InfoHub Logo

Ulttyq dástúrde qurylǵan «Qustar – qanatty dostar» atty sabaǵymnyń maqsaty – qustar týraly jalpy túsinik berý, tabıǵatty aıalap qorǵaýǵa tárbıeleý.
Uıymdastyrý sátinen keıin ulttyq oıyn túrlerine sıpattama bere otyryp, úı tapsyrmasyn «Hantalapaı» oıyny arqyly surap, bekitemin.
Jańa sabaqty «Qustar – bizdiń dostarymyz, tabıǵat qorǵaýshysy» dep bastap, olardyń úsh topqa bólinetinin syzba arqyly túsindiremin.

Qustardyń adamǵa keltiretin paıdasyn aıtamyn: et, jumyrtqa beredi, qanaty,
júni, emdik qasıeti bar.
Qustarǵa baılanysty tyıym sózderge túsinik beremin: qustyń uıasyn buzba,
jumyrtqasyn shaqpa,
balapanyn óltirme, t.b.

Sózdik jumysyn jumbaq sheshý arqyly júrgizemin:
1. Ný ormanda otyr,
Kúndiz kórmes soqyr. (úki – sova)
2. Kóldiń áni, sáni eken,
Eti, júni dári eken. (aqqý – lebed)
3. Kıimi ala, isi bar shala,
Mekeni – orman, dala. (saýysqan – soroka)

Úntaspadan qustar daýysyn estımiz.

Kelesi tapsyrma qustarǵa baılanysty maqal-mátelder jazyp, qazaq tiline tán dybystardyń astyn syzý.
1. Qustyń qýy saýysqan.
2. Lashyn – qustyń jendeti.
3. Kókek óz atyn ózi shaqyrady.
4. Tulpar shaba jetiledi, suńqar usha jetiledi.
5. Qarǵa qarqyldasa qatqaq keler, qaz qańqyldasa jaz keler.
6. Aqqýdy atpa, dosyńdy satpa.

Kitaptaǵy qustar týraly berilgen óleńderdi mánerlep oqytyp, sýret boıynsha ár qusqa sıpattama bergizemin.

Qaz.--------------------------------Torǵaı.
Shyǵyp aýyl shetine----------Torǵaı, torǵaı, torǵaısyń
Jaıylady betimen.----------Taıaý kelip qonǵaısyń.
Qyzyqtyrar ol bizdi---------Dán shashaıyn toıyp al,
Jumyrtqamen, etimen.------Sonda aıazǵa tońbaısyń.

Jańa sabaqty «Gúl» oıýyna salynǵan Venn dıagramsy arqyly bekitemin.

Úıge «Qustardyń paıdasy men zıany» týraly esse jazýdy tapsyramyn, oqýshylar bilimin baǵalaımyn.