InfoHub Logo

Sabaqtyń taqyryby: « Qustar - bizdiń dosymyz»
Sabaqtyń maqsaty: Oqýshylarǵa jalpy qustardyń paıdasy týraly, olar jóninde maǵlumat berý. Negizinen qustarǵa qamqor bolýǵa, qustardy aıalaýǵa beıimdeý. Kóńildi kóktemde qustardyń oralýyn, olardyń azaıyp ketýinen habardar etý. Olardyń qustar týraly oı - óristerin, túsinikterin damytý. Otanyn, jerin, ormanyn, kólin – tabıǵatyn súıýge baýlý.
Kórnekiligi: Interaktıvti taqta, sýretter.
Barysy: Beınetaspadan jazǵy ormandaǵy qustardyń ásem daýystary estilip turady.

Kirispe.
Hor: «Kóktem keldi»
1 - oqýshy
Naýryz keldi,
Tirshilikke jan kirdi.
Keń dala jasaryp, jańǵyrdy.
Bar óńir qulpyra bastady,
Tósine quıyp ap jańbyrdy.
2 - oqýshy
Jyl qustary keldi dep,
Baldyrǵandar máz boldy.
Qos qanaty jelpildep,
Kólge úırek - qaz qondy.
3 - oqýshy
Ushyp kelgen eń alǵash,
Qaratorǵaı qyraǵy.
Uıalarǵa qonaqtap,
Deıdi - « meniń turaǵy».

İ - bastaýshy: Tabıǵatty quraıtyn bólikterdiń biri - qustar. Halyq ejelden – aq qustarǵa áýes, olarǵa degen súıispenshiligin sheksiz dáriptep, eń jaqsy kóretin adamdy qustarǵa teńeý arqyly ol yqylasyn kópke aıan etedi.

İİ - bastaýshy: Halyq óz ortasynan shyqqan sańlaq uldaryn suńqarǵa teńese, tógilte án shyrqaıtyn ánshisin - bulbulǵa, el úshin, Otan úshin janyn qıatyn batyrlaryn – qyranǵa, elden asqan sulýdy – aqqýǵa teńedi.
4 - oqýshy
Oı, balalar, balalar!
Jyly - jyly jel soqty.
Jylǵalardan sý aqty,
Qańqyl - qańqyl qaz kepti.
5 - oqýshy
Qustar toıyn quttyqtap,
Qýanamyz, qoldaımyz.
Uıa jasap quttyqtap,
Biz olardy qorǵaımyz.
6 - oqýshy
Jyly shýaǵymen gúl ósirip,
Jyl qustaryn ilestirip.
Kórikti kóktem keldi.
Kóktem:
Sálem, dostar aman ba?
Mynaý beıbit zamanda
Shat - shadyman Kóktemmin,
Shattyq bolsyn ámanda.
Án qurdym únimmen,
Sán qurdym gúlimmen.
Qýantamyn bárińdi
Qut mereke kúnimmen.

7 - oqýshy
Úı saldym qustyń aldynan,
Bolsynshy ol ómir panasy.
Ózimdeı sábı baldyrǵan,
Óssinshi qustyń balasy.

Kórinis: «Bulbul men toqyldaq»

İ - bastaýshy: Qustardyń uıasyn buzyp, jumyrtqalaryn jarýǵa, raqymsyzdyq jasap, jazyqsyzdan - jazyqsyz qustardy jábirleýge, óltirýge jol bermeıik.
İİ - bastaýshy. Halyq « kókek keldi - kóktem keldi « deıdi. Kóktemniń tamasha bir aıyn kókek dep ataıdy. Qadiri men qasıeti onsha emes osy bir qustyń aty nelikten jyldyń eń tamasha aıyna teńeý boldy eken?

İ - bastaýshy: - Óz urpaǵyna uqypsyz bolsa da, kókek paıdaly qustardyń birine sanalady. Kókektiń balapany bir kúnde ǵana 39 shegirtke, 43 juldyz qurt, zaýza qońyzynyń 5 jumyrtqasyn, 4 órmekshi jáne qumyrsqa jumyrtqalaryn qorek etedi.

İİ - bastaýshy: úıimizdiń mańynda júretin kip-kishkene torǵaıdyń bir ózi ǵana bir jylda 4 mıllıonǵa jýyq jándik jeıdi.
Kógershin áni.

İ - bastaýshy: Qurmetti jas dostar, qustar jóninde vıktorına suraqtaryna jaýap bereıik.
1. Qustyń negizgi mekeni ne?
(Uıa)
2. Qandaı qus hat tasýshy atanǵan?
(Kógershin)
3. Qaı qusta múlde uıa bolmaıdy?
(Kókek)
4. Adam qaı qusty ań aýlaýǵa paıdalanady?
(Búrkit)
5. Torǵaıdyń júregi mınýtyna neshe ret soǵady?
(960 ret)

İİ - bastaýshy: Qustarǵa arnalǵan kóptegen jumbaqtar bar. Kimniń oıy ushqyr bolsa, jumbaqty tez sheshedi.
Kóldiń kórki, sáni eken,
Ushqanda sazdy án eken.
Aqyndar ony maqtaǵan,
Adamdar qorǵap saqtaǵan,
Bul qandaı qus?
(Aqqý)
Aq saraıyn talqandap,
Shyqty bireý taltańdap.
(Balapan)
Mań - mań basqan júrisi,
Barlyq qustyń irisi.
Qashqanda qustaı ushpaıdy
(Túıequs)
Aýyl da, qalada mekeni,
Jolaýshy júrsek shyǵaryp salady.
Aldyńnan shyǵady,
Janyńdy erkeletedi.
(Qarlyǵash)
Ózi saq, ózi usaq,
Shyqylyqtap turmaıdy.
Quıryǵy uzyn, ózi ala,
Bul qandaı qus?
(Saýysqan)
Kóktemde qustar kelgende,
Eń aldymen keletin,
Ózimiz kútip alatyn,
Uıa jasap beretin,
Bul qandaı qus?
(Qaratorǵaı)

Qorytyndy: Án: «Aq kógershin»
Úıge tapsyrma «Qustar bizdiń dosymyz»esse jazý. Qustardyń sýretin salý