InfoHub Logo

Sabaqtyń taqyryby: Rámizder – el bedeli!

Sabaqtyń maqsaty:
1. Bilimdilik. Oqýshylarǵa Qazaqstan Respýblıkasynyń Memlekettik rámizderi týraly aqparat berý, olardy erekshe qurmettep, maqtan tutý kerektigin ashyp kórsetý.
2. Damytýshylyq. Oqýshylardyń óz betinshe izdený, oılaý qabiletterin damytý
3. Tárbıelik. Óz otanyna, onyń rámizderine degen súıispenshilikterin arttyrý

Sabaqtyń túri: Saıys sabaǵy
Kórnekilikter: Qazaqstan Respýblıkasynyń Memlekettik rámizderi beınelengen sýretter, búkteme, Qazaqstan Respýblıkasynyń saıası, ákimshilik kartalary, mýltımedıalyq proektor, qabyrǵa gazeti jáne t. b

Sabaqtyń barysy:
Qazaqstan Respýblıkasynyń Memlekettik Gımni oryndalady
Júrgizýshi(synyp jetekshisi): Armysyzdar qurmetti oqýshylar jáne sabaǵymyzdyń qonaqtary!
Táýelsiz Qazaqstan Respýblıkasy – Eýrazıa materıginiń ortalyq bóliginde ornalasqan memleket. Jer kólemi – 2724. 9 myń km2. Qazaqstan jer kólemi jóninen dúnıe júzi boıynsha 9 - oryndy ıelenedi.

Qazaqstan Respýblıkasy óz táýelsizdigin 1991 jyly 16 jeltoqsanda jarıalaǵany belgili. Kez kelgen memlekettiń basqalardan erekshelep turatyn nyshandary bolady. Qazaqstan Respýblıkasynyń Konstıtýsıasynyń 9 - babynda « Qazaqstan Respýblıkasynyń Memlekettik rámizderi – Týy, Eltańbasy jáne Gımni»- delingen. Sondaı - aq osy zańnyń 34 - bap, 2 - tarmaǵynda « Árkim Respýblıkanyń memlekettik nyshandaryn qurmetteýge mindetti,»- delingen. Elimizdiń Týy, Eltańbasy, Gımni 1992 jyly Joǵarǵy Keńestiń sesıasynyń sheshimimen bekitilgen. Bıylǵy 2012 jyly jas memleketimizdiń rámizderine 20 jyl tolyp otyr. Olaı bolsa búgingi bizdiń oqýshylardyń ótkizgeli otyrǵan « Rámizder – el bedeli!» atty tárbıe saǵatyna qosh kelipsizder.

İ - kezeń Tanystyrý. Ár top ózderin tanystyryp ótedi. Saıystyń bul kezeńi bes upaımen baǵalanady.
Júrgizýshi: Endi oqýshylardyń rámizder týraly bilimderin kórsetetin «Kim tapqyr?» kezeńine kezek bereıik.
Talapty bala
Talpynǵan qustaı.
Qumary qanbas
Aspanǵa ushpaı.
Saıystyń «Kim tapqyr?» kezeńi boıynsha oqýshylarǵa suraqtar beriledi. Árbir durys jaýap bir upaımen baǵalanady.
İ toptyń suraqtary:
1. Qazaqstan Respýblıkasynyń Memlekettik rámizderine neler jatady.
Tý, Eltańba, Gımn
2. Qazaqstan Respýblıkasynyń Memlekettik Týynda qandaı túster kezdesedi.
Kók, sary
3. Qazaqstan Respýblıkasynyń Gımni neshe ret aýysty.
Eki ret
4. Memlekettik Eltańbada kezdesetin aspan denesi
Juldyz
5. Memlekettik Týdyń uzyndyǵy men eniniń qatynasy qandaı
2: 1

İİ toptyń suraqtary:
1. Qazaqstan Respýblıkasynyń Memlekettik rámizderi qabyldanǵan jyl
1992 jyl
2. Memlekettik rámizder kúni
4 maýsym
3. Memlekettik Týda beınelengen, erkindikti bildiretin qus
Qyran búrkit
4. Memlekettik Eltańbada beınelengen janýar
Qanatty pyraq
5. Qazaqstan Respýblıkasynyń jańa Gımni alǵash ret qandaı jıynda oryndaldy
El prezıdenttin ulyqtaý rásiminde

Júrgizýshi: Sándi aıshyǵy, bederi,
Rámizder – el bedeli!
Boıǵa taqqan tumardaı,
Qasterleımin men ony!
Saıysymyzdyń kelesi kezeńi «Oılan tap!» dep atalady. Bul kezeńde «Avtorlar», «Uǵymdar»,

