Qyzylqumda izimiz qalar ma eken,
İzdegen jan bizderdi tabar ma eken?
Adasarmyz, adassaq, qaramaı-aq
Kel ekeýmiz kezeıik jalań aıaq.
Qasıettep, qadirli jerimizdi,
Qaldyraıyq,basaıyq mórimizdi.
Áýestemeı áldekim salǵan izdi,
Ózimizshe syzaıyq tańbamyzdy.
Adasarmyz myqtasa qum shaǵylda,
Tynyǵarmyz Qyzylqum qursaǵynda.
Tek izimiz...
İzimiz óshpese eken,
Quıyn turyp,qum basyp, kóshpese eken.
Óshse, ósher,óshkenge qaramaı-aq
Qyzylqumdy kezeıik jalań aıaq.
Qyzylqumda izimiz qalar ma eken,
İzdegen jan bizderdi tabar ma eken?..

---