózder men yrym - tyıymdar, ertegi jelisi boıynsha qajetti zattar.

Júrý barysy:
1 Kirispe sóz
2 Ekologıa týraly qysqasha túsinik
3 Tabıǵat týraly túsinik berý
4 Qustar týraly maǵlumattar berý
5 Aǵashtyń paıdasy
6 Qustar áýenin tyńdaý
7 Shattyq sheńberi
8 Taqpaqtar aıtý
9 Maqal - mátelder
10 Halyq boljamy. Tabıǵat syryn qustar da biledi
11 Iá - joq oıyny
12 Qustarǵa qamqorlyq
13 Qorytyndylaý

1 - slaıd. Ekologıa — ómirdiń soǵyp turǵan júregi
Muǵalim sózi: Qurmetti ata - analar ustazdar Qosh keldińizder Mektebimizde Ekologıa - ómirdiń soǵyp turǵan júregi atty aptalyq ótip jatyr. Soǵan 1 v synyp oqýshylary da atsalysqaly tur
2 - slaıd. Adam men tabıǵatyń tildeskeni - ómirdiń úndeskeni. Ekologıa týraly túsinik berý.
3 - slaıd. Ekologıa ǵylymy neni zertteıdi?

4 - slaıd. Qustar bizdiń dosymyz
Balalar, biz búgin tabıǵattyń bir bóligi, tabıǵattyń kórki, sáni, baqshanyń áni bolǵan - qustar taqyrybyna toqtalaıyn dep turmyz.
Jer betinde qustardyń 8600 - ge jýyq túri bar eken.
Al, Qazaqstanda 480 túri bar eken. Qustar - adamdardyń dostary. Qustar kórkimen de ásem áýenimen de symbatty. Olardyń kópshiligi jándikterdi, kemirgishterdi, baý - baqsha, orman - toǵaı, dala zıankesterin jep, adamzatqa paıda keltiredi. Dostarymyzǵa arnalǵan Qustar bizdiń dosymyz atty tárbıe saǵatymyzdy bastaımyz.

6 - slaıd. Oı qozǵaý. Aǵashtyń paıdasy. Sýretten nelerdi kórip turmyz? Aǵashtyń qandaı paıdasy bar?
7 - slaıd. Qustardyń paıdasy. Endeshe aǵashtardyń jaqsy ósýi úshin qustardyń kóp paıdasy bar eken?
Qane, kim aıtady, qandaı paıdasy bar?
8 - slaıd. Qustar áýenin tyńdaý(qustar án salady)
9 - slaıd. Shattyq sheńberi
Balalar, endi ortaǵa shyǵyp, shattyq sheńberin quraıyq.

10 - slaıd Tabıǵatpen birgemiz
Hormen: Armysyń, altyn kún?
Kógildir kók aspan
Barmysyń qustarym?
Qanatty dostarym

11 - slaıd. Qustar - tabıǵattyń bir bólshegi.
Taqpaqtar. Qustarǵa sóz bereıik
1- oqýshy
Qustar - bizdiń dosymyz,
Qus uıasyn buzbaıyq
Eı, balalar, balalar,
Aman bolsyn, analar,
2 - oqýshy
Jumyrtqasyn almaımyz,
Obalyna qalmaımyz.
Taqıa tuzaq salmaıyq
Qarǵysyna qalmaıyq.

3 - oqýshy
Ádeıi kózdep atpaıyq,
Kóp kúnáǵa batpaıyq.
Qustarda da ana bar
Qustarda da bala bar

4 - oqýshy
Tyrnaqtaı qustyń jaýy kóp
Qurýly ajal, aýy kóp.
Balalyq qyp qyzbaıyq,
Qus uıasyn buzbaıyq.

5 - oqýshy
Sálem, dostar, aman ba?
Mynaý beıbit zamanda.
Án salamyn qus únimen,
Sándenemin qyr gúlimen
Al, qurmetti halaıyq
Qustardy qarsy alaıyq?
Mýzyka áýenimen qustar ortaǵa shyǵady.
6 - torǵaı
Men torǵaımyn, torǵaımyn,
Jerge beker qonbaımyn.
Shegirtke men shirkeıden
Aq bıdaıdy qorǵaımyn.
7 - kepter
Kepter degen myna qus
Qıyn kezde dosymyz
Árli berli hat tasyp
Ushqan talaı asyǵyp.

8 - qarlyǵash
Túsi qara maqpaldaı,
Tósine aq syr jaqqandaı.
Ushsa oqtaı zýlaıdy.
Kókten juldyz aqqandaı.
Oıdy kezip, qyrdy asyp,
Qarlyǵashtar zyrlaıdy.
9 - toqyldaq
Ormanda joǵary,
Aǵashqa qonady.
Tumsyǵyn balǵa qyp
Toq - toq, soǵady.
Qarańdar ol mine,
Toqyldaq bolady

10 - tyrna
Jyly jaqtan bir habar,
Ákeldi tyrnalar
Tyraý - tyraý
Kóktem mynaý tyrnalar.
Qatar túzep
Kókte júzip tyrnalar.

11 - aqqý
Kóldiń kórki erkesi
Qanattary kórpesi
Boıyn kútip baptaıdy
Eshkim ony atpaıdy.
Kóldiń appaq kerbezi
Aqqý degen men bolam!