Eki dúnıe eregisip jatqanda
Suńqar qulap jartasqa,
Daýyl turǵan shaqtarda,
Kúshigender aqpanda,
Saı,jyrany panalap,
Jemtik izdep baqqanda,
Jumyr jerdi aralap,
Ketti bir ún ǵalamat.
Ushty aqnyq Daýylpaz
Qanatyna júk artqan.
Qaldy tobyr munartqan,
Sulýlardyń ıisine qumartqan
Qaldy nebir keselder:
Qorqaq. kúnshil, meshelder,
Bola almaǵan kósemder,
Kóbik ezý sheshender.
Soqty daýyl úıirip,
Ushty jasyn, jaı-ottar.
Bolattan qursaý kıinip,
Shyqty jalańaıaqtar.
«Daýyl bultty tiledi...»
Úndegen sonda kim edi?
Ol - Dankonyń júregi,
Ol - Edildiń uly edi.
Revolúsıa baıraǵyn
Qanatyna qystyrǵan
Daýyl bultty serpedi!
Jaratylǵan ushqynnan
Ol - alapat órt edi.
Qudiretine Adamnyń
Daýylpaz basyn ıedi.
Gorkıı - uly zamannyń
Urpaqqa tartqan syıy edi.
Gorkıı - oılar tartysy,
Aqıqat pen ardyń uly.
Gorkıı - revolúsıa jarshysy,
Revolúsıa jańǵyryǵy!

---