«Sportshylar», «Memleket» dep atalatyn tórt kategorıa berilgen. Ár kategorıanyń sol jaǵynda 10, 20, 30, 40 degen upaı sandary kórsetilgen uıashyqtar ornalasqan. Árbir uıashyqta sol kategorıaǵa baılanysty suraqtar jasyrylǵan. Oqýshylar kezekpen kategorıany jáne upaı kórsetilgen uıashyqty tańdaıdy. Durys jaýap bergen jaǵdaıda uıashyqta kórsetilgen upaı sanyn ıelenedi.
«Avtorlar» kategorıasynyń suraqtary:
1. Memlekettik Týdyń avtory kim? (Sháken Nıazbekov)
2. Memlekettik Eltańbanyń avtorlaryn atańdar (Shota Ýálıhanov, Jandarbek Málibekov)
3. Memlekettik Gımnniń ánin jazǵan áıgili kompozıtor kim? (Shámshi Qaldaıaqov)
4. Memlekettik Gımnniń sóziniń avtorlaryn atańdar (Jumeken Nájimedenov, Nursultan Nazarbaev)

«Uǵymdar» kategorıasynyń suraqtary:
1. Memlekettik Týdaǵy kók tús qandaı maǵyna bildiredi?( Kógildir tús Qazaqstan halqynyń jańa memlekettilikke umtylǵan nıet-tileginiń tazalyǵyn, asqaqtyǵyn kórsetedi)

2. Memlekettik Týda beınelengen kúnniń, qyran qustyń maǵynasyn túsindirińder? (Nurǵa malynǵan altyn kún tynyshtyq pen baılyqty beıneleıdi. Kún — qozǵalys, damý, ósip - órkendeýdiń jáne ómirdiń belgisi. Kún — ýaqyt, zamana beınesi. Qanatyn jaıǵan qyran qus — bar nárseniń bastaýyndaı, bılik, aıbyndylyq beınesi. Ulan - baıtaq keńistikte qalyqtaǵan qyran QR - nyń erkindik súıgish asqaq rýhyn, qazaq halqynyń jan - dúnıesiniń keńdigin pash etedi.)

3. Memleketik Eltańbadan oryn tapqan Shańyraqtyń maǵynasyn túsindirińder?( Shańyraq — memlekettiń túp - negizi — otbasynyń beınesi. Shańyraq — Kún sheńberi. Aınalǵan Kún sheńberiniń qozǵalystaǵy sýreti ispetti, Shańyraq — kıiz úıdiń kúmbezi kóshpeli túrkiler úshin úıdiń, oshaqtyń, otbasynyń beınesi)

4. Memlekettik eltańbada beınelegen qanatty pyraq qandaı maǵyna bildiredi?( Qanatty tulpar — qazaq poezıasyndaǵy keń taraǵan beıne. Ol ushqyr armannyń, samǵaǵan tańǵajaıyp jasampazdyq qıaldyń, talmas talaptyń, asyl murattyń, jaqsylyqqa qushtarlyqtyń keıpi. Qanatty tulpar Ýaqyt pen Keńistikti biriktiredi. Ol ólmes ómirdiń beınesi.)

«Sportshylar» kategorıasynyń suraqtary:
1. Qazaqtan shyqqan tuńǵysh olımpıada chempıony kim?(Jaqsylyq Úshkempirov)
2. Londanda ótken HHH Jazǵy Olımpıada oıyndarynda birinshi bolyp Qazaqstannyń Týyn jelbiretip, Gımnin asqaqtatqan sportshy?( Aleksandr Vınakýrov)
3. Olımpıada oıyndarynyń aýyr atletıkadan eki dúrkin chempıony atanǵan sportshyny atańdar (Ilá Ilın)
4. Áıgili otandastary Vasılıı Jırov pen Bahtıar Artaevtyń jetistigin qaıtalap Olımpıadalyq oıyndarda bokstan altyn medalmen birge «Barker» kýbogin ıelengen qazaq sportshysy kim? (Serik Sapıev)

«Memleket» kategorıasynyń suraqtary:
1. Qazaqstan táýelsizdigin birinshi bolyp tanyǵan memleket (Túrkıa)
2. Osy memlekette ótken Olımpıada oıyndary Qazaqstanǵa 7 birdeı chempıondy jáne 5 olımpıada júldegerlerin syılady. Bul qaı memleket? (Anglıa)
3. 2011 jyly qandaı aıtýly mereke toılandy? (El táýelsizdiginiń 20 jyldyǵy)
4. Qazaqstannyń soltústiginde ornalasqan memleket? (Reseı)

Júrgizýshi: Onda qýat, jalyn bar,
Jalynnan ot jalyndar!
Rámizderden
Elimniń,
Bet - beınesi tanylar!
Saıystyń İÚ kezeńi «Kim jyldam? dep atalady. Bul kezeńde oqeshylar qysqa ýaqyt aralyǵynda oblystar shekaralarymen bólingen Qazaqstan kartasyn tez arada jınaýy kerek. (5upaı beriledi).

Júrgizýshi: Saıysymyzdyń sońǵy kezeńi «Oıly bolsań ozyp kór» dep atalady. Bul kezeńde oqýshylar otan jaıly maqal - mátelder, rámizder týraly óleńder aıtyp jarysady.
Saıystyń qorytyndylaý jeńimpazdardy marapattaý.
Sálem hattaı ol maǵan,
Bolashaqqa joldanǵan...
Rámizderi elimniń
Ata zańmen qorǵalǵan...
«Kók Týdyń jelbiregeni» áni oryndalady